ದುಬೈ: ಟೀಂ ಇಂಡಿಯಾ ಮಾಜಿ ಆಲ್ರೌಂಡರ್ ಇರ್ಫಾನ್ ಪಠಾಣ್ ಸದ್ಯ ಲಂಕಾ ಪ್ರೀಮಿಯರ್ ಲೀಗ್(ಎಲ್ಪಿಎಲ್)ನಲ್ಲಿ ಕ್ಯಾಂಡಿ ಟಸ್ಕರ್ಸ್ ಪ್ರಾಂಚೈಸಿನಲ್ಲಿ ಭಾಗಿಯಾಗಲು ಸಜ್ಜಾಗಿದ್ದರು. ಇದರ ಮಧ್ಯೆ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ತಾವು ಕೊಹ್ಲಿ ಹಾಗೂ ರೋಹಿತ್ ಶರ್ಮಾ ಅವರಿಗೆ ಯಾವ ರೀತಿಯಾಗಿ ಬೌಲಿಂಗ್ ಮಾಡ್ತಿದರೂ ಎಂಬುದರ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.
ಮಾಧ್ಯಮದೊಂದಿಗೆ ಮಾತನಾಡಿದ ಪಠಾಣ್, ಎಲ್ಪಿಎಲ್ ಹಾಗೂ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಯುವ ದೇಶೀಯ ಆಟಗಾರರಿಗೆ ಸಹಾಯ ಮಾಡಲು ಎದುರು ನೋಡುತ್ತಿರುವುದಾಗಿ ಮಾತನಾಡಿರುವ ಅವರು ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಅವರೊಂದಿಗೆ ಬೌಲಿಂಗ್ ಮಾಡುವುದು ಹೇಗೆ ಎಂಬುದರ ಬಗ್ಗೆ ಬೆಳಕು ಚೆಲ್ಲಿದ್ದಾರೆ.
ಪ್ರಪಂಚದಾದ್ಯಂತ ಟಿ-20 ಲೀಗ್ಗಳು ದೇಶೀಯ ಆಟಗಾರರನ್ನು ತಂಡದಲ್ಲಿ ಹೊಂದಲು ಒತ್ತು ನೀಡುತ್ತವೆ. ಇಂದು ಮುಂದಿನ ಪೀಳಿಗೆ ಕ್ರಿಕೆಟ್ನಲ್ಲಿ ವಿವಿಧ ದೇಶಗಳಿಗೆ ಬೋನಸ್ ಆಗಿರುತ್ತದೆ ಎಂದಿದ್ದಾರೆ.ಎಲ್ಪಿಎಲ್ ಮತ್ತು ಇತರೆ ಟಿ-20 ಲೀಗ್ಗಳಲ್ಲಿ ಸಾಕಷ್ಟು ಯುವ ದೇಶೀಯ ಆಟಗಾರರಿಗೆ ಅವಕಾಶ ನೀಡುವುದು ಕಡ್ಡಾಯಗೊಳಿಸಲಾಗಿದೆ. ಡ್ರೆಸ್ಸಿಂಗ್ ರೂಂನಲ್ಲಿ, ತಂಡದ ಸಭೆಗಳಲ್ಲಿ ಹಾಗೂ ಕಠಿಣ ಸಂದರ್ಭಗಳಲ್ಲಿ ಹಿರಿಯರ ಸಲಹೆ ಪಡೆದುಕೊಳ್ಳಲು ಇಲ್ಲಿ ಸಿಕ್ಕ ಅವಕಾಶ ಬೇರೆ ಎಲ್ಲಿ ಕೂಡ ಸಿಗಲ್ಲ ಎಂದು ತಿಳಿಸಿದ್ದಾರೆ.
ನಾನು ಇ ಹಿಂದೆ ಕೆಲ ಕೋಚಿಂಗ್ ಕಾರ್ಯಯೋಜನೆಗಳಲ್ಲಿ ಭಾಗಿಯಾಗಿದ್ದೇನೆ. ಇದೀಗ ಶ್ರೀಲಂಕಾ ಪ್ರೀಮಿಯರ್ ಲೀಗ್ನಲ್ಲಿ ಉತ್ತಮ ಕ್ರಿಕೆಟ್ ಆಡಲು ನಾನು ಎದುರು ನೋಡುತ್ತಿದ್ದೇನೆ ಎಂದಿದ್ದಾರೆ.
ಹರ್ಭಜನ್ ಸಿಂಗ್ ನಂತರ ಭಾರತದ ಟೆಸ್ಟ್ನಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆದ ಎರಡನೇ ಆಟಗಾರ ಪಠಾಣ್ ಆಗಿದ್ದು, ಸದ್ಯ ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಹಾಗೂ ರೋಹಿತ್ ಶರ್ಮಾ ಅವರಿಗೆ ಯಾವ ರೀತಿಯಲ್ಲಿ ಬೌಲಿಂಗ್ ಮಾಡ್ತೀರಿ ಎಂಬುದಕ್ಕೆ ಉತ್ತರಿಸಿದ್ದಾರೆ. ವಿರಾಟ್ಗೆ 4-5ನೇ ಸ್ಟಂಪ್ ಲೈನ್ ಬೌಲ್ ಮಾಡ್ತಿದ್ದೆ. ಕಾರಣ ಅವರು ಮುಂದೆ ಬಂದು ಆಡಲು ಇಷ್ಟಪಡುತ್ತಿದ್ದರು. ಅದೇ ರೀತಿ ರೋಹಿತ್ ಫುಲ್ ಬೌಲ್ ಮಾಡಲು ಮುಂದಾಗುತ್ತಿದ್ದೇನು ಎಂದಿದ್ದಾರೆ. ಪಠಾಣ್ ಸದ್ಯ ಲಂಕಾ ಪ್ರೀಮಿಯರ್ ಲೀಗ್ನಲ್ಲಿ ಕ್ಯಾಂಡಿ ಟಸ್ಕರ್ಸ್ ಪರ ಆಡಲು ಮುಂದಾಗಿದ್ದು, ಇದರಲ್ಲಿ ವೆಸ್ಟ್ ಇಂಡೀಸ್ನ ಕ್ರಿಸ್ ಗೇಲ್, ಕುಶಾಲ್ ಪೆರೆರಾ, ಕುಶಾಲ್ ಮೆಂಡಿಸ್, ನುವಾನ್ ಪ್ರದೀಪ್ ಸೇರಿ ಅನೇಕರು ಇದ್ದಾರೆ. ಪಠಾಣ್ ಟೀಂ ಇಂಡಿಯಾ ಪರ 29 ಟೆಸ್ಟ್, 120 ಏಕದಿನ ಹಾಗೂ 24 ಟಿ-20 ಪಂದ್ಯಗಳನ್ನಾಡಿದ್ದು, ಈಗಾಗಲೇ ನಿವೃತ್ತಿ ಘೋಷಣೆ ಮಾಡಿದ್ದಾರೆ.
