ಮ್ಯಾಂಚೆಸ್ಟರ್: ಗಾಯಗೊಂಡಿರುವ ಶಿಖರ್ ಧವನ್ ಸ್ಥಾನ ತುಂಬಲು ಇಂಗ್ಲೆಂಡ್ಗೆ ಹಾರಿರುವ ಯುವ ವಿಕೆಟ್ ಕೀಪರ್ ರಿಷಭ್ ಪಂತ್ ಮೈದಾನದ ಹೊರಗಿದ್ದುಕೊಂಡು ತಮ್ಮ ಪುಟ್ಟ ಪಾರ್ಟ್ನ ರ್ ಜೊತೆಗೂಡಿ ಟೀಮ್ ಇಂಡಿಯಾವನ್ನ ಹುರಿದುಂಬಿಸುತ್ತಿರುವ ವಿಡಿಯೋ ಶೇರ್ ಮಾಡಿದ್ದು, ಸೋಷಿಯಲ್ ಮೀಡಿಯಾಗಳಲ್ಲಿ ಈ ವಿಡಿಯೋ ವೈರಲ್ ಆಗುತ್ತಿದೆ.
ವಿಶ್ವಕಪ್ ಪ್ರಾಥಮಿಕ ತಂಡದ ಆಯ್ಕೆಯಲ್ಲಿ ನಿರಾಸೆಯನುಭವಿಸಿದ್ದ ಪಂತ್ಗೆ ಧವನ್ ಗಾಯಗೊಂಡಿರುವ ಹಿನ್ನೆಲೆ ಅದೃಷ್ಟ ಕೂಡಿಬಂದಿದ್ದು, ವಿಶ್ವಕಪ್ ತಂಡದ ಸ್ಟ್ಯಾಂಡ್ ಬೈ ಆಟಗಾರನಾಗಿ ಇಂಗ್ಲೆಂಡ್ನಲ್ಲಿ ಭಾರತೀಯ ತಂಡ ಸೇರಿಕೊಂಡಿದ್ದಾರೆ.
- " class="align-text-top noRightClick twitterSection" data="
">
ನಿನ್ನೆ ನಡೆದ ಪಾಕಿಸ್ತಾನದ ವಿರುದ್ಧದ ಪಂದ್ಯದಲ್ಲಿ ವೀಕ್ಷಕರ ವಿಐಪಿ ಗ್ಯಾಲರಿಯಲ್ಲಿ ಕುಳಿತು ತಂಡವನ್ನು ಹುರಿದುಂಬಿಸುತ್ತಿದ್ದ ರಿಷಭ್, ಧೋನಿ ಮಗಳ ಜೊತೆ ಕುಳಿತು- ಕೂಗಿ ಕಿರುಚುತ್ತಿರುವ ವಿಡಿಯೋವನ್ನು ಶೇರ್ ಮಾಡಿಕೊಂಡಿದ್ದಾರೆ. ಈ ವಿಡಿಯೋಗೆ ’ಪಾರ್ಟ್ನರ್ ಇನ್ ಕ್ರೈಮ್’ ಎಂದು ಬರೆದುಕೊಂಡಿದ್ದಾರೆ.
ಈ ವಿಡಿಯೋವನ್ನು 5 ಲಕ್ಷಕ್ಕೂ ಹೆಚ್ಚು ಜನರು ವೀಕ್ಷಿಸಿದ್ದು, ಪಂತ್ರನ್ನು ರಿಯಲ್ ಬೇಬಿ ಸಿಟ್ಟರ್ ಎಂದು ಕಾಲೆಳೆದರೆ, ಇದನ್ನು ಬದಿಗೊತ್ತಿದ ಕೆಲವರು ವಿಶ್ವಕಪ್ ತಂಡದಲ್ಲಿ ನಿಮಗೆ ಆದಷ್ಟು ಬೇಗ ಅವಕಾಶ ಸಿಗುವಂತಾಗಲಿ ಎಂದು ಶುಭಕೋರಿದ್ದಾರೆ.
