ಮುಂಬೈ: ಕೋವಿಡ್ ಸಂಕಷ್ಟದಿಂದ 13ನೇ ಆವೃತ್ತಿ ಐಪಿಎಲ್ ಟೂರ್ನಿ ಯನೈಟೆಡ್ ಅರಬ್ ಎಮಿರೇಟ್ಸ್ನಲ್ಲಿ ನಡೆದಿದೆ. ಪ್ರೇಕ್ಷಕರಿಲ್ಲದೆ ನಡೆದ ಈ ಟೂರ್ನಿಯಲ್ಲಿ ಡೆಸ್ನಿ ಸ್ಟಾರ್ ಇಂಡಿಯಾ ಬರೋಬ್ಬರಿ 2500 ಕೋಟಿ ರೂ. ಆದಾಯ ಗಳಿಸಿದೆ ಎಂದು ವರದಿಯಾಗಿದೆ.
ಈಗಾಗಲೇ ವೀಕ್ಷಣೆಯಲ್ಲಿ ಹಿಂದಿನ ಐಪಿಎಲ್ಗಳ ದಾಖಲೆಯನ್ನು 2020ರ ಐಪಿಎಲ್ ಮುರಿದಿದೆ. ಇದೀಗ ಐಪಿಎಲ್ ಅಧಿಕೃತ ಪ್ರಸಾರಕ ಸ್ಟಾರ್ ಸ್ಪೋರ್ಟ್ಸ್ ಚಾನೆಲ್ 2 ತಿಂಗಳ ಟೂರ್ನಿಯಲ್ಲಿ ಬರೋಬ್ಬರಿ 2500 ಕೋಟಿ ರೂ. ಜೇಬಿಗಿಳಿಸಿಕೊಂಡಿದೆ ಎಂದು ತಿಳಿದು ಬಂದಿದೆ.
ಈ ಆದಾಯದಲ್ಲಿ 2,250 ಕೋಟಿ ರೂಪಾಯಿ ಜಾಹೀರಾತು ಮೂಲಗಳಿಂದ ಬಂದಿದ್ದರೆ, 200ರಿಂದ 250 ಕೋಟಿ ರೂಪಾಯಿ ಟಿವಿ ಮತ್ತು ಹಾಟ್ಸ್ಟಾರ್ ಸಬ್ಸ್ಕ್ರಿಪ್ಸನ್ನಿಂದ ಗಳಿಸಿದೆ ಎಂದು ಟಾಪ್ ಕ್ರೀಡಾ ವೆಬ್ಸೈಟ್ ವರದಿ ಮಾಡಿದೆ. ಈ ಆದಾಯ 2019ರ ಐಪಿಎಲ್ ಟೂರ್ನಿಗಿಂತಲೂ ಭಾರೀ ಪ್ರಮಾಣದಲ್ಲಿ ಏರಿಕೆಯಾಗಿದೆ ಎನ್ನಲಾಗಿದೆ.
2019ರಲ್ಲಿ ಸ್ಟಾರ್ ಸ್ಫೊರ್ಟ್ಸ್ 2200 ಕೋಟಿ ರೂ. ಆದಾಯ ಗಳಿಸಿತ್ತು. ಈ ಆವೃತ್ತಿಯಲ್ಲಿ 18 ಪ್ರಾಯೋಜಕರು ಮತ್ತು 117 ಜಾಹೀರಾತುಗಳನ್ನು ಪಡೆದಿತ್ತು.
