ತಿರುವನಂತಪುರಂನಲ್ಲಿ ಸ್ಯಾಮ್ಸನ್​ಗೆ ಗ್ರ್ಯಾಂಡ್ ವೆಲ್​ಕಮ್​.. ಇಂದಾದ್ರು ಸಿಗುತ್ತಾ ಚಾನ್ಸ್?

ವಿಂಡೀಸ್ ವಿರುರುದ್ಧದ ಎರಡನೇ ಟಿ-20 ಪಂದ್ಯಕ್ಕಾಗಿ ಕೇರಳದ ತಿರುವನಂತಪುರಂಗೆ ಆಗಮಿಸಿದ ಲೋಕಲ್​ ಬಾಯ್​ ಸಂಜು ಸ್ಯಾಮ್ಸನ್​ಗೆ ಅದ್ಧೂರಿ ಸ್ವಾಗತ​ ಸಿಕ್ಕಿದೆ.

ತಿರುವನಂತಪುರಂ: ವೆಸ್ಟ್​ ಇಂಡೀಸ್ ವಿರುದ್ಧ ನಡೆಯಲಿರುವ ಎರಡನೇ ಟಿ-20 ಪಂದ್ಯಕ್ಕಾಗಿ ಕೇರಳದ ತಿರುವನಂತಪುರಂಗೆ ಆಗಮಿಸಿದ ಲೋಕಲ್​ ಬಾಯ್​ಗೆ ಗ್ರ್ಯಾಂಡ್ ವೆಲ್​ಕಮ್​ ಸಿಕ್ಕಿದೆ.

ವಿಮಾನ ನಿಲ್ದಾಣದ ಹೊರಗೆ ಜಮಾಯಿಸಿದ್ದ ಅಭಿಮಾನಿಗಳು ಟೀಂ ಇಂಡಿಯಾ ಆಟಗಾರರು ಆಗಮಿಸುತ್ತಿದ್ದಂತೆ ಸಂಜು ಸ್ಯಾಮ್ಸನ್​ ಪರ ಘೋಷಣೆ ಕೂಗಿದ್ದಾರೆ. ನಾಯಕ ಕೊಹ್ಲಿ ಸೇರಿದಂತೆ ಇತರೆ ಆಟಗಾರರಿದ್ದರೂ ಯಾರನ್ನೂ ಲೆಕ್ಕಿಸದೆ ಸಂಜೂ.. ಸಂಜೂ ಎಂದು ಸ್ಥಳೀಯ ಆಟಗಾರನಿಗೆ ಚಿಯರ್ ಮಾಡಿದ್ದಾರೆ.

• A hero's welcome for Sanju! 🔊😍#HallaBol | #RoyalsFamily | @IamSanjuSamson pic.twitter.com/GdzBqoC4ZI

  — Rajasthan Royals (@rajasthanroyals) December 8, 2019 " class="align-text-top noRightClick twitterSection" data="

  A hero's welcome for Sanju! 🔊😍#HallaBol | #RoyalsFamily | @IamSanjuSamson pic.twitter.com/GdzBqoC4ZI

  — Rajasthan Royals (@rajasthanroyals) December 8, 2019

  ">

  A hero's welcome for Sanju! 🔊😍#HallaBol | #RoyalsFamily | @IamSanjuSamson pic.twitter.com/GdzBqoC4ZI

  — Rajasthan Royals (@rajasthanroyals) December 8, 2019

ಇಂಡಿಯನ್ ಪ್ರೀಮಿಯರ್​ ಲೀಗ್​ನ ರಾಜಸ್ಥಾನ ತಂಡ, ವಿಮಾನ ನಿಲ್ದಾಣದಲ್ಲಿ ಜನರು ಸಂಜು ಪರ ಘೋಷಣೆ ಕೂಗುವ ವಿಡಿಯೋವನ್ನ ಟ್ವೀಟ್​ ಮಾಡಿದ್ದು, ಸಂಜು ಸ್ಯಾಮ್ಸನ್​ಗೆ ಹೀರೋಗೆ ಸಿಕ್ಕ ಸ್ವಾಗತ ಸಿಕ್ಕಿದೆ ಎಂದಿದೆ. ವಿಮಾನ ನಿಲ್ದಾಣದಿಂದ ಹೊರ ಬಂದ ಸ್ಯಾಮ್ಸನ್ ಬಸ್​ ಹತ್ತಿದ ಬಳಿಕ ನಗು ಮೊಗದಿಂದಲೇ ಜನರತ್ತ ಕೈಬೀಸಿದ್ದಾರೆ.

ಬಾಂಗ್ಲಾದೇಶ ವಿರುದ್ಧದ ಟಿ-20 ಸರಣಿಯಲ್ಲಿ ಅವಕಾಶ​ ಪಡೆದುಕೊಂಡಿದ್ರೂ ಆಡುವ 11ರ ಬಳಗದಲ್ಲಿ ಯುವ ವಿಕೆಟ್​ ಕೀಪರ್ ಕಮ್​​ ಬ್ಯಾಟ್ಸ್​ಮನ್​​ ಸಂಜು ಕಾಣಿಸಿಕೊಂಡಿರಲಿಲ್ಲ. ವಿಂಡೀಸ್ ವಿರುದ್ಧ ಮೊದಲ ಪಂದ್ಯದಲ್ಲೂ ಸ್ಯಾಮ್ಸನ್​ಗೆ ನಿರಾಸೆಯಾಗಿತ್ತು. ಇಂದಿನ ಪಂದ್ಯದಲ್ಲಾದರೂ ಸ್ಥಳೀಯ ಆಟಗಾರನಿಗೆ ಅವಕಾಶ ಸಿಗಬಹುದು ಎಂದು ಅಭಿಮಾನಿಗಳು ನಿರೀಕ್ಷಿಸುತ್ತಿದ್ದಾರೆ.