ವೇಗವಾಗಿ ಸ್ಟಂಪ್ ಮಾಡಲು ನಾನು ಧೋನಿಯಲ್ಲ: ಟಿ-20 ಪಂದ್ಯದ ವೇಳೆ ಎಂಎಸ್​ಡಿ ನೆನಪಿಸಿಕೊಂಡ ಮ್ಯಾಥ್ಯೂ​

ಭಾರತದ ಮಾಜಿ ನಾಯಕ ಎಂ.ಎಸ್.ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ 195 ಸ್ಟಂಪ್​ ಔಟ್​​​ ಮಾಡುವ ಮೂಲಕ ಗರಿಷ್ಠ ಸ್ಟಂಪ್ ಔಟ್​ ಮಾಡಿದ ದಾಖಲೆಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಇವರನ್ನು ಬಿಟ್ಟರೆ ಶ್ರೀಲಂಕಾದ ಕುಮಾರ್​ ಸಂಗಾಕ್ಕರ 139 ಸ್ಟಂಪ್ ಔಟ್​ ಮಾಡಿ 2ನೇ ಸ್ಥಾನದಲ್ಲಿದ್ದಾರೆ.

ಸಿಡ್ನಿ: ವಿಶ್ವದ ಕೆಲವೇ ಕೆಲವು ಶ್ರೇಷ್ಠ ವಿಕೆಟ್ ಕೀಪರ್​ಗಳಲ್ಲಿ ಧೋನಿ ಮೊದಲ ಸಾಲಿನಲ್ಲಿ ಬರುತ್ತಾರೆ. ಗಿಲ್​ಕ್ರಿಸ್ಟ್​ರನ್ನು ಸ್ಫೂರ್ತಿಯಾಗಿ ತೆಗೆದುಕೊಂಡಿರುವ ಅವರು ಇಂದು ಸಾವಿರಾರು ಯುವ ವಿಕೆಟ್​ ಕೀಪರ್​ಗಳಿಗೆ ಮಾದರಿಯಾಗಿದ್ದಾರೆ. ಆದರೆ ಸ್ವತಃ ಆಸೀಸ್​ ಕೀಪರ್​ ಧೋನಿಯಷ್ಟು ವೇಗವಾಗಿ ಸ್ಟಂಪ್​ ಮಾಡಲು ಸಾಧ್ಯವಿಲ್ಲ ಎಂದು ಹೇಳಿರುವುದು ಸ್ಟಂಪ್​ ಮೈಕ್​ನಲ್ಲಿ ರೆಕಾರ್ಡ್ ಆಗಿದ್ದು, ಆ ವಿಡಿಯೋ ವೈರಲ್​ ಆಗುತ್ತಿದೆ.

ಭಾನುವಾರ ನಡೆದ 2ನೇ ಟಿ-20 ಪಂದ್ಯದಲ್ಲಿ ಭಾರತದ ಆರಂಭಿಕ ಬ್ಯಾಟ್ಸ್​ಮನ್​ ಶಿಖರ್​ ಧವನ್​ ಅವರನ್ನು ಸ್ಟಂಪ್ ಔಟ್​ ಮಾಡಲು ವಿಫಲವಾದ ಆಸ್ಟ್ರೇಲಿಯಾದ ಮ್ಯಾಥ್ಯೂ ವೇಡ್​ ಹೀಗೆ ಹೇಳಿದ್ದಾರೆ.

9ನೇ ಓವರ್‌ನಲ್ಲಿ ಶಿಖರ್‌, ಲೆಗ್‌ ಸ್ಪಿನ್ನರ್‌ ಮೈಕಲ್‌ ಸ್ವೆಪ್ಸನ್‌ ಬೌಲಿಂಗ್‌ನಲ್ಲಿ ವೈಡ್​ ಎಸೆತ ಆಡಲು ಹೋಗಿ ವಿಫಲರಾದರು. ಆದರೆ ಕ್ರೀಸ್​ನಿಂದ ಕಾಲನ್ನು ಮೇಲೆತ್ತಿದ್ದರು. ವೇಡ್ ತಕ್ಷಣ ಬೆಲ್ಸ್​​ ಬಾರಿಸಿ ಮನವಿ ಮಾಡಿದರು. ರೀಪ್ಲೆನಲ್ಲಿ ಧವನ್​ ನೆಲದಿಂದ ಮೇಲಕ್ಕೆ ಕಾಲು ಎತ್ತಿದ್ದರಾದರೂ ವೇಡ್​ ಸ್ಟಂಪ್​ ಮಾಡುವುದರೊಳಗೆ ಧವನ್​ ಕ್ರೀಸ್​ನಲ್ಲಿ ಕಾಲಿರಿಸಿದ್ದರು.

