ಮುಂಬೈ: ಭಾರತ ಕ್ರಿಕೆಟ್ಗೆ ದಶಕಗಳ ಕಾಲ ನಾಯಕನಾಗಿದ್ದ ಮಹೇಂದ್ರ ಸಿಂಗ್ ಧೋನಿ ತನ್ನ ಚಾಣಕ್ಷ ನಾಯಕತ್ವದಿಂದ ಭಾರತ ತಂಡವನ್ನು ಚಾಂಪಿಯನ್ ತಂಡವಾಗಿ ಕಟ್ಟಿದ್ದಾರೆ. ಅವರೊಬ್ಬ ವೈಟ್ ಬಾಲ್ ಕ್ರಿಕೆಟ್ನ ಯಶಸ್ವಿ ನಾಯಕ ಎಂದು ಇಂಗ್ಲೆಂಡ್ ಮಾಜಿ ನಾಯಕ ಮೈಕಲ್ ವಾನ್ ಅಭಿಪ್ರಾಯಪಟ್ಟಿದ್ದಾರೆ.
ಧೋನಿ ಒಬ್ಬ ಆಟಗಾರನಾಗಿ ಹೆಸರು ಮಾಡಿರುವುದಕ್ಕಿಂದ ಹೆಚ್ಚಾಗಿ ನಾಯಕನಾಗಿ ಶ್ರೇಷ್ಠ ಪ್ರದರ್ಶನ ತೋರಿದ್ದಾರೆ. ತಂಡ ಸಂಕಷ್ಟದ ಪರಿಸ್ಥಿತಿಯಲ್ಲಿ ಇರುವ ವೇಳೆ ತೆಗೆದುಕೊಳ್ಳುವ ನಿರ್ಧಾರ, ಕೀಪಿಂಗ್ ಜೊತೆಗೆ ಯುವ ಬೌಲರ್ಗಳಿಗೆ ಸಲಹೆ ನೀಡುತ್ತಾ ತಂಡಕ್ಕೆ ಗೆಲುವಿನ ಗೆಲುವು ತಂದುಕೊಡುವುದರಲ್ಲಿ ಅವರು ನಿಸ್ಸೀಮರಾಗಿದ್ದರು ಎಂದು ವಾನ್ ಖಾಸಗಿ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ.
ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್ನ ಎಲ್ಲಾ ಮಾದರಿಯಲ್ಲಿ ಹೇಳಿಕೊಳ್ಳುವ ಸಾಧನೆ ಮಾಡಿಲ್ಲ. ಆದರೆ ವೈಟ್ ಬಾಲ್ ಕ್ರಿಕೆಟ್ನಲ್ಲಿ ಮಾತ್ರ ಅತ್ಯುತ್ತಮ ನಾಯಕ ಯಾರೆಂದರೆ ಯೋಚನೆ ಮಾಡದೇ ಧೋನಿ ಎಂದು ಹೇಳಬಹುದು. ವಿಕೆಟ್ ಹಿಂದೆ ನಿಂತು ಎದುರಾಳಿ ಆಟಗಾರರ ಸೂಕ್ಷ್ಮತೆಯನ್ನು ಗಮನಿಸುವುದು, ಒತ್ತಡದ ಪರಿಸ್ಥಿತಿಯನ್ನು ನಿಭಾಯಿಸುವುದರಲ್ಲಿ ಧೋನಿ ಬಿಟ್ಟರೆ ಮತ್ಯಾರಿಲ್ಲ. ಇನ್ನು ಬ್ಯಾಟಿಂಗ್ನಲ್ಲೂ ಧೋನಿ ಸಾಧನೆ ಉತ್ತಮವಾಗಿದೆ ಎಂದು ವಾನ್ ಹೇಳಿದ್ದಾರೆ.
ಇನ್ನು ಯುವ ನಾಯಕ ಕೊಹ್ಲಿ ಟೆಸ್ಟ್ ಕ್ರಿಕೆಟ್ನಲ್ಲಿ ತಂಡವನ್ನು ಮುನ್ನಡೆಸುತ್ತಿರುವ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿರುವ ವಾನ್, ಕೊಹ್ಲಿ ಒಬ್ಬ ಬ್ಯಾಟ್ಸ್ಮನ್ ಆಗಿರುವ ಜೊತೆಗೆ ತಂಡವನ್ನು ಬಲಿಷ್ಠವನ್ನಾಗಿಸಿ ಮುನ್ನಡೆಸುತ್ತಿದ್ದಾರೆ. ವೈಯಕ್ತಿಕವಾಗಿ ಕೊಹ್ಲಿ ನಾಯಕನಾಗಿ ಹೋಗುತ್ತಿರುವ ದಾರಿ ನನಗೆ ತುಂಬಾ ಇಷ್ಟವಾಗಿದ ಎಂದಿದ್ದಾರೆ.
