ಲಂಡನ್: ಇಂಗ್ಲೆಂಡ್ ತಂಡದ ಪ್ರತಿಭಾನ್ವಿತ ಆಲ್ರೌಂಡರ್ ಸ್ಯಾಮ್ ಕರ್ರನ್ ಧೋನಿ ನಾಯಕತ್ವದಲ್ಲಿ ಆಡಲು ಕಾತುರದಿಂದ ಕಾಯುತ್ತಿದ್ದೇನೆ ಎಂದು ತಿಳಿಸಿದ್ದಾರೆ.
2019ರ ಐಪಿಎಲ್ನಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆದು ಮೊದಲ ಸೀಸನ್ನಲ್ಲೇ ಎಲ್ಲರ ಹುಬ್ಬೇರುವಂತೆ ಮಾಡಿದ್ದ ಇಂಗ್ಲೆಂಡ್ನ ಯುವ ಆಲ್ರೌಂಡರ್ ಸ್ಯಾಮ್ ಕರ್ರನ್ 2020ರ ಐಪಿಎಲ್ಗೆ ನಡೆದ ಐಪಿಎಲ್ ಹರಾಜಿನಲ್ಲಿ 5.5 ಕೋಟಿ ರೂ ನೀಡಿ ಖರೀದಿಸಿತ್ತು.
ಈಗಾಗಲೆ ಇಂಗ್ಲೆಂಡ್ ತಂಡದ ಪರ ಅದ್ಭುತ ಆಲ್ರೌಂಡರ್ ಪ್ರದರ್ಶನ ನೀಡುತ್ತಿರುವ ಕರ್ರನ್, ನಾನು ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಲೆಜೆಂಡ್ಗಳ ಜೊತೆ ಡ್ರೆಸಿಂಗ್ ರೂಮ್ ಹಂಚಿಕೊಳ್ಳಲು ಹಾಗೂ ಅವರ ಆಲೋಚನೆಗಳನ್ನು ರೂಢಿಸಿಕೊಳ್ಳಲು ಕೂತೂಹಲದಿಂದ ಕಾಯುತ್ತಿದ್ದೇನೆ. ಈಗಾಗಲೆ ಸಿಎಸ್ಕೆ ಭಾಗವಾಗಿದ್ದ ಸ್ಯಾಮ್ ಬಿಲ್ಲಿಂಗ್ಸ್ ಅವರಿಂದ ಸಿಎಸ್ಕೆ ತಂಡದ ಬಗ್ಗೆ ಕೇಳಿದ್ದೇನೆ ಎಂದು ಅವರು ಸಂದರ್ಶನವೊಂದರಲ್ಲಿ ತಿಳಿಸಿದ್ದಾರೆ.
ಈ ಸಮಯದಲ್ಲಿ ಏನು ನಡೆಯುತ್ತಿದೆ ಎಂದು ನೋಡಲು ಉತ್ಸುಕನಾಗಿದ್ದೇನೆ. ಎಲ್ಲಾ ಸರಿಯಿದ್ದಿದ್ದೆರೆ ನಾವು ಬಹುಶಹ ಚೆನ್ನೈನಲ್ಲಿ ಒಟ್ಟಿಗೆ ಇರುತ್ತಿದ್ದೆವು. ಆದರೆ ಇಂದು ಹೆಚ್ಚಿನ ಮಹತ್ವದ ಸಂಗತಿಗಳು ನಡೆಯುತ್ತಿವೆ. ನಾನು ಧೋನಿ ಅವರ ನಾಯಕತ್ವದಲ್ಲಿ ಆಡಲು ಉತ್ಸುಕನಾಗಿದ್ದೇನೆ ಎಂದು ಕರ್ರನ್ ತಿಳಿಸಿದ್ದಾರೆ.
ನಾಯಕ ಧೋನಿ ಬಗ್ಗೆ ಇಲ್ಲಿಯವರೆಗೂ ಕೇಳಿದ್ದೇನೆ ಇದೀಗ ಅವರ ಜೊತೆಯಾಗಿ ಆಡುವುದಕ್ಕೆ ಹಾಗೂ ಕೋಚ್ ಸ್ಟೀಫನ್ ಫ್ಲೆಮಿಂಗ್ ಅವರ ಆಲೋಚನೆಗಳನ್ನು ತಿಳಿದುಕೊಳ್ಳುವುದಕ್ಕೆ ನನಗೆ ಇದೊಂದು ಅದ್ಭುತ ಅವಕಾಶ ಸಿಕ್ಕಿದೆ. ಚೆನ್ನೈ ಒಂದು ಅದ್ಭುತ ತಂಡವಾಗಿದ್ದು, ಒಂದು ವೇಳೆ ಐಪಿಎಲ್ ಯಾವಾಗ ನಡೆದರು ನಾನು ಅದರ ಪರ ಆಡಲು ತಯಾರಿದ್ದೇನೆ ಎಂದಿದ್ದಾರೆ.
ಇನ್ನು ಸಿಎಸ್ಕೆ ಕುಟಂಬದ ವಾಟ್ಸಪ್ ಗ್ರೂಪ್ಗೆ ಸೇರಿಕೊಂಡಿದ್ದು, ಎಲ್ಲರು ನನ್ನನ್ನು ತುಂಬು ಹೃದಯದಿಂದ ಸ್ವಾಗತಿಸಿದ್ದಾರೆ. ಆ ದಿನ ನನಗೆ ವಿಶೇಷವಾಗಿತ್ತು. ಗ್ರೂಪ್ನಲ್ಲಿ ವೈರಸ್ ಕುರಿತು ತುಂಬಾ ಮಾಹಿತಿ ದೊರೆತಿದೆ ಎಂದು ತಿಳಿಸಿರುವ ಅವರು ಆದಷ್ಟು ಬೇಗ ಎಲ್ಲ ಸರಿಯಾಗಲಿದೆ ಎಂದು ತಿಳಿಸಿದ್ದಾರೆ.
