ನವದೆಹಲಿ : ಲಂಕಾ ಪ್ರೀಮಿಯರ್ ಲೀಗ್ನಲ್ಲಿ ಪಠಾಣ್ ಹೆಸರು ನೋಂದಾಯಿಸಿದ್ದಾರೆ ಎಂಬ ಸುದ್ದಿ ಕೇಳಿ ಬರುತ್ತಿರುವ ಬೆನ್ನಲ್ಲೇ ತಾವು ಯಾವುದೇ ಟಿ20 ಲೀಗ್ನಲ್ಲಿ ಭಾಗವಹಿಸುತ್ತೇನೆ ಎಂದು ಈವರೆಗೂ ಖಚಿತಪಡಿಸಿಲ್ಲ ಎಂದು ಭಾರತ ತಂಡದ ಮಾಜಿ ಆಲ್ರೌಂಡರ್ ಇರ್ಫಾನ್ ಪಠಾಣ್ ತಿಳಿಸಿದ್ದಾರೆ.
ಇದೇ ತಿಂಗಳ 28ರಿಂದ ಆರಂಭವಾಗಲಿರುವ ಲಂಕಾ ಪ್ರೀಮಿಯರ್ ಲೀಗ್ನಲ್ಲಿ ಭಾರತ ತಂಡದ ಮಾಜಿ ಆಟಗಾರ ಪಠಾಣ್ ಆಡಲಿದ್ದಾರೆ. ಎಸ್ಎಲ್ಸಿಯ ಅಗ್ರ 70 ವಿದೇಶಿ ಆಟಗಾರರ ಲಿಸ್ಟ್ನಲ್ಲಿ ಪಠಾಣ್ ಹೆಸರಿದೆ ಎಂದು ಮಾಧ್ಯಮಗಳು ವರದಿ ಮಾಡಿದ್ದವು. ಅಲ್ಲದೆ ವರದಿಯಲ್ಲಿ ಹಿರಿಯ ವೇಗಿ ಬಿಸಿಸಿಐನಿಂದಲೂ ಅನುಮತಿಪಡೆದಿದ್ದಾರೆ. ಒಂದು ಪ್ರಾಂಚೈಸಿ ಪಠಾಣ್‌ರನ್ನು ಕೊಳ್ಳಲು ಈಗಾಗಲೇ ಸಿದ್ಧವಾಗಿದೆ ಎಂದು ತಿಳಿದು ಬಂದಿತ್ತು.
ಆದರೆ, ಈ ಕುರಿತು ತಮ್ಮ ಟ್ವಿಟರ್ನಲ್ಲಿ ಪಠಾಣ್ 'ಭವಿಷ್ಯದಲ್ಲಿ ನಾನು ವಿಶ್ವದಾದ್ಯಂತ ನಡೆಯುವ ಟಿ20 ಲೀಗ್ಗಳಲ್ಲಿ ಆಡಲು ಬಯಸುತ್ತೇನೆ. ಆದರೆ, ಪಸ್ತುತ ಯಾವುದೇ ಲೀಗ್ಗೆ ನಾನು ಲಭ್ಯನಿರುತ್ತೇನೆ ಎಂದು ಖಚಿತಪಡಿಸಿಲ್ಲ' ಎಂದು ಪಠಾಣ್ ತಿಳಿಸಿದ್ದಾರೆ.
ಚೊಚ್ಚಲ ಆವೃತ್ತಿಯ ಲಂಕಾ ಪ್ರೀಮಿಯರ್ ಲೀಗ್ ಆಗಸ್ಟ್ 28ರಿಂದ ಆರಂಭಗೊಳ್ಳಲಿದೆ. 23 ಪಂದ್ಯಗಳ ಈ ಟೂರ್ನಿಯಲ್ಲಿ ಕೊಲಂಬೊ, ಕ್ಯಾಂಡಿ, ಗಾಲೆ, ದಂಬುಲ್ಲಾ ಹಾಗೂ ಜಫ್ನಾ ನಗರಗಳ ಹೆಸರಿನಲ್ಲಿ 5 ಪ್ರಾಂಚೈಸಿಗಳು ಟೂರ್ನಿಯಲ್ಲಿ ಭಾಗವಹಿಸಲಿವೆ ಎಂದು ತಿಳಿದು ಬಂದಿದೆ.
