Ashes 2023: ಲಾರ್ಡ್ಸ್​ ಟೆಸ್ಟ್​​ ಗೆಲ್ಲಲು ಆಸಿಸ್‌ಗೆ ಬೇಕು 6 ವಿಕೆಟ್​, ಇಂಗ್ಲೆಂಡ್​ಗೆ ಬೇಕು 257 ರನ್​

ಲಾರ್ಡ್ಸ್​ ಟೆಸ್ಟ್ ಪಂದ್ಯ ಕೊನೆಯ ದಿನ ತಲುಪಿದ್ದು ಉಭಯ ತಂಡಗಳಿಗೂ ಗೆಲ್ಲುವ ಅವಕಾಶ ಇದೆ.

ಲಾರ್ಡ್ಸ್​​ (ಲಂಡನ್​): ಆ್ಯಶಸ್ ಸರಣಿ 2023ರ ಲಾರ್ಡ್ಸ್​ ಟೆಸ್ಟ್ ರೋಚಕ ಹಂತ ತಲುಪಿದೆ. ಕೊನೆಯ ದಿನವಾದ ಇಂದು ಉಭಯ ತಂಡಗಳಿಗೂ ಗೆಲುವಿನ ಅವಕಾಶ ಇದೆ. ಆ್ಯಶಸ್​​ನ ಮೊದಲ ಪಂದ್ಯ ಗೆದ್ದಿರುವ ಆಸ್ಟ್ರೇಲಿಯಾಕ್ಕೆ ಎರಡನೇ ಗೆಲುವಿಗೆ 6 ವಿಕೆಟ್​ಗಳ ಅವಶ್ಯಕತೆ ಇದೆ. ಇಂಗ್ಲೆಂಡ್​ಗೆ 257 ರನ್ ಅಗತ್ಯ ಇದ್ದು, 50 ರನ್​ ಗಳಿಸಿದ ಬೆನ್​ ಡಕೆಟ್​ ಮತ್ತು 29 ರನ್​ ಮಾಡಿ ನಾಯಕ ಬೆನ್ ಸ್ಟೋಕ್ಸ್ ಕ್ರೀಸ್​​ನಲ್ಲಿದ್ದಾರೆ.

ನಾಲ್ಕನೇ ದಿನದಾಟದಲ್ಲಿ ಆಸ್ಟ್ರೇಲಿಯಾ ಎರಡನೇ ಇನ್ನಿಂಗ್ಸ್​​ನಲ್ಲಿ 279ಕ್ಕೆ ಆಲ್​ಔಟ್​ ಆಯಿತು. 91 ರನ್​ನ ಮುನ್ನಡೆಯಿಂದ ಕಾಂಗರೂ ಪಡೆ ಎರಡನೇ ಇನ್ನಿಂಗ್ಸ್​ ಆರಂಭಿಸಿದ್ದರಿಂದ ಇಂಗ್ಲೆಂಡ್​ ಗೆಲುವಿಗೆ 371 ರನ್​ನ ಗುರಿ ನೀಡಿತು. ನಾಲ್ಕನೇ ದಿನ ಇನ್ನಿಂಗ್ಸ್​ ಆರಂಭಿಸಿದ ಆಂಗ್ಲರು ನಾಲ್ಕನೇ ದಿನದಾಟದ ಅಂತ್ಯಕ್ಕೆ 4 ವಿಕೆಟ್​ ನಷ್ಟಕ್ಕೆ 114 ರನ್​ ಗಳಿಸಿದ್ದಾರೆ. ಸದ್ಯ ಇಂಗ್ಲೆಂಡ್ ಪರ ಬೆನ್ ಡಕೆಟ್ (ಔಟಾಗದೆ 50) ಮತ್ತು ನಾಯಕ ಬೆನ್ ಸ್ಟೋಕ್ಸ್ (ಔಟಾಗದೆ 29) 45/4ಕ್ಕೆ ಕುಸಿದ ನಂತರ ಐದನೇ ವಿಕೆಟ್‌ಗೆ ಮುರಿಯದ 69 ರನ್‌ಗಳ ಜೊತೆಯಾಟವನ್ನು ನಡೆಸಿ ಕ್ರೀಸ್​ನಲ್ಲಿದ್ದಾರೆ.

