ಕೊನೆಯ ಪಂದ್ಯದಲ್ಲಿ ಹರಿಣಗಳ ಅಬ್ಬರ... ಆಸ್ಟ್ರೇಲಿಯಾಕ್ಕೆ 326 ರನ್​ಗಳ ಬೃಹತ್​ ಟಾರ್ಗೆಟ್​

ದಕ್ಷಿಣ ಆಫ್ರಿಕಾ ತಂಡ ನಾಯಕ ಪ್ಲೆಸಿಸ್​(100) ಶತಕ, ಡಿಕಾಕ್​(52) ಹಾಗೂ ಡಾಸೆನ್​ (95) ಅರ್ಧಶತಕದ ನೆರವಿನಿಂದ 325 ರನ್​ಗಳ ಬೃಹತ್​ ಮೊತ್ತ ದಾಖಲಿಸಿತು.

ಮ್ಯಾಂಚೆಸ್ಟರ್​: 2019 ರ ವಿಶ್ವಕಪ್​ ನೀರಸ ಪ್ರದರ್ಶನ ತೋರುತ್ತಿದ್ದ ದ.ಆಫ್ರಿಕಾ ತಂಡ ಆಸ್ಟ್ರೇಲಿಯಾ ವಿರುದ್ಧದ ಕೊನೆಯ ಲೀಗ್ ಪಂದ್ಯದಲ್ಲಿ 325 ರನ್​ಗಳಿಸಿದೆ.

ಟಾಸ್​ ಗೆದ್ದು ಬ್ಯಾಟಿಂಗ್​ ನಡೆಸಿದ ದಕ್ಷಿಣ ಆಫ್ರಿಕಾ ತಂಡಕ್ಕೆ ನಾಯಕ ಪ್ಲೆಸಿಸ್​(100) ಶತಕ, ಡಿಕಾಕ್​(52) ಹಾಗೂ ಡಾಸೆನ್​ (95) ಅರ್ಧಶತಕದ ನೆರವಿನಿಂದ 325 ರನ್​ಗಳ ಬೃಹತ್​ ಮೊತ್ತ ದಾಖಲಿಸಿತು.

8 ಪಂದ್ಯಗಳಲ್ಲಿ 5 ಪಂದ್ಯದಲ್ಲಿ ಸೋಲನುಭವಿಸಿದ್ದ ಹರಿಣಗಳು ತಮ್ಮ ಕೊನೆಯ ಪಂದ್ಯದಲ್ಲಿ ಗೆಲ್ಲಲೇ ಬೇಕೆಂಬ ಆತ್ಮವಿಶ್ವಾಸದಲ್ಲಿ ಆರಂಭದಿಂದಲೇ ಅಬ್ಬರದ ಬ್ಯಾಟಿಂಗ್​ ಪ್ರದರ್ಶನ ತೋರಿದರು. ಆರಂಭಿಕರಾದ ಡಿಕಾಕ್​ 51 ಎಸೆತಗಳಲ್ಲಿ 7 ಬೌಂಡರಿ ಸಹಿತ 52 ರನ್​ ಸಿಡಿಸಿ ಮೊದಲ ವಿಕೆಟ್​ಗೆ ಮ್ಯಾರ್ಕ್ರಮ್(34)​ ಜೊತೆಗೆ 79 ರನ್​ಗಳ ಜೊತೆಯಾಟ ನೀಡಿದರು. ಇವರಿಬ್ಬರನ್ನು ಆಸೀಸ್​ ಸ್ಪಿನ್ನರ್​ ನಾಥನ್​ ಲಿಯಾನ್​ ಪೆವಿಲಿಯನ್​ಗಟ್ಟಿದರು.

• #FafDuPlessis 💯
  van der Dussen 9️⃣5️⃣
  
  South Africa post 325/6 in their final #CWC19 game. Can Australia chase this target? #AUSvSA pic.twitter.com/aUICRFVpj7

  — ICC (@ICC) July 6, 2019 " class="align-text-top noRightClick twitterSection" data="

  #FafDuPlessis 💯
  van der Dussen 9️⃣5️⃣
  
  South Africa post 325/6 in their final #CWC19 game. Can Australia chase this target? #AUSvSA pic.twitter.com/aUICRFVpj7

  — ICC (@ICC) July 6, 2019

  ">

  #FafDuPlessis 💯
  van der Dussen 9️⃣5️⃣
  
  South Africa post 325/6 in their final #CWC19 game. Can Australia chase this target? #AUSvSA pic.twitter.com/aUICRFVpj7

  — ICC (@ICC) July 6, 2019

ನಂತರ ಒಂದಾದ ನಾಯಕ ಪ್ಲೆಸಿಸ್​(100) ಹಾಗೂ ಡಾಸ್ಸೆನ್​(95) ಮೂರನೆ ವಿಕೆಟ್​ ಜೊತೆಯಾಟದಲ್ಲಿ 151 ರನ್​ಗಳ ಜೊತೆಯಾಟ ನಡೆಸಿದ್ದರು. 94 ಎಸೆತಗಳಲ್ಲಿ 7 ಬೌಂಡರಿ, 2 ಸಿಕ್ಸರ್​ ಸಿಡಿಸಿದ್ದ ಪ್ಲೆಸಿಸ್​ ಬೆಹ್ರೆನ್​ಡ್ರಾಫ್​ ಬೌಲಿಂಗ್​ನಲ್ಲಿ ಸ್ಟಾರ್ಕ್​ಗೆ ಕ್ಯಾಚ್​​ ಒಪ್ಪಿಸಿದರು. ಡಾಸ್ಸೆನ್​ 97 ಎಸೆತಗಳಲ್ಲಿ ತಲಾ 4 ಬೌಂಡರಿ ಹಾಗೂ ಸಿಕ್ಸರ್​ ಸಹಿತ 95 ರನ್​ಗಳಿಗೆ ವಿಕೆಟ್​ ಒಪ್ಪಿಸಿ ಶತಕದಿಂದ ವಂಚಿತರಾದರು.

ಒಟ್ಟಾರೆ 50 ಓವರ್​ಗಳಲ್ಲಿ ಪ್ಲೆಸಿಸ್​ ಪಡೆ 6 ವಿಕೆಟ್​ ಕಳೆದು 325 ರನ್​ ದಾಖಲಿಸಿತು. ಆಸೀಸ್​ ಪರ ಸ್ಟಾರ್ಕ್​ 2, ಲಿಯಾನ್​ 2, ಬೆಹ್ರೆನ್​ಡ್ರಾಫ್​ ಹಾಗೂ ಪ್ಯಾಟ್​ ಕಮ್ಮಿನ್ಸ್​ ತಲಾ ಒಂದು ವಿಕೆಟ್​ ಪಡೆದರು.