ಭಾರತ vs ವೆಸ್ಟ್​​ ಇಂಡೀಸ್ ಅಂತಿಮ ಟೆಸ್ಟ್‌: ವಿಂಡೀಸ್‌ ಗೆಲುವಿಗೆ ಬೇಕು 289 ರನ್

ಭಾರತ ಮತ್ತು ವೆಸ್ಟ್​ ಇಂಡೀಸ್​ ಟೆಸ್ಟ್​ ಕ್ರಿಕೆಟ್‌​ ಸರಣಿಯ ಎರಡನೇ ಮತ್ತು ಅಂತಿಮ ಪಂದ್ಯ ನಡೆಯುತ್ತಿದೆ. ಪಂದ್ಯ ಗೆಲ್ಲಲು ಭಾರತಕ್ಕೆ ವಿಂಡೀಸ್‌ನ 8 ವಿಕೆಟ್​ಗಳು ಬೇಕಿದ್ದರೆ, ವೆಸ್ಟ್​ ಇಂಡೀಸ್​ ಜಯಗಳಿಸಲು 289 ರನ್​ಗಳು ಬೇಕು.

ಪೋರ್ಟ್​ ಆಫ್​ ಸ್ಪೇನ್​ : ಭಾರತ ಮತ್ತು ವೆಸ್ಟ್​ ಇಂಡೀಸ್​ ನಡುವಿನ ಕ್ರಿಕೆಟ್ ಟೆಸ್ಟ್​ ಸರಣಿಯ ಎರಡನೇ ಪಂದ್ಯದಲ್ಲಿ ವೆಸ್ಟ್​ ಇಂಡೀಸ್ ತನ್ನ ಆಟ ಮುಂದುವರೆಸಿದೆ. ಇಲ್ಲಿನ ಕ್ವೀನ್ಸ್​ ಪಾರ್ಕ್​ ಓವಲ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಭಾರತ ತಂಡ ವೆಸ್ಟ್​ ಇಂಡೀಸ್‌ಗೆ 365 ರನ್​ಗಳ ಗುರಿ ನೀಡಿದೆ. ಸವಾಲಿನ ಮೊತ್ತವನ್ನು ಬೆನ್ನತ್ತಿರುವ ವೆಸ್ಟ್​ ಇಂಡೀಸ್​ ನಾಲ್ಕನೇ ದಿನದಂತ್ಯಕ್ಕೆ (ಭಾನುವಾರ) 2 ವಿಕೆಟ್​ ನಷ್ಟಕ್ಕೆ 76 ರನ್​ ಗಳಿಸಿದ್ದು, 289 ರನ್​ಗಳ ಹಿನ್ನಡೆಯಲ್ಲಿದೆ.

ಎರಡನೇ ಇನ್ನಿಂಗ್ಸ್​ನಲ್ಲಿ ಬ್ಯಾಟಿಂಗ್​ ಮಾಡಿದ ಭಾರತದ ಆರಂಭಿಕ ಆಟಗಾರರಾದ ರೋಹಿತ್​ ಶರ್ಮಾ ಮತ್ತು ಯಶಸ್ವಿ ಜೈಸ್ವಾಲ್​ ಉತ್ತಮ ರನ್‌ ಗಳಿಕೆ ಮಾಡಿದರು. ಜೈಸ್ವಾಲ್​ 38 ರನ್​ ಗಳಿಸಿ ಜೋಮೆಲ್​ ವ್ಯಾರಿಕನ್​ಗೆ ವಿಕೆಟ್​ ಒಪ್ಪಿಸಿದರೆ, ರೋಹಿತ್​ ಶರ್ಮಾ ಅರ್ಧ ಶತಕ (57) ರನ್​ ಗಳಿಸಿ ಶನನ್​ ಗ್ಯಾಬ್ರಿಯಲ್​ ಬೌಲಿಂಗ್​ ದಾಳಿಗೆ ಬಲಿಯಾದರು. ಬಳಿಕ ಬಂದ ಶುಭ್​​ಮನ್​ ಗಿಲ್​ (29) ,ಇಶನ್​ ಕಿಶನ್​ (52) ರನ್​ ಗಳಿಸಿ ಔಟಾಗದೇ ಉಳಿದರು. ಈ ವೇಳೆ ಮಳೆ ಬಂದು, ಪಂದ್ಯ ಸ್ಥಗಿತಗೊಂಡಿತ್ತು. ಇದಾದ ನಂತರ ಕೇವಲ ಮೂರು ಓವರ್​ಗಳನ್ನು ಆಡಿದ ಭಾರತವು 2 ವಿಕೆಟ್​ ನಷ್ಟಕ್ಕೆ 181ರನ್​ ಗಳಿಸಿ ಡಿಕ್ಲೇರ್​ ಮಾಡಿತು.