• Stiff ask awaits England on day five after Australia's strong bowling performance ✨#WTC25 | #ENGvAUS 📝: https://t.co/liWqlPCKqn pic.twitter.com/lRnYWywa5x

  — ICC (@ICC) July 1, 2023 " class="align-text-top noRightClick twitterSection" data="

  Stiff ask awaits England on day five after Australia's strong bowling performance ✨#WTC25 | #ENGvAUS 📝: https://t.co/liWqlPCKqn pic.twitter.com/lRnYWywa5x

  — ICC (@ICC) July 1, 2023

  ">

  Stiff ask awaits England on day five after Australia's strong bowling performance ✨#WTC25 | #ENGvAUS 📝: https://t.co/liWqlPCKqn pic.twitter.com/lRnYWywa5x

  — ICC (@ICC) July 1, 2023

ಮೊದಲ ಇನ್ನಿಂಗ್ಸ್​​ನಲ್ಲಿ ಇಂಗ್ಲೆಂಡ್​ ಎರಡನೇ ದಿನದ ಅಂತ್ಯಕ್ಕೆ 4 ವಿಕೆಟ್​ಗಳನ್ನು ಕಳೆದುಕೊಂಡು 278 ಗಳಿಸಿತ್ತು. ಮೂರನೇ ದಿನದಾಟ ಆರಂಭಿಸಿದಾಗ ಕೇಲವ 74 ರನ್​ಗೆ 6 ವಿಕೆಟ್​ಗಳನ್ನು ಕಳೆದುಕೊಂಡಿತ್ತು. ಇಂಗ್ಲೆಂಡ್​ ಎರಡನೇ ಇನ್ನಿಂಗ್ಸ್​ನಲ್ಲೂ ಇದೇ ರೀತಿ ವಿಕೆಟ್​ ಕಳದುಕೊಂಡದಲ್ಲಿ ಪಂದ್ಯ ಗೆಲ್ಲುವುದು ಕಷ್ಟವಿದೆ. ಆಸ್ಟ್ರೇಲಿಯಾ ಮೊದಲ ಇನ್ನಿಂಗ್ಸ್​ನಲ್ಲಿ ಸ್ಪಿನ್ನರ್​​ ನಾಥನ್​ ಲಿಯಾನ್ ಗಾಯದಿಂದ ಹೊರಗಿದ್ದರೂ ವೇಗದ ಬೌಲಿಂಗ್​ನಿಂದ ಇಂಗ್ಲೆಂಡ್​ನ್ನು ಕಟ್ಟಿಹಾಕಿತ್ತು ಇಂದು ಅದೇ ಭರವಸೆಯಲ್ಲಿ ಮೈದಾನಕ್ಕಿಳಿಯಲಿದೆ.

ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಮಿಚೆಲ್ ಸ್ಟಾರ್ಕ್​: ಟೆಸ್ಟ್ ಕ್ರಿಕೆಟ್‌ನಲ್ಲಿ ಮಿಚೆಲ್ ಜಾನ್ಸನ್ ಅವರ ವಿಕೆಟ್‌ಗಳ್​ ದಾಖಲೆಯನ್ನು ಮಿಚೆಲ್ ಸ್ಟಾರ್ಕ್ ಹಿಂದಿಕ್ಕಿದರು. ಟೆಸ್ಟ್ ಕ್ರಿಕೆಟ್‌ನಲ್ಲಿ ಆಸ್ಟ್ರೇಲಿಯಾ ಪರ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎನಿಸಿಕೊಂಡರು. ಕೇವಲ 79 ಪಂದ್ಯಗಳಲ್ಲಿ 315 ವಿಕೆಟ್‌ಗಳನ್ನು ಸ್ಟಾರ್ಕ್​ ಪಡೆದಿದ್ದಾರೆ.

