ಶಾರ್ಜಾ: 2021ರ ಐಪಿಎಲ್ನಲ್ಲಿ ಬಲಿಷ್ಠ ತಂಡಗಳನ್ನು ಬಗ್ಗುಬಡಿದು ಮುಂಚೂಣಿ ಸ್ಥಾನದಲ್ಲಿರುವ ಮಹೇಂದ್ರ ಸಿಂಗ್ ಧೋನಿ ನೇತೃತ್ವದ ಚೆನ್ನೈ ಸೂಪರ್ ಕಿಂಗ್ಸ್ ಇಂದು ಕೊನೆಯ ಸ್ಥಾನಿಯಾಗಿರುವ ಸನ್ರೈಸರ್ಸ್ ಹೈದರಾಬಾದ್ ವಿರುದ್ಧ ಕಣಕ್ಕಿಳಿಯುತ್ತಿದೆ. ಇಂದಿನ ಪಂದ್ಯ ಗೆದ್ದರೆ ಸಿಎಸ್ಕೆ 14ನೇ ಆವೃತ್ತಿಯಲ್ಲಿ ಪ್ಲೇ ಆಫ್ ಪ್ರವೇಶಿಸಿದ ಮೊದಲ ತಂಡವಾಗಲಿದೆ.
ಸಿಎಸ್ಕೆ ತಾನು ಆಡಿರುವ 10 ಪಂದ್ಯಗಳಲ್ಲಿ 8 ಗೆಲುವಿನೊಂದಿಗೆ 16 ಅಂಕ ಪಡೆದು ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ. ಈಗಾಗಲೇ ಅಂಕ ಮತ್ತು ರನ್ರೇಟ್ ಆಧಾರದಲ್ಲಿ ಸಿಎಸ್ಕೆ ಪ್ಲೇ ಆಫ್ ಸ್ಥಾನ ಖಚಿತವಾಗಿದೆಯಾದರೂ ಇಂದಿನ ಪಂದ್ಯ ಗೆದ್ದರೆ ಉಳಿದ 3 ಪಂದ್ಯಗಳನ್ನು ಸೋತರೂ ಕೂಡ ಸಿಎಸ್ಕೆ ನಷ್ಟವಾಗುವುದಿಲ್ಲ.
ಸನ್ರೈಸರ್ಸ್ ಹೈದರಾಬಾದ್ ಪ್ಲೇ ಆಫ್ ರೇಸ್ನಿಂದ ಅಧಿಕೃತವಾಗಿ ಹೊರಬಿದ್ದಿದೆ. ಹಾಗಾಗಿ ಇಂದಿನ ಪಂದ್ಯ ಸೇರಿದಂತೆ ಉಳಿದ 3 ಪಂದ್ಯಗಳನ್ನು ಗೆದ್ದರೂ ಅಥವಾ ಸೋತರೂ ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನವನ್ನು ತಪ್ಪಿಸಿಕೊಳ್ಳಲು ಮಾತ್ರ ಪ್ರಯತ್ನಿಸಬೇಕಿದೆ.
ಕಳೆದ ಪಂದ್ಯದಲ್ಲಿ ವಾರ್ನರ್, ಮನೀಶ್ ಪಾಂಡೆ, ಜಾಧವ್ ಸೇರಿದಂತೆ ಕೆಲವು ಹಿರಿಯರನ್ನು ಹೊರಗಿಟ್ಟಿದ್ದ ಹೈದರಾಬಾದ್ ಜೇಸನ್‌ಗೆ ಆದ್ಯತೆ ನೀಡಿತ್ತು. ಅಲ್ಲದೆ ರಾಜಸ್ಥಾನ್ ರಾಯಲ್ಸ್ ವಿರುದ್ಧ 7 ವಿಕೆಟ್ಗಳ ಜಯ ಸಾಧಿಸಿ ಸೋಲಿನ ಸರಪಳಿಯನ್ನು ಕಳಚಿಕೊಂಡಿತು. ಇದೀಗ ಅದೇ ವಿಶ್ವಾಸದಲ್ಲಿ ಸಿಎಸ್ಕೆ ವಿರುದ್ಧವೂ ಗೆಲ್ಲುವ ತವಕದಲ್ಲಿದೆ.
ಮುಖಾಮುಖಿ:
ಉಭಯ ತಂಡಗಳು 16 ಬಾರಿ ಮುಖಾಮುಖಿಯಾಗಿವೆ. ಸಿಎಸ್ಕೆ 12 ಮತ್ತು ಹೈದರಾಬಾದ್ 4 ರಲ್ಲಿ ಗೆಲುವು ಸಾಧಿಸಿದೆ.
ಇದನ್ನೂ ಓದಿ: ಹರ್ಷಲ್ ಪಟೇಲ್ ಕೊನೆ ಓವರ್ ಕಮಾಲ್: IPLನಲ್ಲಿ ಹೊಸ ದಾಖಲೆ ಬರೆದ ಅನ್ಕ್ಯಾಪ್ಡ್ ಪ್ಲೇಯರ್
