ಕ್ರೈಸ್ಟ್ಚರ್ಚ್: ನ್ಯೂಜಿಲ್ಯಾಂಡ್ ವಿರುದ್ಧದ 2ನೇ ಟೆಸ್ಟ್ ಪಂದ್ಯದ ದ್ವಿತೀಯ ಇನ್ನಿಂಗ್ಸ್ನಲ್ಲಿ ಟೀಂ ಇಂಡಿಯಾ ಕೇವಲ 124 ರನ್ಗಳಿಗೆ ಆಲೌಟ್ ಆಗಿದೆ. ಈ ಮೂಲಕ ಎದುರಾಳಿ ತಂಡಕ್ಕೆ 132 ರನ್ಗಳ ಅಲ್ಪ ಗೆಲುವಿನ ಗುರಿ ನೀಡಿದೆ.
ಹೇಗ್ಲಿ ಓವಲ್ ಮೈದಾನದಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್ ಪಂದ್ಯದ ಮೂರನೇ ದಿನವಾದ ಇಂದು ಟೀಂ ಇಂಡಿಯಾ 124 ರನ್ಗಳಿಗೆ ಆಲೌಟ್ ಆಗಿದೆ. ಶನಿವಾರದ ದಿನದಾಂತ್ಯಕ್ಕೆ 90 ರನ್ಗೆ ಪ್ರಮುಖ 6 ವಿಕೆಟ್ ಕಳೆದುಕೊಂಡಿದ್ದ ಭಾರತ ಇಂದು ಆಟ ಆರಂಭಿಸಿತ್ತು.
ನಿನ್ನೆ ಆಟ ಕಾಯ್ದುಕೊಂಡಿದ್ದ ಹನುಮವಿಹಾರಿ (9) ಮತ್ತು ರಿಷಭ್ ಪಂತ್ (4) ಇಂದು ಬಂದಷ್ಟೇ ವೇಗವಾಗಿ ಹೋದರು. ಬಳಿಕ ರವೀಂದ್ರ ಜಡೇಜಾ (16), ಮೊಹಮ್ಮದ್ ಶಮಿ (5) ರನ್ ಗಳಿಸಿ ಔಟಾದರು.
ನ್ಯೂಜಿಲ್ಯಾಂಡ್ ಪರ ಸೌಥಿ 3, ಟ್ರೆಂಟ್ ಬೋಲ್ಟ್ 4 ವಿಕೆಟ್ ಪಡೆದು ಟೀಂ ಇಂಡಿಯಾ ಕಾಡಿದರು.
ಎರಡನೇ ಇನ್ನಿಂಗ್ಸ್ ಆರಂಭಿಸಿರುವ ಕಿವೀಸ್ ಪಡೆ ಉತ್ತಮ ಆರಂಭ ಪಡೆದಿದ್ದು, ವಿಕೆಟ್ ನಷ್ಟವಿಲ್ಲದೆ 42 ರನ್ ಗಳಿಸಿದೆ. ಟಾಮ್ ಲಾಥಮ್ ಹಾಗೂ ಟಾಮ್ ಬ್ಲಂಡೆಲ್ ಆರಂಭಿಕರಾಗಿ ಆಗಮಿಸಿದ್ದಾರೆ.
