ಅಹ್ಮದಾಬಾದ್ : ಸ್ಪಿನ್ನರ್ ಆದಿಲ್ ರಶೀದ್ ಅವರ ಬೌಲಿಂಗ್‌ನ ನೆಟ್ಸ್ನಲ್ಲಿ ಎದುರಿಸಿದ್ದೆ. ಇದು ಮೊದಲ ಟಿ20 ಪಂದ್ಯ ಭಾರತೀಯ ಸ್ಪಿನ್ನರ್ಗಳ ವಿರುದ್ಧ ಉತ್ತಮ ಬ್ಯಾಟಿಂಗ್ ನಡೆಸಲು ನೆರವಾಯಿತು ಎಂದು ಇಂಗ್ಲೆಂಡ್ ಬ್ಯಾಟ್ಸ್ಮನ್ ಜೇಸನ್ ರಾಯ್ ತಿಳಿಸಿದ್ದಾರೆ.
ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಮೊದಲ ಟಿ20 ಪಂದ್ಯವನ್ನು 27 ಎಸೆತಗಳು ಉಳಿದಿರುವಂತೆ ಭಾರತ ತಂಡವನ್ನು 8 ವಿಕೆಟ್ಗಳಿಂದ ಮಣಿಸಿದ ನಂತರ ರಾಯ್ ಈ ಮಾತನ್ನ ಹೇಳಿದ್ದಾರೆ. 125 ರನ್ಗಳನ್ನು ಚೇಸ್ ಮಾಡುವಾಗ ಬಟ್ಲರ್ ಜೊತೆ ಮೊದಲ ವಿಕೆಟ್ಗೆ 72 ರನ್ಗಳ ಜೊತೆಯಾಟ ನೀಡಿದ ರಾಯ್, ಕೇವಲ 32 ಎಸೆತಗಳಲ್ಲಿ 4 ಬೌಂಡರಿ ಮತ್ತು 3 ಸಿಕ್ಸರ್ ಸಹಿತ 49 ರನ್ ಗಳಿಸಿದ್ದರು.
"ಗೆಲುವಿನೊಂದಿಗೆ ಸರಣಿ ಆರಂಭ ಮಾಡಿರುವುದಕ್ಕೆ ಖುಷಿಯಿದೆ. ತಂಡಕ್ಕೆ ಆರಾಮದಾಯಕ ಗೆಲುವಿಗಾಗಿ ನಾನು ಕೊಡುಗೆ ನೀಡುವುದಕ್ಕೆ ಬಯಸುತ್ತೇನೆ. ನಾವು ಫೀಲ್ಡ್ ಮಾಡಿದ ರೀತಿಗೆ ತುಂಬಾ ಸಂತೋಷವಿದೆ. ನಾನು ಈ ಹಿಂದೆ ಕೆಲವು ಬೌಲರ್ಗಳಿಗೆ ವಿವಿಧ ರೀತಿಯಲ್ಲಿ ವಿಕೆಟ್ ಒಪ್ಪಿಸಿದ್ದೆ. ಆದರೆ, ನೆಟ್ಸ್ನಲ್ಲಿ ರಶೀದ್ ಬೌಲಿಂಗ್ ಆಡಿದ್ದು, ಈ ಪಂದ್ಯದಲ್ಲಿ ತುಂಬಾ ಅನುಕೂಲವಾಯಿತು" ಎಂದು ಪಂದ್ಯ ಮುಗಿದ ನಂತರ ಹೇಳಿದ್ದಾರೆ.
ಶುಕ್ರವಾರ ನಡೆದ ಪಂದ್ಯದಲ್ಲಿ ಭಾರತ ತಂಡ ಶ್ರೇಯಸ್ ಅಯ್ಯರ್ ಅವರ 67 ರನ್ಗಳ ಹೊರೆತಾಗಿಯೂ 20 ಓವರ್ಗಳಲ್ಲಿ 124 ರನ್ಗಳಿಸಲಷ್ಟೇ ಶಕ್ತವಾಯಿತು. ಆರ್ಚರ್ 3, ರಶೀದ್, ಮಾರ್ಕ್ವುಡ್ ಸ್ಟೋಕ್ಸ್ ಮತ್ತು ಜೋರ್ಡನ್ ತಲಾ ಒಂದು ವಿಕೆಟ್ ಪಡೆದು ಮಿಂಚಿದ್ದರು.
ಇದನ್ನು ಓದಿ:ಭಾರತ ತಂಡಕ್ಕೆ ದೊಡ್ಡ ತಲೆನೋವಾದ ಕೊಹ್ಲಿಯ ಸತತ ಡಕ್ ಔಟ್ಸ್