• The second #WIvIND Test is evenly poised heading into the final day in Trinidad.#WTC25https://t.co/4hUd6BPlKw pic.twitter.com/CqYxAH098g

  — ICC (@ICC) July 23, 2023 " class="align-text-top noRightClick twitterSection" data="

  The second #WIvIND Test is evenly poised heading into the final day in Trinidad.#WTC25https://t.co/4hUd6BPlKw pic.twitter.com/CqYxAH098g

  — ICC (@ICC) July 23, 2023

  ">

  The second #WIvIND Test is evenly poised heading into the final day in Trinidad.#WTC25https://t.co/4hUd6BPlKw pic.twitter.com/CqYxAH098g

  — ICC (@ICC) July 23, 2023

ಭಾರತ ನೀಡಿದ 365 ರನ್​ಗಳ ಗುರಿ ಬೆನ್ನತ್ತಿದ ವೆಸ್ಟ್​ ಇಂಡೀಸ್​ಗೆ ಆರಂಭಿಕ ಆಘಾತ ಎದುರಾಯಿತು. ನಾಯಕ ಕ್ರೇಗ್ ಬ್ರಾಥ್‌ವೈಟ್ 28 ರನ್ ಗಳಿಸಿ ರವಿಚಂದ್ರನ್​ ಅಶ್ವಿನ್​ಗೆ ವಿಕೆಟ್ ಒಪ್ಪಿಸಿದರೆ, ಬಳಿಕ ಬಂದ ಕ್ರೆಕ್​ ಮೆಕ್​ಕೆನ್​ಜೀ ಖಾತೆ ತೆರೆಯದೇ ಅಶ್ವಿನ್​ ಎಸೆತದಲ್ಲಿ ಎಲ್​ಬಿ ಬಲೆಗೆ ಬಿದ್ದರು. ನಾಲ್ಕನೇ ದಿನದಂತ್ಯಕ್ಕೆ ಟಾಗೆನರೈನ್ ಚಂದ್ರಪಾಲ್ (24) ಮತ್ತು ಜೆರ್ಮೈನ್ ಬ್ಲಾಕ್‌ವುಡ್ (20) ಬ್ಯಾಟಿಂಗ್​ ಕಾಯ್ದಕೊಂಡಿದ್ದಾರೆ. ವೆಸ್ಟ್​ ಇಂಡೀಸ್​​ 2 ವಿಕೆಟ್​ ನಷ್ಟಕ್ಕೆ 76 ರನ್​ ಗಳಿಸಿದ್ದು, ಬ್ಯಾಟಿಂಗ್​ ಮುಂದುವರೆಸಿದೆ. ಭಾರತದ ಪರ ಅಶ್ವಿನ್​ 2 ವಿಕೆಟ್​ ಪಡೆದಿದ್ದಾರೆ.

