ಮೌಂಟ್‌ ಮಾಂಗ್ನುಯಿ: ನ್ಯೂಜಿಲ್ಯಾಂಡ್ ವಿರುದ್ಧ 5ನೇ ಟಿ2ಒ ಪಂದ್ಯದಲ್ಲಿ ನಿಧಾನಗತಿ ಬೌಲಿಂಗ್ ಮಾಡಿದ್ದಕ್ಕೆ ಭಾರತ ತಂಡಕ್ಕೆ ದಂಡ ವಿಧಿಸಲಾಗಿದೆ.
ರೋಹಿತ್ ಶರ್ಮಾ ನೇತೃತ್ವದಲ್ಲಿ ಕಿವೀಸ್ ವಿರುದ್ಧ ಆಡಿದ ಕೊನೆಯ ಟಿ20 ಪಂದ್ಯದ ವೇಳೆ ಇನ್ನಿಂಗ್ಸ್‌ಗೆ ನಿಗದಿ ಕಾಲಾವಧಿಯಲ್ಲಿ ಓವರ್ ಪೂರ್ಣಗೊಳಿಸಲು ಭಾರತ ತಂಡ ವಿಫಲವಾಗಿತ್ತು. ಈ ಮೂಲಕ ಐಸಿಸಿ ನಿಯಮ ಆರ್ಟಿಕಲ್ 2.22 ಉಲ್ಲಂಗಘನೆ ಮಾಡಿದ್ದು ಸಾಭೀತಾದ ಹಿನ್ನಲೆ ಮ್ಯಾಚ್ ರೆಫ್ರಿ ಕ್ರಿಸ್ ಬ್ರಾಡ್ ತಂಡಕ್ಕೆ ಸಂಭಾವನೆಯ ಶೇ 20 ರಷ್ಟನ್ನು ದಂಡ ವಿಶಧಿಸಿದ್ದರು.
ಭಾರತ ತಂಡ ಈ ಸರಣಿಯಲ್ಲಿ ಎರಡನೇ ಬಾರಿ ಇದೇ ಕಾರಣಕ್ಕೆ ದಂಡಕಟ್ಟಿದೆ. ನಾಲ್ಕನೇ ಪಂದ್ಯದಲ್ಲೂ ನಿಗಧಿತ ಕಾಲಮಿತಿ ಮೀರಿ 2 ಓವರ್ಗಳನ್ನು ಎಸೆದಿದ್ದಕ್ಕೆ ಕೊಹ್ಲಿ ನೇತೃತ್ವದ ತಂಡಕ್ಕೆ ಸಂಭಾವನೆಯ ಶೇ 40 ರಷ್ಟನ್ನು ದಂಡ ತೆತ್ತಿದ್ದರು.
ಮೈದಾನದ ಅಂಪೈರ್ಗಳ ಪ್ರಕಾರ ಭಾರತ ತಂಡ ಪ್ರತಿ ಓಪರ್ ಎಸೆಯುವಾಗಲೂ ನಿಗದಿತ ಸಮಯವನ್ನು ಮೀರಿತ್ತು ಎಂದು ರೆಫ್ರಿಗೆ ನೀಡಿದ ವರದಿಯಲ್ಲಿ ತಿಳಿಸಿದ್ದಾರೆ. ಇನ್ನು ತಂಡದ ನಾಯಕ ರೋಹಿತ್ ಶರ್ಮಾ ಕೂಡ ತಮ್ಮಿಂದಾದ ಪ್ರಮಾಧವನ್ನು ಒಪ್ಪಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.
ಭಾರತ ತಂಡ 5 ಪಂದ್ಯಗಳ ಟಿ20 ಸರಣಿಯನ್ನು 5-0ಯಲ್ಲಿ ಕ್ಲೀನ್ಸ್ವೀಪ್ ಸಾಧಿಸಿತ್ತು. ಈ 5 ಪಂದ್ಯಗಳಲ್ಲಿ 2 ಸೂಪರ್ ಓವರ್ ಮೂಲಕ ಬಂದಿದ್ದು ವಿಶೇಷವಾಗಿತ್ತು.
