IPL​ ಬಿಟ್ಟು ಬಿಗ್​ಬ್ಯಾಷ್​ ಆಯ್ದುಕೊಂಡ ಬಾಬರ್​! ಹರ್ಭಜನ್​ ಸಿಂಗ್ ತೀಕ್ಷ್ಣ ಪ್ರತಿಕ್ರಿಯೆ

ಬಿಗ್​ಬ್ಯಾಷ್​​ ಲೀಗ್​ ಆಡುವ ಬಗ್ಗೆ ಆಸಕ್ತಿ ತೋರಿದ ಬಾಬರ್​ ಹೇಳಿಕೆಗೆ ಹರ್ಭಜನ್​ ಸಿಂಗ್ ಟ್ವಿಟರ್​ನಲ್ಲಿ ವಿಭಿನ್ನ ರೀತಿಯ ಪ್ರತಿಕ್ರಿಯೆ ನೀಡಿದ್ದಾರೆ.

ಐಪಿಎಲ್​ಗೆ ಇನ್ನೇನು ದಿನಗಣನೆ ಆರಂಭವಾಗಿದೆ. ವಿಶ್ವದಲ್ಲಿ ಹೆಚ್ಚು ಜನಪ್ರಿಯತೆ ಗಳಿಸಿದ ಕ್ರಿಕೆಟ್‌ ಲೀಗ್​ಗಳಲ್ಲಿ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಅಗ್ರಸ್ಥಾನದಲ್ಲಿದೆ. ಐಪಿಎಲ್​ ಆಧಾರದಲ್ಲಿ ಬೇರೆ ದೇಶದ ಆಟಗಾರರು ಅಂತಾರಾಷ್ಟ್ರೀಯ ತಂಡಕ್ಕೆ ಆಯ್ಕೆಯಾಗುತ್ತಾರೆ. ಭಾರತದಲ್ಲಿ ದೇಶಿಯ ಕ್ರೀಡೆಯಲ್ಲಿನ ಆಟದ ಜೊತೆಗೆ ಐಪಿಎಲ್​ ಆಟದ ಆಧಾರದಲ್ಲಿ ಭಾರತ ತಂಡಕ್ಕೆ ಸೆಲೆಕ್ಷನ್​ ನಡೆಯುತ್ತದೆ.

ಇದಲ್ಲದೇ ಭಾರತದಲ್ಲಿ ಐಪಿಎಲ್​ ನಡೆಯುವ ಒಂದು ತಿಂಗಳು ಯಾವುದೇ ಅಂತಾರಾಷ್ಟ್ರೀಯ ದ್ವಿಪಕ್ಷೀಯ ಸರಣಿಗಳು ಆಯೋಜನೆ ಆಗುವುದಿಲ್ಲ. ಹೆಚ್ಚಿನ ಅಂತಾರಾಷ್ಟ್ರೀಯ ತಂಡದ ಎ ಗ್ರೇಡ್​ ಬ್ಯಾಟರ್ ಮತ್ತು ಬೌಲರ್​​ಗಳು ಐಪಿಎಲ್​ನಲ್ಲಿ ಆಡುತ್ತಿರುತ್ತಾರೆ. ಇಷ್ಟೊಂದು ಜನಪ್ರಿಯ ಆಟದಲ್ಲಿ ಭಾಗವಹಿಸುವ ಬಗ್ಗೆ ಬಾಬರ್​ ಅಜಮ್​ ಆಸಕ್ತಿ ತೋರದೇ ಬಿಗ್​ಬ್ಯಾಷ್​ ಲೀಗ್​ ಆಡುವುದಾಗಿ ಹೇಳಿಕೊಂಡಿದ್ದಾರೆ.

ಟಿ20 ಲೀಗ್​ ಬಹುತೇಕ ರಾಷ್ಟ್ರಗಳಲ್ಲಿ ಆಡಿಸಲಾಗುತ್ತಿದೆ. ಆಸ್ಟ್ರೇಲಿಯಾದಲ್ಲಿ ಬಿಗ್​ಬ್ಯಾಷ್​​, ಪಾಕ್​ನಲ್ಲಿ ಪಾಕಿಸ್ತಾನ್ ಸೂಪರ್ ಲೀಗ್, ದಕ್ಷಿಣ ಆಫ್ರಿಕಾದಲ್ಲಿ SA20 ಲೀಗ್ ಅಲ್ಲದೇ ವೆಸ್ಟ್​​ ಇಂಡೀಸ್​ನಲ್ಲೂ ಲೀಗ್​ಗಳು ನಡೆಯುತ್ತಿದೆ. ಸದ್ಯ ಪಾಕಿಸ್ತಾನದಲ್ಲಿ ಪಾಕಿಸ್ತಾನ್ ಸೂಪರ್ ಲೀಗ್ ನಡೆಯುತ್ತಿದೆ. ಈ ವೇಳೆ ಬಾಬರ್​ಗೆ ಯಾವ ಲೀಗ್​ನಲ್ಲಿ ಆಡಲು ಇಷ್ಟ ಪಡುತ್ತೀರಿ ಎಂದು ಕೇಳಲಾಗಿದೆ. ಬಾಬರ್​ ಉತ್ತರಕ್ಕೆ ಹರ್ಭಜನ್​ ಸಿಂಗ್ ​ಟ್ವಿಟರ್​ ಪ್ರತಿಕ್ರಿಯೆ ವೈರಲ್​ ಆಗುತ್ತಿದೆ.

