ಹೈದರಾಬಾದ್(ಡೆಸ್ಕ್): ಕ್ರಿಕೆಟ್ ಜಗತ್ತಿನಲ್ಲಿ ಆಟಗಾರರ ನಡುವೆ ಹೋಲಿಕೆ ಮಾಡುವುದು ಸರ್ವೆ ಸಾಮಾನ್ಯ. ಕೆಲವು ಮಾಜಿ-ಹಾಲಿ ಕ್ರಿಕೆಟಿಗರ ಮಧ್ಯೆ, ಮತ್ತೆ ಕೆಲವರು ಹಾಲಿ ಕ್ರಿಕೆಟಗರ ಮಧ್ಯೆ ಹೋಲಿಕೆ ಮಾಡುತ್ತಲೇ ಇರುತ್ತಾರೆ. ಅದು ಭಾರತೀಯ ಕ್ರಿಕೆಟಿಗರ ವಿಚಾರದಲ್ಲಿ ಹೆಚ್ಚು ನಡೆಯುತ್ತಿದೆ. ಕೊಹ್ಲಿ ಹಾಗೂ ಬುಮ್ರಾ ವಿಚಾರದಲ್ಲಿ ಈ ಚರ್ಚೆ ಹೆಚ್ಚಾಗಿದೆ.
ಕೊಹ್ಲಿ ಮತ್ತು ಕೇನ್ ವಿಲಿಯಮ್ಸನ್ರಲ್ಲಿ ಉತ್ತಮ ಬ್ಯಾಟ್ಸ್ಮನ್ ಕಿವೀಸ್ ಬ್ಯಾಟ್ಸ್ಮನ್ ಎಂದು ಹೇಳಿ ಭಾರತೀಯರ ಕೆಂಗಣ್ಣಿಗೆ ಗುರಿಯಾಗಿದ್ದ ವಾನ್, ಬುಮ್ರಾ ವಿಚಾರದಲ್ಲಿ ಜಾಣ್ಮೆಯ ಉತ್ತರ ತೋರಿ ಟೀಕೆಗೆ ಅವಕಾಶ ನೀಡದೆ ಎಚ್ಚರಿಕೆ ವಹಿಸಿದ್ದಾರೆ.
ಈ ಬಾರಿ ವಿಶ್ವದ ಟಾಪ್ ವೇಗಿಗಳಲ್ಲಿ ಒಬ್ಬರಾಗಿರುವ ಜಸ್ಪ್ರೀತ್ ಬುಮ್ರಾ ಮತ್ತು ಏಕದಿನ ಕ್ರಿಕೆಟ್ನ ನಂಬರ್ 1 ಬೌಲರ್ ಟ್ರೆಂಟ್ ಬೌಲ್ಟ್, ಇಬ್ಬರಲ್ಲಿ ಯಾರು ಉತ್ತಮ ವೇಗಿ ಎಂದು ಸ್ಪಾರ್ಟ್ ಸ್ಪೋರ್ಟ್ಗೆ ಉತ್ತರಿಸಿರುವ ವಾನ್ " ನನ್ನಿಂದ ಪ್ರಶ್ನೆಗೆ ಉತ್ತರಿಸಲು ಆಗುವುದಿಲ್ಲ" ಎಂದಿದ್ದಾರೆ.
" ಬುಮ್ರಾ ಅಥವಾ ಬೌಲ್ಟ್, ನನ್ನಿಂದ ತೀರ್ಮಾನಿಸಲಾಗುವುದಿಲ್ಲ. ನನ್ನ ಜೀವನದಲ್ಲೇ ಇದೇ ಮೊದಲ ಬಾರಿಗೆ ತಟಸ್ಥವಾಗಿ ಕೂರಲು ಬಯಸುತ್ತೇನೆ. ಆದ್ರೆ ಹೆಚ್ಚು ಸಮಯದಿಂದ ಉತ್ತಮ ಬೌಲಿಂಗ್ ಪ್ರದರ್ಶನ ತೋರುತ್ತಿರುವ ಕಾರಣಕ್ಕೆ ಮಾತ್ರ ಬೌಲ್ಟ್ ಹೆಸರಿಸಬಹುದು. ಆದರೆ ಬುಮ್ರಾ ನಂಬಲಾಸಾಧ್ಯವಾದ ಮತ್ತ ಅಸಾಧಾರಣ ಬೌಲಿಂಗ್ ಕೌಶಲ್ಯ ಹೊಂದಿರುವ ಬೌಲರ್, ಅವರು ಒಂದೆರಡು ವರ್ಷಗಳ ಹಿಂದೆ ಇಂಗ್ಲೆಂಡ್ನಲ್ಲಿ ಅತ್ಯುತ್ತಮವಾಗಿ ಬೌಲಿಂಗ್ ಮಾಡಿದ್ದರು. ನನ್ನ ಪ್ರಕಾರ ಇಬ್ಬರು ತುಂಬಾ ಸಮೀಪವಿದ್ದಾರೆ" ಎಂದು ಹೇಳಿದ್ದಾರೆ.
ಇದನ್ನು ಓದಿ:ಭಾರತ ವಿರುದ್ಧದ WTC ಫೈನಲ್ ನನಗೆ ವಿಶ್ವಕಪ್ ಫೈನಲ್ ಇದ್ದಂತೆ : ನೀಲ್ ವ್ಯಾಗ್ನರ್
