ಭಾರತದ ವಿರುದ್ಧದ T20 ಸರಣಿಗೆ ಆಫ್ರಿಕಾ ತಂಡ ಪ್ರಕಟ.. ಬವೂಮ ಕ್ಯಾಪ್ಟನ್​, ಮುಂಬೈ ಬ್ಯಾಟರ್​ಗೆ ಮಣೆ

ಇಂಡಿಯನ್​ ಪ್ರೀಮಿಯರ್ ಮುಕ್ತಾಯಗೊಳ್ಳುತ್ತಿದ್ದಂತೆ ಟೀಂ ಇಂಡಿಯಾ ತಂಡ ಆಫ್ರಿಕಾ ವಿರುದ್ಧ ಟಿ-20 ಸರಣಿಯಲ್ಲಿ ಭಾಗಿಯಾಗಲಿದೆ. ಈ ಟೂರ್ನಿಗೋಸ್ಕರ ಕ್ರಿಕೆಟ್ ಆಫ್ರಿಕಾ 17 ಸದಸ್ಯರ ತಂಡ ಪ್ರಕಟಿಸಿದೆ.

ಜೋಹಾನ್ಸ್​​ಬರ್ಗ್​​(ದಕ್ಷಿಣ ಆಫ್ರಿಕಾ): ಜೂನ್​ 9ರಿಂದ ಟೀಂ ಇಂಡಿಯಾ ವಿರುದ್ಧ ಆರಂಭಗೊಳ್ಳಲಿರುವ ಟಿ-20 ಸರಣಿಗೋಸ್ಕರ ಕ್ರಿಕೆಟ್ ಆಫ್ರಿಕಾ ತಂಡ ಪ್ರಕಟಿಸಿದೆ. ನಾಯಕತ್ವದ ಜವಾಬ್ದಾರಿ ಟೆಂಬ ಬವುಮಾ ವಹಿಸಿಕೊಂಡಿದ್ದು, ಮಧ್ಯಮ ಕ್ರಮಾಂಕದಲ್ಲಿ ಸ್ಫೋಟಕ ಬ್ಯಾಟರ್​ಗೆ ಮಣೆ ಹಾಕಲಾಗಿದೆ. ಇಂಡಿಯನ್​ ಪ್ರೀಮಿಯರ್ ಲೀಗ್​​ನಲ್ಲಿ ಮುಂಬೈ ಇಂಡಿಯನ್ಸ್ ಪರ ಆಡಿರುವ 21 ವರ್ಷದ ಟ್ರಿಸ್ಟನ್ ಸ್ಟಬ್ಸ್​​ಗೆ ಅವಕಾಶ ನೀಡಲಾಗಿದ್ದು, ಚೊಚ್ಚಲ ಬಾರಿಗೆ ರಾಷ್ಟ್ರೀಯ ತಂಡದಲ್ಲಿ ಆಡಲಿದ್ದಾರೆ.

ತಮ್ಮ ಪವರ್ ಹಿಟ್ಟಿಂಗ್​​ ಕೌಶಲ್ಯದಿಂದ ಹೆಚ್ಚು ಖ್ಯಾತಿ ಗಳಿಸಿರುವ ಸ್ಟಬ್ಸ್​​ ಕಳೆದ ವರ್ಷ ಕ್ರಿಕೆಟ್ ಸೌತ್ ಆಫ್ರಿಕಾ ಆಯೋಜನೆ ಮಾಡಿದ್ದ ಟಿ-20 ಚಾಲೆಂಜ್​​ನಲ್ಲಿ Gbets ವಾರಿಯರ್ಸ್ ಪರ ಆಡುತ್ತಿದ್ದಾಗ 7 ಇನ್ನಿಂಗ್ಸ್​​​ಗಳಿಂದ 183ರ ಸ್ಟ್ರೈಕ್ ರೇಟ್​​ನಲ್ಲಿ 23 ಸಿಕ್ಸರ್ ಸೇರಿದಂತೆ 293 ರನ್​ ​ಗಳಿಕೆ ಮಾಡಿದ್ದರು. ಉಳಿದಂತೆ ಗಾಯದಿಂದ ಚೇತರಿಸಿಕೊಂಡಿರುವ ವೇಗಿ ಅರ್ನಿಚ್​ ನೋರ್ಡ್ಜೆ ತಂಡಕ್ಕೆ ಕಮ್​ಬ್ಯಾಕ್ ಮಾಡಿದ್ದು, ರೀಜಾ ಹೆಂಡ್ರಿಕ್ಸ್​, ಹೆನ್ರಿಚ್​ ಕ್ಲಾಸೆನ್​​ ಹಾಗೂ ವೇಯ್ನ್​ ಪಾರ್ನೆಲ್​ ತಂಡದಲ್ಲಿ ಚಾನ್ಸ್​ ಪಡೆದು ಕೊಂಡಿದ್ದಾರೆ.