ಕ್ಯಾಚ್​ ಮಿಸ್: ಬೆನ್ ಡಕೆಟ್ ಟೆಸ್ಟ್‌ನಲ್ಲಿ ತಮ್ಮ ಎರಡನೇ ಅರ್ಧಶತಕವನ್ನು ಪೂರೈಸಿದರು. ನಂತರ ಕ್ಯಾಮರೂನ್ ಗ್ರೀನ್ ಎಸೆತದಲ್ಲಿ ಟಾಪ್​ ಎಡ್ಜ್​ ಆಗಿ ಡೀಪ್ ಫೈನ್ ಲೆಗ್‌ನಲ್ಲಿ ಸ್ಟಾರ್ಕ್ ಕ್ಯಾಚ್ ಹಿಡಿದ್ದಿರು. ಈ ಕ್ಯಾಚ್​ ಗೊಂದಲ ಮಯವಾಗಿದ್ದರಿಂದ ಮೂರನೇ ಅಂಪೈರ್​ ನಿರ್ಧಾರಕ್ಕೆ ಹೋಗಲಾಯಿತು. ಬಾಲ್​ ನೆಲಕ್ಕೆತಾಗಿದೆ ಎಂಬ ಕಾರಣಕ್ಕೆ ನಾಟೌಟ್ ಎಂದು ಮೂರನೇ ಅಂಪೈರ್​ ನಿರ್ಧಾರ ತಿಳಿಸಿದರು. ಇದು ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್​ ಫೈನಲ್​ನ ಗಿಲ್​ ಅವರ ವಿಕೆಟ್​ನ್ನು ನೆನಪಿಸಿದೆ.

ಆಸಿಸ್​ ಇನ್ನಿಂಗ್ಸ್​: ಮೂರನೇ ದಿನದಾಟದ ಅಂತ್ಯಕ್ಕೆ 130 ರನ್​ ಗಳಿಸಿದ್ದ ಆಸ್ಟ್ರೇಲಿಯಾ, ನಾಲ್ಕನೇ ದಿನದ ಬ್ಯಾಟಿಂಗ್​ನಲ್ಲಿ 149 ರನ್​ ಕಲೆಹಾಕಿತು. ಎರಡನೇ ಇನ್ನಿಂಗ್ಸ್​ನಲ್ಲಿ ಉಸ್ಮಾನ್​ ಖವಾಜಾ ಅವರ 77 ರನ್​ ಕೊಡುಗೆ ಬಿಟ್ಟರೆ ಮತ್ತಾರೂ 35ರ ಗಡಿಯನ್ನು ದಾಟಲಿಲ್ಲ. ಸ್ಮಿತ್​ 34 ಮತ್ತು ಲಬುಶೇನ್​ 30 ರನ್​ ಗಳಿಸಿದ್ದು ಆಸ್ಟ್ರೇಲಿಯಾ 371 ಗುರಿ ನೀಡಲು ಸಹಕರಿಸಿತ್ತು.

ಇಂಗ್ಲೆಂಡ್​ನ ಬ್ರಾಡ್​ 4 ವಿಕೆಟ್​ ತೆಗೆದರೆ, ರಾಬಿನ್ಸನ್ ಮತ್ತು ಜೋಶ್ ಟಂಗ್ ತಲಾ ಎರಡು ವಿಕೆಟ್​ ಕಬಳಿಸಿದರು.

ಇದನ್ನೂ ಓದಿ: Ashes 2023: ಬೃಹತ್​ ಗುರಿಯತ್ತ ಆಸ್ಟ್ರೇಲಿಯಾ ನಡೆ.. ಭೋಜನ ವಿರಾಮದ ವೇಳೆಗೆ 313 ರನ್​ ಮುನ್ನಡೆ