ಶಾರ್ಜಾ: ಇಂಡಿಯನ್ ಪ್ರೀಮಿಯರ್ ಲೀಗ್ನ ನಿನ್ನೆಯ ಎರಡನೇ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ಭರ್ಜರಿ ಗೆಲುವು ದಾಖಲು ಮಾಡುವ ಮೂಲಕ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೆ ಲಗ್ಗೆ ಹಾಕಿದೆ.
ಡೆಲ್ಲಿ ತಂಡ ಮಧ್ಯಮ ಕ್ರಮಾಂಕದಲ್ಲಿ ದಿಢೀರ್ ಕುಸಿತಗೊಳ್ಳುತ್ತಿದ್ದಂತೆ ಸೋಲುವ ಭೀತಿಗೊಳಗಾಗಿತ್ತು. ಈ ವೇಳೆ, ಧವನ್ ಜೊತೆಗೂಡಿದ ಅಕ್ಸರ್ ಪಟೇಲ್ ಕೇವಲ 5 ಎಸೆತಗಳಲ್ಲಿ 3 ಭರ್ಜರಿ ಸಿಕ್ಸರ್ ಸಿಡಿಸಿ 21ರನ್ ಗಳಿಕೆ ಮಾಡುವುದರ ಜತೆಗೆ ತಂಡದ ಗೆಲುವಿನಲ್ಲಿ ಮಹತ್ವದ ಪಾತ್ರ ನಿರ್ವಹಿಸಿದರು. ಇವರ ಆಟಕ್ಕೆ ಫಿದಾ ಆಗಿರುವ ಕ್ಯಾಪ್ಟನ್ ಶ್ರೇಯಸ್ ಅಯ್ಯರ್ ಮೆಚ್ಚುಗೆ ಮಾತುಗಳನ್ನಾಡಿದ್ದಾರೆ.
ಪಂದ್ಯ ಕೊನೆಯ ಓವರ್ವರೆಗೂ ಹೋಗಿದ್ದರಿಂದ ನಾನು ಒತ್ತಡಕ್ಕೊಳಗಾಗಿದ್ದೇನು. ಶಿಖರ್ ಧವನ್ ಕೊನೆಯವರೆಗೂ ಇರುವ ಕಾರಣ ತಂಡಕ್ಕೆ ಗೆಲುವು ತಂದುಕೊಂಡುತ್ತಾರೆಂಬ ನಂಬಿಕೆ ಇತ್ತು. ಆದರೆ ಅಕ್ಸರ್ ಪಟೇಲ್ ಆಟ ನಿಜಕ್ಕೂ ಅದ್ಭುತವಾಗಿತ್ತು. ಡ್ರೆಸ್ಸಿಂಗ್ ರೂಮ್ನಲ್ಲಿ ಆತನಿಗೆ ನಾವು ಮ್ಯಾನ್ ಆಫ್ ದಿ ಮ್ಯಾಚ್ ನೀಡಿದೆವು. ಆತ ಒಬ್ಬ ಹೀರೋ ಎಂದಿದ್ದಾರೆ.
ನಮ್ಮ ತಂಡದ ಸಾಮರ್ಥ್ಯ ಮತ್ತು ದೌರ್ಬಲ್ಯ ನಾವು ಚೆನ್ನಾಗಿ ಬಲ್ಲೆವು. ಶಿಖರ್ ಬ್ಯಾಟಿಂಗ್ ಮಾಡಿದ ರೀತಿ ನೋಡಲು ನಿಜಕ್ಕೂ ಚೆಂದವಾಗಿತ್ತು. ಕೊನೆಯವರೆಗೂ ನಿಂತು ತಂಡಕ್ಕೆ ಗೆಲ್ಲುವು ತಂದುಕೊಟ್ಟಿರುವ ಶ್ರೇಯ ಶಿಖರ್ ಧವನ್ಗೆ ಸಲ್ಲಬೇಕು ಎಂದು ಇದೇ ವೇಳೆ ತಿಳಿಸಿದರು.
