ಬಾಕ್ಸಿಂಗ್​ ಡೇ ಟೆಸ್ಟ್ ನೆನಪು: ಅಂದು ಸೆಹ್ವಾಗ್ ಏಕಾಂಗಿಯಾಗಿ​ ಗಳಿಸಿದ್ದ ರನ್ ಇಂದು ಆಸೀಸ್ ಕಲೆಹಾಕಿದೆ!

2003ರಲ್ಲಿ ನಡೆದ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಬಾಕ್ಸಿಂಗ್​ ಡೇ ಟೆಸ್ಟ್ ಪಂದ್ಯದಲ್ಲಿ ವೀರೇಂದ್ರ ಸೆಹ್ವಾಗ್ ಏಕಾಗಿಯಾಗಿ ಗಳಿಸಿದ್ದ ರನ್​ಗಳನ್ನು ಇಂದು ಆಸ್ಟ್ರೇಲಿಯಾ ತಂಡ ಕಲೆಹಾಕಿದೆ.

ನವದೆಹಲಿ: ಬಾಕ್ಸಿಂಗ್ ಡೇ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್​ನಲ್ಲಿ ಆಸೀಸ್ ತಂಡ 195ಕ್ಕೆ ಸರ್ವಪತನ ಕಂಡಿದ್ದು, ಕುತೂಹಲಕಾರಿ ಸಂಗತಿ ಎಂದರೆ 17 ವರ್ಷಗಳ ಹಿಂದೆ ಇದೇ ದಿನ ಟೀಂ ಇಂಡಿಯಾದ ಸ್ಫೋಟಕ ಆಟಗಾರ ವೀರೇಂದ್ರ ಸೆಹ್ವಾಗ್ ಎಂಸಿಜೆ ಮೈದಾನದಲ್ಲಿ ಆಸೀಸ್ ವಿರುದ್ಧ 195 ರನ್​ ಗಳಿಸಿದ್ದರು.

2003-04ರಲ್ಲಿ ಭಾರತ, ಆಸ್ಟ್ರೇಲಿಯಾ ಪ್ರವಾಸ ಕೈಗೊಂಡಿತ್ತು. ಇದೇ ಡಿಸೆಂಬರ್ 26ರಂದು ನಡೆದ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಸೆಹ್ವಾಗ್, ಆಕಾಶ್ ಚೋಪ್ರಾ ಅವರೊಂದಿಗೆ ಇನ್ನಿಂಗ್ಸ್ ಆರಂಭಿಸಿದರು. ಆಸೀಸ್ ಬೌಲರ್​ಗಳ ಬೆವರಿಳಿಸಿದ್ದ ಸೆಹ್ವಾಗ್ 233 ಎಸೆತಗಳಲ್ಲಿ 25 ಬೌಂಡರಿ ಮತ್ತು 5 ಸಿಕ್ಸರ್​ಗಳ ನೆರವಿನಿಂದ 195 ರನ್‌ ಸಿಡಿಸಿ 5 ರನ್​ಗಳಿಂದ ದ್ವಿಶತಕ ವಂಚಿತರಾಗಿದ್ದರು.

• Start of the #BoxingDayTest at MCG in 6 hours from now. Have great memories of my first visit to Australia.
  Missed the 6 by 5 yards , but most importantly wish we had won this.
  Best wishes to Team India. pic.twitter.com/acnaIzIXin

  — Virender Sehwag (@virendersehwag) December 25, 2020 " class="align-text-top noRightClick twitterSection" data="

  Start of the #BoxingDayTest at MCG in 6 hours from now. Have great memories of my first visit to Australia.
  Missed the 6 by 5 yards , but most importantly wish we had won this.
  Best wishes to Team India. pic.twitter.com/acnaIzIXin

  — Virender Sehwag (@virendersehwag) December 25, 2020

  ">

  Start of the #BoxingDayTest at MCG in 6 hours from now. Have great memories of my first visit to Australia.
  Missed the 6 by 5 yards , but most importantly wish we had won this.
  Best wishes to Team India. pic.twitter.com/acnaIzIXin

  — Virender Sehwag (@virendersehwag) December 25, 2020

ಸೆಹ್ವಾಗ್​ ಅವರ ಅದ್ಭುತ ಬ್ಯಾಟಿಂಗ್​ ನೆರವಿನಿಂದ ಭಾರತ ಮೊದಲ ಇನ್ನಿಂಗ್ಸ್​ನಲ್ಲಿ 366 ರನ್​ ಗಳಿಸಿತ್ತು. ಆದರೆ ಆಸೀಸ್ ಪರ ಅಬ್ಬರಿಸಿದ್ದ ಪಾಂಟಿಂಗ್ ಕಾಂಗರೂಗಳಿಗೆ ಮೇಲುಗೈ ತಂದುಕೊಟ್ಟಿದ್ದರು. ಕ್ರೀಸ್‌ನಲ್ಲಿ 590 ನಿಮಿಷ ಕಳೆದಿದ್ದರಿಂದ ಪಾಂಟಿಂಗ್ 257 ರನ್ ಗಳಿಸಿದ್ದರು. ಓಪನರ್ ಮ್ಯಾಥ್ಯೂ ಹೇಡನ್ ಸಹ 136 ರನ್ ಗಳಿಸಿದ್ದರು. ಆಸ್ಟ್ರೇಲಿಯಾ ಮೊದಲ ಇನ್ನಿಂಗ್ಸ್​​ನಲ್ಲಿ 558 ರನ್ ಕಲೆಹಾಕಿತ್ತು.

ಓದಿ ಬಾಕ್ಸಿಂಗ್‌ ಡೇ ಟೆಸ್ಟ್.. ಮೊದಲ ಇನ್ನಿಂಗ್ಸ್‌ನಲ್ಲಿ ಆಸೀಸ್‌ಗೆ ಬುಮ್ರಾ, ಅಶ್ವಿನ್ ಪೆಟ್ಟು ; ಟೀಂ ಇಂಡಿಯಾ 36/1

ಎರಡನೇ ಇನ್ನಿಂಗ್ಸ್‌ನಲ್ಲಿ ಸ್ಟೀವ್ ವಾ ನೇತೃತ್ವದ ತಂಡವು ಭಾರತವನ್ನು 286 ರನ್​ಗಳಿಗೆ ನಿಯಂತ್ರಿಸಿತ್ತು. ಕೇವಲ 95 ರನ್ ಗುರಿ ಪಡೆದ ಆಸೀಸ್, 9 ವಿಕೆಟ್‌ಗಳ ಬೃಹತ್ ಗೆಲುವು ದಾಖಲಿಸಿತ್ತು.

ಆದರೆ ಇಂದು ನಡೆದ ಬಾಕ್ಸಿಂಗ್​ ಡೇ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್​​​ನಲ್ಲಿ ಅಮೋಘ ಪ್ರದರ್ಶನ ತೋರಿದ ಟೀಂ ಇಂಡಿಯಾ ಬೌಲರ್​​ಗಳು ಕೇವಲ 195 ರನ್​ಗಳಿಗೆ ಆಸ್ಟ್ರೇಲಿಯಾವನ್ನು ನಿಯಂತ್ರಿಸಿ, ಭಾರತಕ್ಕೆ ಮೇಲುಗೈ ತಂದುಕೊಟ್ಟಿದ್ದಾರೆ.