ಹಲವು ಯುವತಿಯರೊಂದಿಗೆ ಸಂಬಂಧ.. ಟ್ವಿಟರ್​​ನಲ್ಲಿ ಪಾಕ್​ ಕ್ರಿಕೆಟಿಗನ ಮಾನ ಹರಾಜು..!

ಈ ವಿಚಾರದ ಕುರಿತಂತೆ ಜಾಲತಾಣಿಗರಲ್ಲಿ ಕೆಲವರು ಕ್ರಿಕೆಟಿಗನ  ನಡತೆಯನ್ನು ಪ್ರಶ್ನಿಸಿದ್ದರೆ ಇನ್ನೂ ಕೆಲವರು ಯುವತಿಯರನ್ನು ಟೀಕೆ ಮಾಡಿದ್ದಾರೆ.

ಹೈದರಾಬಾದ್: ಪಾಕಿಸ್ತಾನ ಕ್ರಿಕೆಟ್ ತಂಡದ ಯುವ ಆಟಗಾರ ಇಮಾಮ್ ಉಲ್ ಹಕ್​ ಹಲವಾರು ಯುವತಿಯರೊಂದಿಗೆ ಸಂಬಂಧ ಹೊಂದಿದ್ದಾರೆ ಎನ್ನುವ ಗಂಭೀರ ಆರೋಪ ಕೇಳಿಬಂದಿದೆ.

ಇಮಾಮ್ ಉಲ್​​ ಹಕ್​ಗೆ ಸೇರಿದ್ದು ಎನ್ನಲಾದ ವಾಟ್ಸ್​ಆ್ಯಪ್​ ಸಂಭಾಷಣೆಯನ್ನು ವ್ಯಕ್ತಿಯೋರ್ವ ಟ್ವಿಟರ್​​ನಲ್ಲಿ ಪೋಸ್ಟ್​ ಮಾಡಿದ್ದು, ಇಮಾಮ್​ ಉಲ್ ಹಕ್ ಏಳರಿಂದ ಎಂಟು ಯುವತಿಯರೊಂದಿಗೆ ಸಂಬಂಧ ಹೊಂದಿದ್ದಾರೆ ಎಂದು ಆರೋಪ ಮಾಡಲಾಗಿದೆ.

ಪಾಕ್​​ ಕ್ರಿಕೆಟಿಗ ಇಮಾಮ್​ ಉಲ್ ಹಕ್

ಸದ್ಯ ಸೋರಿಕೆಯಾಗಿರುವ ಸಂಭಾಷಣೆಯ ಸ್ಕ್ರೀನ್​ಶಾಟ್​ ಡಿಲೀಟ್ ಮಾಡಲಾಗಿದ್ದರೂ ಅದಾಗಲೇ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ಈ ವಿಚಾರದ ಕುರಿತಂತೆ ಜಾಲತಾಣಿಗರಲ್ಲಿ ಕೆಲವರು ಕ್ರಿಕೆಟಿಗನ ನಡತೆಯನ್ನು ಪ್ರಶ್ನಿಸಿದ್ದರೆ ಇನ್ನೂ ಕೆಲವರು ಯುವತಿಯರನ್ನು ಟೀಕೆ ಮಾಡಿದ್ದಾರೆ.

ಇತ್ತೀಚೆಗೆ ಮುಕ್ತಾಯವಾದ ವಿಶ್ವಕಪ್ ಟೂರ್ನಿಯಲ್ಲಿ ಪಾಕ್ ಪರ ಆಡಿದ್ದ ಇಮಾಮ್ ಉಲ್ ಹಕ್​ ಬಾಂಗ್ಲಾ ವಿರುದ್ಧದ ಪಂದ್ಯದಲ್ಲಿ ಶತಕ ಸಿಡಿಸಿದ್ದರು.