ವಿಂಡೀಸ್​ ನಾಡಲ್ಲಿ ದಾಖಲೆ ಬರೆಯಲು ಜಡೇಜಾ ಸಜ್ಜು..!

ಪ್ರಸ್ತುತ ಬೌಲಿಂಗ್ ಹಾಗೂ ಬ್ಯಾಟಿಂಗ್ ವಿಭಾಗದಲ್ಲಿ ಉತ್ತಮ ಫಾರ್ಮ್​ನಲ್ಲಿರುವ ಜಡೇಜಾ, ವಿಂಡೀಸ್​ ನಾಡಿನಲ್ಲಿ ವಿಕೆಟ್​ ಲೆಕ್ಕಾಚಾರದಲ್ಲಿ ದ್ವಿಶತಕ ಬಾರಿಸಲು ಸಿದ್ಧತೆ ನಡೆಸಿದ್ದಾರೆ.

ಹೈದರಾಬಾದ್: ಟೀಂ ಇಂಡಿಯಾದ ಪ್ರಮುಖ ಆಲ್​​ರೌಂಡರ್ ರವೀಂದ್ರ ಜಡೇಜಾ ಆಗಸ್ಟ್ 22ರಿಂದ ಆರಂಭವಾಗಲಿರುವ ಟೆಸ್ಟ್ ಪಂದ್ಯದಲ್ಲಿ ಮಹತ್ವ ದಾಖಲೆ ಬರೆಯಲು ಸಜ್ಜಾಗಿದ್ದಾರೆ.

ಸದ್ಯ ಬೌಲಿಂಗ್ ಹಾಗೂ ಬ್ಯಾಟಿಂಗ್ ವಿಭಾಗದಲ್ಲಿ ಉತ್ತಮ ಫಾರ್ಮ್​ನಲ್ಲಿರುವ ಜಡೇಜಾ, ವಿಂಡೀಸ್​ ನಾಡಿನಲ್ಲಿ ವಿಕೆಟ್​ ಲೆಕ್ಕಾಚಾರದಲ್ಲಿ ದ್ವಿಶತಕ ಬಾರಿಸಲು ಸಿದ್ಧತೆ ನಡೆಸಿದ್ದಾರೆ.

ಪ್ರಸ್ತುತ ಟೆಸ್ಟ್ ಮಾದರಿ 192 ವಿಕೆಟ್​ ಕಬಳಿಸಿರುವ ರವೀಂದ್ರ ಜಡೇಜಾ ಇನ್ನು ಎಂಟು ವಿಕೆಟ್ ಕಿತ್ತರೆ ಈ ಮಾದರಿ 200 ವಿಕೆಟ್ ಪಡೆದ ಹತ್ತನೇ ಭಾರತೀಯ ಬೌಲರ್ ಎನ್ನುವ ಹೆಗ್ಗಳಿಕೆ ಪಾತ್ರರಾಗಲಿದ್ದಾರೆ.

ವೇಗವಾಗಿ 200 ವಿಕೆಟ್​ ಕಿತ್ತ ಆರ್​.ಅಶ್ವಿನ್​ ನಂತರದ ಸ್ಥಾನದಲ್ಲಿ ರವೀಂದ್ರ ಜಡೇಜಾ ಕಾಣಿಸಿಕೊಳ್ಳಲಿದ್ದಾರೆ. ಆರ್​.ಅಶ್ವಿನ್​ 37 ಪಂದ್ಯಗಳಲ್ಲಿ 200ರ ಗಟಿ ಮುಟ್ಟಿದ್ದರು. ರವೀಂದ್ರ ಜಡೇಜಾ ಈಗಾಗಲೇ 41 ಟೆಸ್ಟ್ ಪಂದ್ಯಗಳನ್ನಾಡಿದ್ದು, ವಿಂಡೀಸ್​ ನೆಲದಲ್ಲೇ 200 ಗಡಿ ದಾಟುವ ಸಾಧ್ಯತೆ ನಿಚ್ಚಳವಾಗಿದೆ.