ಇಂಗ್ಲೆಂಡ್​ ಕೌಂಟಿ ಕ್ರಿಕೆಟ್​ನಲ್ಲಿ ಚೇತೇಶ್ವರ ಪೂಜಾರಾ ಮಿಂಚು.. ಮೂರನೇ ಅಬ್ಬರದ ಶತಕ ಸಿಡಿಸಿದ ಭಾರತೀಯ

ಭಾರತ ತಂಡದಲ್ಲಿ ಸ್ಥಾನ ಪಡೆಯಲು ತಿಣುಕಾಡುತ್ತಿರುವ ಟೆಸ್ಟ್​ ಸ್ಪೆಷಲಿಸ್ಟ್​ ಚೇತೇಶ್ವರ್​ ಪೂಜಾರಾ ಇಂಗ್ಲೆಂಡ್​ ಕೌಂಟಿ ಕ್ರಿಕೆಟ್​ನ ಏಕದಿನ ಚಾಂಪಿಯನ್​ಶಿಪ್​ನಲ್ಲಿ ರನ್​ ಮಳೆ ಸುರಿಸುತ್ತಿದ್ದಾರೆ. ಈವರೆಗೂ ಅವರು 3 ಶತಕ, 2 ಅರ್ಧಶತಕ ಸಮೇತ 1 ಸಾವಿರಕ್ಕೂ ಅಧಿಕ ರನ್​ ಕಲೆಹಾಕಿದ್ದಾರೆ.

ಹೋವ್ (ಯುಕೆ): ಭಾರತ ತಂಡದ ಟೆಸ್ಟ್​ ಪರಿಣತ ಬ್ಯಾಟ್ಸ್​ಮನ್​ ಚೇತೇಶ್ವರ್​ ಪೂಜಾರಾ ಇಂಗ್ಲೆಂಡ್​ನಲ್ಲಿ ಮಿಂಚು ಹರಿಸುತ್ತಿದ್ದಾರೆ. ಸಸೆಕ್ಸ್​ ತಂಡದ ಪರ ಆಡುತ್ತಿರುವ ಪೂಜಾರಾ ನಿನ್ನೆ ನಡೆದ ಮಿಡ್ಲ್​ಸೆಕ್ಸ್​ ವಿರುದ್ಧದ ಪಂದ್ಯದಲ್ಲಿ 90 ಎಸೆತಗಳಲ್ಲಿ 132 ರನ್​ ಚಚ್ಚಿದ್ದಾರೆ. ಈ ಮೂಲಕ ಇಂಗ್ಲೆಂಡ್​ನ ದೇಶೀಯ ಏಕದಿನ ಕ್ರಿಕೆಟ್​ನಲ್ಲಿ 3ನೇ ಅಬ್ಬರದ ಶತಕ ದಾಖಲಿಸಿದ್ದಾರೆ.

ಭಾರತ ತಂಡದಲ್ಲಿ ರನ್​ ಗಳಿಸಲು ಪರದಾಡುತ್ತಿರುವ ಮತ್ತು ಏಕದಿನದ ತಂಡದಲ್ಲಿ ಈವರೆಗೂ ಸ್ಥಾನ ಪಡೆಯದ ಪೂಜಾರಾ ವಿದೇಶಿ ಕೌಂಟಿ ಏಕದಿನ ಕ್ರಿಕೆಟ್​ನಲ್ಲಿ ಭರ್ಜರಿ ಬ್ಯಾಟಿಂಗ್​ ಲಯದಲ್ಲಿದ್ದಾರೆ. ಈವರೆಗೂ ಆಡಿದ 8 ಪಂದ್ಯಗಳಲ್ಲಿ 109.40 ರ ಸರಾಸರಿಯಲ್ಲಿ 1094 ರನ್​ ಗಳಿಸಿದ್ದಾರೆ. ಇದರಲ್ಲಿ ಮೂರು ಶತಕಗಳು, 2 ಅರ್ಧಶತಕಗಳಿದ್ದು, 174 ಅತ್ಯಧಿಕ ಸ್ಕೋರ್​ ಆಗಿದೆ.

ಏಕದಿನ ಚಾಂಪಿಯನ್​ಶಿಪ್​ನಲ್ಲಿ ಪೂಜಾರಾ ಅತ್ಯಧಿಕ ರನ್​ ಗಳಿಸಿದವರ ಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದಾರೆ. ನಿನ್ನೆಯ ಪಂದ್ಯದಲ್ಲಿ 20 ಬೌಂಡರಿ, 2 ಸಿಕ್ಸರ್​ಗಳು ಪೂಜಾರಾ ಬ್ಯಾಟ್​ನಿಂದ ಸಿಡಿದಿವೆ.

ಓದಿ: ಹೃದಯ ಗೆದ್ದ ಶುಭಮನ್.. ಜಿಂಬಾಬ್ವೆ ಆಲ್​ರೌಂಡರ್​ಗೆ ಜರ್ಸಿ ಗಿಫ್ಟ್​​ ನೀಡಿದ ಗಿಲ್​​