ಐಪಿಎಲ್​ನಲ್ಲಿ ರಾಷ್ಟ್ರಗೀತೆ ಹಾಡಿಸಲು ಕಿಂಗ್ಸ್​ ಇಲೆವೆನ್​ ಪಂಜಾಬ್​ ತಂಡದ ಮಾಲೀಕ ಮನವಿ ​

ರಾಷ್ಟ್ರಗೀತೆಯನ್ನು ಅಂತಾರಾಷ್ಟ್ರೀಯ ಪಂದ್ಯಕ್ಕೂ ಮುನ್ನ ಹಾಡಿಸಲಾಗುತ್ತಿದೆ. ಆದ್ರೆ ಕಿಂಗ್ಸ್​ ಇಲೆವೆನ್​ ತಂಡದ ಮಾಲೀಕ ನೆಸ್​ವಾಡಿಯಾ ವಿಶ್ವದ ಪ್ರಸಿದ್ದ ಟಿ20 ಲೀಗ್​ ಆದ ಐಪಿಎಲ್​ನಲ್ಲೂ ರಾಷ್ಟ್ರಗೀತೆ ಹಾಡಿಸಬೇಕೆಂದು ಬಿಸಿಸಿಐ ಬಳಿ ಮನವಿ ಮಾಡಿದ್ದಾರೆ.

ನವದೆಹಲಿ: ಕಿಂಗ್ಸ್​ ಇಲೆವೆನ್​ ಪಂಜಾಬ್​ ಪ್ರಾಂಚೈಸಿಯ ಓನರ್​ ನೆಸ್​ ವಾಡಿಯಾ ಐಪಿಎಲ್ ​ಪಂದ್ಯದ ಆರಂಭಕ್ಕೂ ಮುನ್ನ ರಾಷ್ಟ್ರಗೀತೆ ಹಾಡಿಸಬೇಕೆಂದು ಬಿಸಿಸಿಐಗೆ ಪತ್ರ ಬರೆದಿದ್ದಾರೆ.

ಪ್ರಸ್ತುತ ರಾಷ್ಟ್ರಗೀತೆಯನ್ನು ಅಂತಾರಾಷ್ಟ್ರೀಯ ಪಂದ್ಯಕ್ಕೂ ಮುನ್ನ ಹಾಡಿಸಲಾಗುತ್ತಿದೆ. ಆದರೆ ನೆಸ್​ವಾಡಿಯಾ ವಿಶ್ವದ ಪ್ರಸಿದ್ಧ ಟಿ20 ಲೀಗ್​ ಆದ ಐಪಿಎಲ್​ನಲ್ಲೂ ರಾಷ್ಟ್ರಗೀತೆ ಹಾಡಿಸಬೇಕೆಂದು ಬಿಸಿಸಿಐ ಬಳಿ ಮನವಿ ಮಾಡಿದ್ದಾರೆ.

ಜೊತೆಗೆ ಐಪಿಎಲ್​ ಸಂಭ್ರಮದ ಉದ್ಘಾಟನೆಯನ್ನು ನಿಲ್ಲಿಸುವ ಬಿಸಿಸಿಐ ನಿರ್ಧಾರವನ್ನು ಸಮರ್ಥಿಸಿಕೊಂಡಿದ್ದಾರೆ. ಅದೇ ರೀತಿ ಪಂದ್ಯಕ್ಕೂ ಮುನ್ನ ರಾಷ್ಟ್ರಗೀತೆಯನ್ನು ಹಾಡಿಸುವ ಹೊಸ ಸಂಸ್ಕೃತಿಗೆ 2020ರ ಆವೃತ್ತಿಯಿಂದ ನಾಂದಿ ಹಾಡುವಂತೆ ಬಿಸಿಸಿಐ ಅಧ್ಯಕ್ಷ ಸೌರವ್​ ಗಂಗೂಲಿಗೆ ಪತ್ರ ಬರೆದಿದ್ದಾರೆ.

ಈಗಾಗಲೇ ಇಂಡಿಯನ್​ ಸೂಪರ್​ ಲೀಗ್​(ಫುಟ್​ಬಾಲ್​), ಪ್ರೊ ಕಬಡ್ಡಿ ಲೀಗ್​ನಲ್ಲಿ ರಾಷ್ಟ್ರಗೀತೆ ಹಾಡಿಸಲಾಗುತ್ತಿದೆ. ಇದೀಗ ವಿಶ್ವಪ್ರಸಿದ್ಧ ಟಿ20 ಲೀಗ್​ನಲ್ಲೂ ರಾಷ್ಟ್ರಗೀತೆಯನ್ನು ಹಾಡಿಸಬೇಕು ಎಂದು ನೆಸ್​ವಾಡಿಯಾ ಅಭಿಪ್ರಾಯಪಟ್ಟಿದ್ದಾರೆ.