ಭಾರತದ ವಿರುದ್ಧದ ಟಿ20 ಸರಣಿಗೆ ಆಫ್ರಿಕಾ ತಂಡ ಪ್ರಕಟ

ಒಟ್ಟು 17 ಸದಸ್ಯರ ತಂಡ ಪ್ರಕಟಿಸಲಾಗಿದ್ದು,ಅನುಭವಿಗಳಾಗಿರುವ ಕ್ವಿಂಟನ್ ಡಿಕಾಕ್​, ಮಾರ್ಕ್ರಮ್​, ಡೇವಿಡ್ ಮಿಲ್ಲರ್, ಲುಂಗಿ ಎನ್​ಗಿಡಿ, ಕಗಿಸೋ ರಬಾಡ್​ ತಂಡದಲ್ಲಿ ಅವಕಾಶ ಪಡೆದುಕೊಂಡಿದ್ದಾರೆ.

ದಕ್ಷಿಣ ಆಫ್ರಿಕಾ ತಂಡ: ಟಿಂಬಾ ಬವುಮಾ(ಕ್ಯಾಪ್ಟನ್). ಕ್ವಿಂಟನ್ ಡಿಕಾಕ್, ರೀಜಾ ಹೆಂಡ್ರಿಕ್ಸ್​, ಹೆನ್ರಿಚ್​ ಕ್ಲಾಸೆನ್​, ಕೇಶವ್ ಮಹಾರಾಜ್, ಐಡೆನ್ ಮಾರ್ಕ್ರಮ್, ಡೇವಿಡ್ ಮಿಲ್ಲರ್, ಲುಂಗಿ ಎನ್​ಗಿಡಿ, ಆನ್ರಿಚ್​ ನೋರ್ಡ್ಜೆ, ವೇಯ್ನ್​ ಪಾರ್ನೆಲ್, ಡ್ವೈನ್ ಪ್ರಿಟೋರಿಯಸ್, ಕಗಿಸೋ ರಬಾಡ, ಶಮ್ಸಿ, ಟ್ರಿಸ್ಟಾನ್ ಸ್ಟಬ್ಸ್​, ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್​, ಮಾರ್ಕೋ ಜಾನ್ಸೆನ್​

• PROTEAS SQUAD ANNOUNCEMENT ⚠️
  
  Tristan Stubbs receives his maiden call-up 💪
  Anrich Nortje is back 👌
  India, here we come 🇮🇳
  
  Full squad 🔗 https://t.co/uEyuaqKmXf#INDvSA #BePartOfIt pic.twitter.com/iQUf21zLrB

  — Cricket South Africa (@OfficialCSA) May 17, 2022 " class="align-text-top noRightClick twitterSection" data="

  PROTEAS SQUAD ANNOUNCEMENT ⚠️
  
  Tristan Stubbs receives his maiden call-up 💪
  Anrich Nortje is back 👌
  India, here we come 🇮🇳
  
  Full squad 🔗 https://t.co/uEyuaqKmXf#INDvSA #BePartOfIt pic.twitter.com/iQUf21zLrB

  — Cricket South Africa (@OfficialCSA) May 17, 2022

  ">

  PROTEAS SQUAD ANNOUNCEMENT ⚠️
  
  Tristan Stubbs receives his maiden call-up 💪
  Anrich Nortje is back 👌
  India, here we come 🇮🇳
  
  Full squad 🔗 https://t.co/uEyuaqKmXf#INDvSA #BePartOfIt pic.twitter.com/iQUf21zLrB

  — Cricket South Africa (@OfficialCSA) May 17, 2022

ಭಾರತ ಮತ್ತು ದಕ್ಷಿಣ ಆಫ್ರಿಕಾ ವಿರುದ್ಧ ಐದು ಟಿ-20 ಪಂದ್ಯಗಳ ಸರಣಿ ಜೂನ್​ 9ರಿಂದ ಆರಂಭಗೊಳ್ಳಲಿದ್ದು, ಮೊದಲ ಪಂದ್ಯ ದೆಹಲಿಯಲ್ಲಿ ನಡೆಯಲಿದೆ. ಉಳಿದಂತೆ ಕಟಕ್, ವಿಶಾಖಪಟ್ಟಣಂ, ರಾಜ್​ಕೋಟ್​ ಹಾಗೂ ಬೆಂಗಳೂರಿನಲ್ಲಿ ಪಂದ್ಯಗಳು ಆಯೋಜನೆಗೊಂಡಿವೆ. ಈ ಸರಣಿಗೋಸ್ಕರ ಟೀಂ ಇಂಡಿಯಾ ಮುಂದಿನ ಕೆಲ ದಿನಗಳಲ್ಲಿ ಘೋಷಣೆಯಾಗುವ ಸಾಧ್ಯತೆ ದಟ್ಟವಾಗಿದ್ದು, ಕೆಲ ಹೊಸ ಮುಖಗಳಿಗೆ ಅವಕಾಶ ಸಿಗುವ ಸಾಧ್ಯತೆಗಳಿವೆ.