ಹೈದರಾಬಾದ್: ಇಂಗ್ಲೆಂಡ್ ತಂಡದ ಆಲ್ರೌಂಡರ್ ಬೆನ್ಸ್ಟೋಕ್ಸ್ ಭಾರತ ತಂಡದ ಮಾಜಿ ನಾಯಕ ಧೋನಿ ವಿರುದ್ಧ ತಮ್ಮ ಬುಕ್ನಲ್ಲಿ ಬರೆದಿರುವುದಕ್ಕೆ ಕ್ಷಮೆಯಾಚಿಸಬೇಕು ಎಂದು ಭಾರತದ ಹಿರಿಯ ವೇಗಿ ಎಸ್ ಶ್ರೀಶಾಂತ್ ಈ ಟಿವಿ ಭಾರತಕ್ಕೆ ನೀಡಿದ ಸಂದರ್ಶನದಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಬೆನ್ಸ್ಟೋಕ್ಸ್ ತಮ್ಮ ಆನ್ ಫೈರ್ ಬುಕ್ನಲ್ಲಿ 2019ರ ವಿಶ್ವಕಪ್ನಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತ 31 ರನ್ಗಳಿಂದ ಸೋಲು ಕಂಡಿತ್ತು. ಈ ವೇಳೆ, ಧೋನಿ ಬ್ಯಾಟಿಂಗ್ ನಡೆಸಿದ ಉದ್ದೇಶವನ್ನು ಪ್ರಶ್ನಿಸಿದ್ದರು.
ಈ ವಿವಾದ ಕುರಿತು ಮಾತನಾಡಿರುವ, ಶ್ರೀಶಾಂತ್ , ಧೋನಿ ಅವರನ್ನು ಆನ್ಫೀಲ್ಡ್ನಲ್ಲಿ ಎದುರಿಸುವಂತೆ ಸ್ಟೋಕ್ಸ್ಗೆ ಓಪನ್ ಚಾಲೆಂಜ್ ಹಾಕಿರುವ ಅವರು ಕ್ಷಮೆ ಕೇಳುವಂತೆ ಇಂಗ್ಲೆಂಡ್ ಆಲ್ರೌಂಡರ್ಗೆ ಸವಾಲು ಹಾಕಿದ್ದಾರೆ.
ಸ್ಟೋಕ್ಸ್ ಧೋನಿಯಂತಹ ಮಹಾನ್ ಕ್ರಿಕೆಟಿಗನ ಬಗ್ಗೆ ಹೇಗೆ ಮಾತನಾಡಬಲ್ಲರು. ಧೋನಿ ವಿರುದ್ಧದ ಹೇಳಿಕೆಗೆ ನಾನು ಸ್ಟೋಕ್ಸ್ಮೇಲೆ ಕೋಪಗೊಂಡಿದ್ದೇನೆ. ಆ ಸೋಲಿಗೆ ಧೋನಿಯನ್ನು ಹೇಗೆ ಸ್ಟೋಕ್ಸ್ ಹೇಗೆ ಗುರುತು ಮಾಡಿ ತೋರಿಸಿದ್ದಾರೆ ? ಎಂದು ಪ್ರಶ್ನಿಸಿದ್ದಾರೆ. ಸ್ಟೋಕ್ಸ್ ಇಂಗ್ಲೆಂಡ್ ತಂಡ ವಿಶ್ವಕಪ್ ಗೆಲ್ಲಲು ಹೇಗೆ ಸಾಧ್ಯವಾಯಿತು ಎಂಬುದರ ಬಗ್ಗೆ ಸಂತೋಷ ಪಡಬೇಕು ಎಂದು ಹೇಳಿದ್ದಾರೆ.
ಧೋನಿ ಅವರೊಂದಿಗಿನ ಸಂಬಂಧದ ಬಗ್ಗೆ ಕೇಳಿದಾಗ, ಕೇರಳ ಕ್ರಿಕೆಟಿಗ , ನಾವು ಕೊನೆಯ ಬಾರಿ ಮಾತನಾಡಿದಾಗ ನನಗೆ ನೆನಪಿಲ್ಲ. 2013ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರಾಜಸ್ಥಾನ್ ಪಂದ್ಯದ ಸಮಯದಲ್ಲಿ ಮಾತನಾಡಿರಬೇಕು ಎಂದು ಭಾವಿಸಿದ್ದೇನೆ. ಅವರು ಯಾವಾಗಲೂ ನನಗೆ ಧೋನಿ ಬಾಯ್, ಕ್ರಿಕೆಟಿಗನಾಗಿ ಅವರಿಗೆ ಹೆಚ್ಚು ಗೌರವವಿದೆ. ಅವರು ನನ್ನ ಸಹೋದರನಂತೆ ಎಂದು ತಿಳಿಸಿದ್ದಾರೆ.
ಇನ್ನು ಧೋನಿ ಮತ್ತು ನನ್ನ ನಡುವೆ ಯಾವುದೇ ವಿವಾದ ಅಥವಾ ಜಗಳವಿಲ್ಲ,. ಇದರ ಬಗ್ಗೆ ಈ ಹಿಂದೆ ಬಂದಿರುವ ಸುದ್ದಿಗಳೆಲ್ಲ ರೂಮರ್ಸ್ ಎಂದಿರುವ ಶ್ರೀಶಾಂತ್ ಧೋನಿ ನಿವೃತ್ತಿಯ ವಿಚಾರವನ್ನು ಅವರಿಗೆ ಬಿಟ್ಟುಬಿಡಬೇಕು, ಅವರು ಫಿಟ್ ಇದ್ದಾರೆ, ಅವರು ಎಷ್ಟು ಸಮಯ ಆಡುತ್ತಾರೋ ಅಲ್ಲಿಯವರೆಗೆ ಆಡಲು ಬಿಡಬೇಕು ಎಂದು ಹೇಳಿದ್ದಾರೆ.
