ಸಿಡ್ನಿ: ಆಸ್ಟ್ರೇಲಿಯಾ ತಂಡದ ಮಾಜಿ ನಾಯಕ ಜಾರ್ಜ್ ಬೈಲಿ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಆಯ್ಕೆ ಸಮಿತಿಗೆ ಆಯ್ಕೆಯಾಗುವ ಸಾಧ್ಯತೆ ಇದೆ.
37 ವರ್ಷದ ಜಾರ್ಜ್ ಬೈಲಿ ಇನ್ನೂ ಕ್ರಿಕೆಟ್ನಲ್ಲಿ ಸಕ್ರಿಯರಾಗಿದ್ದಾರೆ. ಟಿ20 ಬಿಗ್ಬ್ಯಾಶ್ನಲ್ಲಿ ಹೋಬರ್ಟ್ ಹರಿಕೇನ್ಸ್ ತಂಡದ ಪರ ಆಡುತ್ತಿದ್ದಾರೆ. ಜೊತೆಗೆ ಪ್ರಥಮ ದರ್ಜೆ ಕ್ರಿಕೆಟ್ನಲ್ಲಿ ತಸ್ಮೇನಿಯಾ ತಂಡದ ಪರ ಇನ್ನೂ ಆಡುತ್ತಿದ್ದಾರೆ.
ಇದೀಗ ಕೋಚ್ ಜಸ್ಟಿನ್ ಲ್ಯಾಂಗರ್ ಹಾಗೂ ಆಯ್ಕೆ ಸಮಿತಿ ಅಧ್ಯಕ್ಷ ಟ್ರೇವರ್ ಹೋನ್ಸ್ ಅವರ ಜೊತೆ ಆಯ್ಕೆಸಮಿತಿಯಲ್ಲಿ ಆಯ್ಕೆಗಾರನಾಗಲಿದ್ದಾರೆ ಎಂದು ತಿಳಿದುಬಂದಿದೆ. ಕ್ರಿಕೆಟ್ನಲ್ಲಿ ನಿವೃತ್ತಿಗೂ ಮೊದಲೇ ಆಯ್ಕೆ ಸಮಿತಿ ಸದಸ್ಯನಾಗುತ್ತಿರುವುದು ಇದೇ ಮೊದಲೇನಲ್ಲ. ಇವರಿಗೂ ಮೊದಲೇ ಡಾನ್ ಬ್ರಾಡ್ಮನ್ ಹಾಗೂ ಮೈಕಲ್ ಕ್ಲಾರ್ಕ್ ಅವರೂ ಕೂಡ ತಂಡದ ನಾಯಕನಾಗಿದ್ದಾಲೇ ಆಯ್ಕೆ ಸಮಿತಿಯಲ್ಲಿ ಸದಸ್ಯರಾಗಿ ಕಾರ್ಯನಿರ್ವಹಿಸಿದ್ದರು.
ಬೈಲಿ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡದ ಪರ 5 ಟೆಸ್ಟ್, 90 ಏಕದಿನ ಪಂದ್ಯ ಹಾಗೂ 30 ಟಿ20 ಪಂದ್ಯಗಳನ್ನಾಡಿದ್ದಾರೆ.
