ಅಬುಧಾಬಿ : ಮುಂಬೈ ಇಂಡಿಯನ್ಸ್ ವಿರುದ್ಧದ ಮೊದಲ ಪಂದ್ಯದಲ್ಲಿ ಸಿಎಸ್ಕೆ ನಾಯಕ ಮಹೇಂದ್ರ ಸಿಂಗ್ ಧೋನಿ ನಾಯತ್ವವನ್ನು ಮೆಚ್ಚಿರುವ ಇಂಗ್ಲೆಂಡ್ ಆಲ್ರೌಂಡರ್ ಸ್ಯಾಮ್ ಕರ್ರನ್, ತಮ್ಮ ನಾಯಕನನ್ನು ‘ಜೀನಿಯಸ್‘ ಎಂದು ಹೇಳಿದ್ದಾರೆ.
ಶನಿವಾರ ನಡೆದ ಮೊದಲ ಪಂದ್ಯದಲ್ಲಿ ಸ್ಯಾಮ್ ಕರ್ರನ್ ಬೌಲಿಂಗ್ನಲ್ಲಿ ಡಿಕಾಕ್ ವಿಕೆಟ್ ಪಡೆದಿದ್ದರು. ಜೊತೆಗೆ ಬ್ಯಾಟಿಂಗ್ನಲ್ಲೂ 6 ಎಸೆತಗಳಲ್ಲಿ 18 ರನ್ ಸಿಡಿಸಿದ್ದರು. ಮುಂಬೈ ಇಂಡಿಯನ್ಸ್ ವಿರುದ್ಧ 5 ವಿಕೆಟ್ಗಳ ಗೆಲುವು ಸಾಧಿಸಲು ಅವರು ಪ್ರಮುಖ ಪಾತ್ರವಹಿಸಿದ್ದರು. 22 ವರ್ಷದ ಆಲ್ರೌಂಡರ್ರನ್ನು ಧೋನಿ, ಸ್ವತಃ ತಾವೂ ಮತ್ತು ರವೀಂದ್ರ ಜಡೇಜಾ ಇದ್ದರೂ ಮೇಲಿನ ಕ್ರಮಾಂಕದಲ್ಲಿ ಬಡ್ತಿ ನೀಡಿದ್ದಕ್ಕೆ ಆಶ್ಚರ್ಯ ವ್ಯಕ್ತಪಡಿಸಿದ್ದಾರೆ.
17 ಎಸೆತಗಳಲ್ಲಿ 29 ರನ್ ಬೇಕಿದ್ದ ವೇಳೆ ಧೋನಿ ಸ್ಯಾಮ್ ಕರ್ರನ್ರನ್ನು 5ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ಗೆ ಕಳುಹಿಸುವ ಮೂಲಕ ಎಲ್ಲರನ್ನು ಆಶ್ಚರ್ಯಕ್ಕೀಡು ಮಾಡಿದ್ದರು. "ಪ್ರಾಮಾಣಿಕವಾಗಿ ಹೇಳುತ್ತೇನೆ, ನಾನು ತಂಡದಲ್ಲಿ ಅವಕಾಶ ಸಿಕ್ಕಿದ್ದಕ್ಕೆ ಆಶ್ಚರ್ಯಕ್ಕೀಡಾಗಿದ್ದೆ. ಧೋನಿ ಜೀನಿಯಸ್, ಅವರ ಆಲೋಚನೆಗಳು (ಅವರಿಗಿಂತ ಮೊದಲು ಬ್ಯಾಟಿಂಗ್ ಕಳುಹಿಸಿದ್ದಕ್ಕೆ) ವಿಶೇಷವಾಗಿರುತ್ತದೆ ಎಂದು ಕರ್ರನ್ ಹೇಳಿದ್ದಾರೆ.
ನಾವು 18 ಓವರ್ ಟಾರ್ಗೇಟ್ ಮಾಡಿದ್ದೆವು. ನಾನು ಆ ಓವರ್ನಲ್ಲಿ ಸಿಕ್ಸರ್ ಅಥವಾ ಔಟ್ ಆಗಬೇಕೆಂದು ಮಾನಸಿಕವಾಗಿ ಸಿದ್ಧನಾಗಿದ್ದೆ. ಕೆಲವೊಮ್ಮೆ ಇಂತಹ ಆಲೋಚನೆ ಕೆಲಸ ಮಾಡುತ್ತದೆ. ಕೆಲ ಸಾರಿ ಮಾಡುವುದಿಲ್ಲ ಎಂದು ಅವರು ಹೇಳಿದ್ದಾರೆ. ಶನಿವಾರ ನಡೆದ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ನೀಡಿದ 163 ರನ್ಗಳ ಗುರಿಯನ್ನು ಸಿಎಸ್ಕೆ 5 ವಿಕೆಟ್ ಕಳೆದುಕೊಂಡು ವಿಜಯ ಸಾಧಿಸಿತು. ರಾಯುಡು 71, ಡುಪ್ಲೆಸಿಸ್ 58 ರನ್ಗಳಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.
