ನವದೆಹಲಿ: ಭಾರತದ ಓಪನರ್ ಶಿಖರ್ ಧವನ್ ಇಂಗ್ಲೆಂಡ್ ವಿರುದ್ಧ ನಡೆಯಲಿರೋ ಐದು ಪಂದ್ಯಗಳ ಟಿ-20 ಸರಣಿಯಲ್ಲಿ ಆಡಲಿದ್ದಾರೆ. ಮಾರ್ಚ್ 1 ರಂದು ಅಹಮದಾಬಾದ್ನಲ್ಲಿ ರಿಪೋರ್ಟ್ ಮಾಡಿಕೊಳ್ಳುವಂತೆ ಧವನ್ಗೆ ಸೂಚಿಸಲಾಗಿದೆ.
ಟಿ20 ಸರಣಿಯು ಮಾರ್ಚ್ 12 ಮತ್ತು 20 ರ ನಡುವೆ ಅಹಮದಾಬಾದ್ನಲ್ಲಿ ನಡೆಯಲಿದೆ. ನಂತರ ಏಕದಿನ ಸರಣಿಯ ಮೂರು ಪಂದ್ಯಗಳು ಪುಣೆಯಲ್ಲಿ ಮಾರ್ಚ್ 23 ರಿಂದ 28ರವರೆಗೆ ನಡೆಯಲಿವೆ. ಧವನ್ ಮಾತ್ರವಲ್ಲದೆ ಇಶಾನ್ ಕಿಶನ್, ಸೂರ್ಯಕುಮಾರ್ ಯಾದವ್ ಮತ್ತು ರಾಹುಲ್ ತಿವಾಟಿಯಾ ಕೂಡ 50 ಓವರ್ಗಳ ಈ ಪಂದ್ಯಾವಳಿಯಲ್ಲಿ ಆಡಲಿದ್ದಾರೆ. ಮಾರ್ಚ್ 12 ರಿಂದ ಅಹಮದಾಬಾದ್ನಲ್ಲಿ ಆರಂಭವಾಗಲಿರುವ ಟಿ20 ಸರಣಿ ಮ್ಯಾಚ್ಗೆ ಬಿಸಿಸಿಐ 19 ಆಟಗಾರರ ತಂಡವನ್ನು ಹೆಸರಿಸಿತ್ತು. ಇನ್ನು ಪಂದ್ಯಗಳ ವೇಳೆ ಕೋವಿಡ್-19 ಮಾರ್ಗಸೂಚಿಗಳು ಜಾರಿಯಲ್ಲಿರಲಿವೆ ಎಂದು ಡಿಡಿಸಿಎ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಸದ್ಯ ನಡೆದಿರುವ ಟೆಸ್ಟ್ ಸರಣಿಯಲ್ಲಿ ಭಾರತ ಮತ್ತು ಇಂಗ್ಲೆಂಡ್ ತಲಾ ಒಂದೊಂದು ಮ್ಯಾಚ್ ಗೆದ್ದಿವೆ. ಮೂರನೇ ಟೆಸ್ಟ್ ಬುಧವಾರ ಮೊಟೆರಾದ ಸರ್ದಾರ್ ಪಟೇಲ್ ಕ್ರೀಡಾಂಗಣದಲ್ಲಿ ಪ್ರಾರಂಭವಾಗಲಿದೆ.
