ಅಮರಾತ್: ಈಗಷ್ಟೇ ಕ್ರಿಕೆಟ್ನಲ್ಲಿ ನೆಲೆ ಕಂಡುಕೊಳ್ಳುತ್ತಿರುವ ನೇಪಾಳ ಕ್ರಿಕೆಟ್ ತಂಡ ನೆದರ್ಲಾಂಡ್ಸ್ ತಂಡವನ್ನು ಕೊನೆಯ ಓವರ್ನಲ್ಲಿ 17 ರನ್ ಸಿಡಿಸುವ ಮೂಲಕ ಅಚ್ಚರಿಯ ಜಯ ಸಾಧಿಸಿದೆ.
ಓಮನ್ನಲ್ಲಿ ನಡೆಯುತ್ತಿರುವ 5 ತಂಡಗಳ ನಡುವಿನ ಓಮನ್ ಟಿ-20 ಸರಣಿಯಲ್ಲಿ ಸೋಮವಾರ ನೇಪಾಳ ತಂಡ ನೆದರ್ಲ್ಯಾಂಡ್ಸ್ ನೀಡಿದ್ದ 134 ರನ್ಗಳ ಗುರಿಯನ್ನು ಇನ್ನೊಂದು ಎಸೆತವಿರುವಂತೆ ತಲುಪಿ 4 ವಿಕೆಟ್ಗಳ ಜಯ ಸಾಧಿಸಿತು.
ನೇಪಾಳಕ್ಕೆ ಕೊನೆಯ ಓವರ್ನಲ್ಲಿ ಗೆಲ್ಲಲು 17 ರನ್ಗಳ ಅವಶ್ಯಕತೆಯಿತ್ತು. ಸ್ನ್ಯಾಟರ್ ಎಸೆದ ಆ ಓವರ್ನಲ್ಲಿ ನೇಪಾಳದ ಯುವ ಆಲ್ರೌಂಡರ್ ಕೆಸಿ ಕರಣ್ ಮೊದಲ ಎಸೆತದಲ್ಲಿ ಸಿಕ್ಸರ್ ಸಿಡಿಸಿದರು. ನಂತರ ಡಾಟ್ ಮಾಡಿ 3 ಮತ್ತು 4ನೆ ಎಸೆತದಲ್ಲಿ ಬಾಂಡರಿ ಹಾಗೂ ಸಿಕ್ಸರ್ ಸಿಡಿಸಿ ಪಂದ್ಯವನ್ನು ಟೈ ಮಾಡಿಸಿದರು. 5 ನೇ ಎಸೆತದಲ್ಲಿ ಸಿಂಗಲ್ ತೆಗೆದುಕೊಳ್ಳುವ ಮೂಲಕ ಪಂದ್ಯವನ್ನು ಗೆದ್ದು ದಾಖಲೆ ಬರೆದರು.
ಕರಣ್ಗೂ ಮೊದಲು 2016 ಟಿ-20 ವಿಶ್ವಕಪ್ನಲ್ಲಿ ವೆಸ್ಟ್ ಇಂಡೀಸ್ ಕೊನೆಯ ಓವರ್ನಲ್ಲಿ 19 ರನ್ ಹಾಗೂ ಪಾಕಿಸ್ತಾನದ ವಿರುದ್ಧ ಆಸ್ಟ್ರೇಲಿಯಾ ತಂಡ 22 ರನ್ ಚೇಸ್ ಮಾಡಿತ್ತು.