• 🤣 https://t.co/r3NeJV5WWz

  — Harbhajan Turbanator (@harbhajan_singh) March 16, 2023 " class="align-text-top noRightClick twitterSection" data="

  🤣 https://t.co/r3NeJV5WWz

  — Harbhajan Turbanator (@harbhajan_singh) March 16, 2023

  ">

  🤣 https://t.co/r3NeJV5WWz

  — Harbhajan Turbanator (@harbhajan_singh) March 16, 2023

"ಐಪಿಎಲ್ ಅಥವಾ ಬಿಗ್ ಬ್ಯಾಷ್, ನೀವು ಯಾವ ಲೀಗ್ ಅನ್ನು ಹೆಚ್ಚು ಇಷ್ಟಪಡುತ್ತೀರಿ?" ಎಂದು ಬಾಬರ್ ಅವರನ್ನು ಕೇಳಲಾಗಿತ್ತು. "ಆಸ್ಟ್ರೇಲಿಯಾದಲ್ಲಿನ ಪರಿಸ್ಥಿತಿಗಳು ವಿಭಿನ್ನ. ಅಲ್ಲಿನ ಪಿಚ್‌ಗಳು ನಿಜವಾಗಿಯೂ ವೇಗವಾಗಿರುತ್ತವೆ ಮತ್ತು ಅಲ್ಲಿ ನಮಗೆ ಬಹಳಷ್ಟು ಕಲಿಯುವ ಅವಕಾಶ ಇದೆ. ಆದರೆ ಐಪಿಎಲ್‌ನಲ್ಲಿ ನಾವು ಅದೇ ಏಷ್ಯನ್ ಪರಿಸ್ಥಿತಿಗಳನ್ನು ಅನುಭವಿಸುತ್ತೇವೆ" ಎಂದು ಬಾಬರ್ ಪ್ರತಿಕ್ರಿಯಿಸಿದ್ದಾರೆ. ಇದಕ್ಕೆ ಟ್ವಿಟರ್‌ನಲ್ಲಿ ಹರ್ಭಜನ್ ನಗುವ ಎಮೋಜಿಯಲ್ಲಿ ಪ್ರತಿಕ್ರಿಯಿಸಿದ್ದು, ಇದಕ್ಕೆ ವಿಭಿನ್ನ ರೀತಿಯ ಕಮೆಂಟ್​​ಗಳು ಹರಿದಾಡುತ್ತಿವೆ.

ಬಾಬರ್ ಪ್ರಸ್ತುತ ಪಾಕಿಸ್ತಾನ್ ಸೂಪರ್ ಲೀಗ್ ಸೀಸನ್ 8 ರಲ್ಲಿ ನಿರತರಾಗಿದ್ದಾರೆ. ಇಸ್ಲಾಮಾಬಾದ್ ಯುನೈಟೆಡ್ ಮತ್ತು ಪೇಶಾವರ್ ಝಲ್ಮಿ ನಡುವೆ ಗುರುವಾರ ಎಲಿಮಿನೇಟರ್​ ಪಂದ್ಯ ಏರ್ಪಟ್ಟಿದ್ದು, ಬಾಬರ್​ ನಾಯಕತ್ವದ ಪೇಶಾವರ್ ಝಲ್ಮಿ ತಂಡ 12 ರನ್​ನ ಗೆಲುವು ದಾಖಲಿಸಿದೆ. ನಾಯಕ ಬಾಬರ್​ 39 ಎಸೆತದಲ್ಲಿ 64 ರನ್​ ಗಳಿಸಿದ್ದು, ಎದುರಾಳಿಗೆ ತಂಡ 183 ರನ್​ನ ಗುರಿ ನೀಡಿತ್ತು.

ಇದನ್ನು ಎದುರಿಸಿ ಇಸ್ಲಾಮಾಬಾದ್ ಯುನೈಟೆಡ್ 20 ಓವರ್​ನಲ್ಲಿ 171 ರನ್​ ಮಾತ್ರ ಗಳಿಸುವಲ್ಲಿ ಶಕ್ತವಾದ್ದರಿಂದ 12 ರನ್​ನ ಸೋಲು ಕಂಡಿತು. ಸೊಹೈಬ್ ಮಕ್ಸೂದ್ (60) ಮತ್ತು ಅಲೆಕ್ಸ್ ಹೇಲ್ಸ್ (57) ಹೋರಾಟ ವ್ಯರ್ಥವಾಯಿತು. ಈ ಸೋಲಿನಿಂದ ಇಸ್ಲಾಮಾಬಾದ್ ಯುನೈಟೆಡ್ ಲೀಗ್​ನಿಂದ ಎಲಿಮಿನೇಟ್​ ಆಯಿತು.

ಇಂದು ಎರಡನೇ ಎಲಿಮಿನೇಟರ್​ ಪಂದ್ಯ ನಡೆಯಲಿದ್ದು, ಬಾಬರ್​ ನಾಯಕತ್ವದ ಪೇಶಾವರ್ ಝಲ್ಮಿ ತಂಡ ಲಾಹೋರ್ ಖಲಂದರ್ಸ್ ಅ​ನ್ನು ಎದುರಿಸಲಿದೆ. ಗೆದ್ದ ತಂಡ ನಾಳೆ ನಡೆಯುವ ಫೈನಲ್​ನಲ್ಲಿ ಮುಲ್ತಾನ್ ಸುಲ್ತಾನ್​ ತಂಡದ ಎದುರು ಕಪ್​ಗಾಗಿ ಹೋರಾಡಲಿದ್ದಾರೆ.

ಇದನ್ನೂ ಓದಿ: ಐಪಿಎಲ್ ಕ್ರಿಕೆಟ್​: ಆರ್​ಸಿಬಿ ನಾಯಕತ್ವ ತ್ಯಜಿಸಿದ ವಿರಾಟ್​ ಕೊಹ್ಲಿ..!