ಮೊದಲ ಇನ್ನಿಂಗ್ಸ್​​ : ಇದಕ್ಕೂ ಮೊದಲು ಟಾಸ್​ ಸೋತು ಬ್ಯಾಟಿಂಗ್ ಮಾಡಿದ್ದ ಭಾರತ, ವಿರಾಟ್​ ಕೊಹ್ಲಿ (121), ಯಶಸ್ವಿ ಜೈಸ್ವಾಲ್(57)​, ರೋಹಿತ್ ಶರ್ಮಾ(80), ಜಡೇಜಾ (61) , ಅಶ್ವಿನ್ (56)​ ಅವರ ಅದ್ಬುತ ಬ್ಯಾಟಿಂಗ್​ ಪ್ರದರ್ಶನದಿಂದ ಸವಾಲಿನ 438 ರನ್​ ಗಳಿಸಿತ್ತು. ವೆಸ್ಟ್​ ಇಂಡೀಸ್​ ಪರ ಕೇಮರ್​ ರೋಚ್​ ಮತ್ತು ಜೋಮೆಲ್​ ವಾರಿಕ್ಯಾನ್​ ತಲಾ 3 ವಿಕೆಟ್​​ ಪಡೆದಿದ್ದರು. ಜೇಸನ್ ಹೋಲ್ಡರ್​ 2 ವಿಕೆಟ್, ಶನನ್​ ಗ್ಯಾಬ್ರಿಯಲ್​ 1 ವಿಕೆಟ್​ ಪಡೆದಿದ್ದರು.

ಬಳಿಕ ಬ್ಯಾಟಿಂಗ್​ ಮಾಡಿದ ವೆಸ್ಟ್​ ಇಂಡೀಸ್​, ಕ್ರೇಗ್ ಬ್ರೇಥ್​ವೇಟ್​ ಮತ್ತು ಟ್ಯಾಗರೀನ್ ಚಂದರ್​ಪಾಲ್​ ಉತ್ತಮ ಜೊತೆಯಾಟ ನೀಡಿದರು. ಬ್ರೆಥ್​ವೇಟ್​​ 75 ರನ್​ ಗಳಿಸಿದರೆ ಚಂದ್ರಪಾಲ್ 33 ರನ್​ ಗಳಿಸಿ ಔಟಾದರು. ನಂತರದಲ್ಲಿ ಯಾವೊಬ್ಬ ಆಟಗಾರರು ಉತ್ತಮ ಪ್ರದರ್ಶನ ನೀಡಲಿಲ್ಲ. ಇದರಿಂದಾಗಿ ವೆಸ್ಟ್​​ ಇಂಡೀಸ್​ ತಂಡವು 255 ರನ್​ಗಳಿಗೆ ಆಲೌಟ್​ ಆಯಿತು. ಭಾರತದ ಪರ ಸಿರಾಜ್​ 5 ವಿಕೆಟ್​ ಪಡೆದು ಮಿಂಚಿದರೆ, ಮುಕೇಶ್​ ಕುಮಾರ್​​​ ಮತ್ತು ಜಡೇಜಾ 2 ವಿಕೆಟ್​ ಪಡೆದಿದ್ದರು. ರವಿಚಂದ್ರನ್​ ಅಶ್ವಿನ್​ 1 ವಿಕೆಟ್ ಪಡೆದಿದ್ದರು. ಭಾರತವು ಮೊದಲ ಇನ್ನಿಂಗ್ಸ್​ನಲ್ಲಿ 183 ರನ್​ಗಳ ಮುನ್ನಡೆ ಕಾಯ್ದುಕೊಂಡಿತ್ತು.

ಇದನ್ನೂ ಓದಿ : Ashes Test: ಇಂಗ್ಲೆಂಡ್​-ಆಸ್ಟ್ರೇಲಿಯಾ 4ನೇ ಟೆಸ್ಟ್‌ಗೆ ಮಳೆ ಅಡ್ಡಿ,​ ಪಂದ್ಯ ಡ್ರಾ; ಆ್ಯಶಸ್ ಕಪ್‌ ತನ್ನಲ್ಲೇ ಉಳಿಸಿಕೊಂಡ ಆಸೀಸ್