• "Not Dhoni, not quick enough like Dhoni!" 😂
  
  Live #AUSvIND: https://t.co/L1KY15FYnb pic.twitter.com/IOC7NH2xgb

  — cricket.com.au (@cricketcomau) December 6, 2020 " class="align-text-top noRightClick twitterSection" data="

  "Not Dhoni, not quick enough like Dhoni!" 😂
  
  Live #AUSvIND: https://t.co/L1KY15FYnb pic.twitter.com/IOC7NH2xgb

  — cricket.com.au (@cricketcomau) December 6, 2020

  ">

  "Not Dhoni, not quick enough like Dhoni!" 😂
  
  Live #AUSvIND: https://t.co/L1KY15FYnb pic.twitter.com/IOC7NH2xgb

  — cricket.com.au (@cricketcomau) December 6, 2020

ರೀಪ್ಲೇನಲ್ಲಿ ನಾಟೌಟ್ ಎಂದು ಬಂದ ತಕ್ಷಣ ಧವನ್​ರ ಕುರಿತು," ನಾನು ಧೋನಿಯಲ್ಲ, ಧೋನಿಯಷ್ಟು ವೇಗ ನನ್ನಲ್ಲಿಲ್ಲ" ಎಂದು ನಗುತ್ತಾ ಹೇಳಿದ್ದಾರೆ. ಈ ವಿಡಿಯೋ ಸದ್ಯಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಸ್ವತಃ ಕ್ರಿಕೆಟ್ ಆಸ್ಟ್ರೇಲಿಯಾ ತನ್ನ ಅಧಿಕೃತ ಟ್ವಿಟರ್​ನಲ್ಲಿ ಈ ವಿಡಿಯೋ ಪೋಸ್ಟ್​ ಮಾಡಿಕೊಂಡಿದೆ.

ಆ ಸಂದರ್ಭದಲ್ಲಿ 39 ರನ್ ​ಗಳಿಸಿದ್ದ ಧವನ್​ ಸ್ಟಂಪಿಂಗ್​ನಿಂದ ಜೀವದಾನ ಪಡೆದು 52 ರನ್​ ಗಳಿಸಿದರು. ನಿನ್ನ ನಡೆದ ಪಂದ್ಯವನ್ನು ಭಾರತ ತಂಡ 6 ವಿಕೆಟ್​ಗಳಿಂದ ಗೆದ್ದು 2-0 ಅಂತರದಲ್ಲಿ ಟಿ-20 ಸರಣಿ ವಶಪಡಿಸಿಕೊಂಡಿದೆ.

ಭಾರತದ ಮಾಜಿ ನಾಯಕ ಎಂ.ಎಸ್​.ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ 195 ಸ್ಟಂಪ್​ ಔಟ್​​​ ಮಾಡುವ ಮೂಲಕ ಗರಿಷ್ಠ ಸ್ಟಂಪ್ ಔಟ್​ ಮಾಡಿದ ದಾಖಲೆಯಲ್ಲಿ ಮೊದಲ ಸ್ಥಾನದಲ್ಲಿದ್ದಾರೆ. ಇವರನ್ನು ಬಿಟ್ಟರೆ ಶ್ರೀಲಂಕಾದ ಕುಮಾರ್​ ಸಂಗಾಕ್ಕರ 139 ಸ್ಟಂಪ್ ಔಟ್​ ಮಾಡಿ 2ನೇ ಸ್ಥಾನದಲ್ಲಿದ್ದಾರೆ.