ಚೆನ್ನೈ: ಗ್ಲೇನ್ ಮ್ಯಾಕ್ಸ್ವೆಲ್ ಮತ್ತು ಎಬಿಡಿ ಅರ್ಧಶತಕ ಹಾಗೂ ಬೌಲರ್ಗಳ ಸಂಘಟಿತ ಪ್ರದರ್ಶನದ ನೆರವಿನಿಂದ ಆರ್ಸಿಬಿ 38 ರನ್ಗಳ ಅಂತರದಿಂದ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವನ್ನು ಮಣಿಸಿದೆ.
ಮೊದಲು ಬ್ಯಾಟಿಂಗ್ ಮಾಡಿದ್ದ ಆರ್ಸಿಬಿ ಗ್ಲೇನ್ ಮ್ಯಾಕ್ಸ್ವೆಲ್ರ 78(49) ಮತ್ತು ವಿಲಿಯರ್ಸ್ರ 76(34) ರನ್ಗಳ ನೆರವಿನಿಂದ 204 ರನ್ಗಳಿಸಿ, ಕೆಕೆಆರ್ಗೆ 205 ರನ್ಗಳ ಗುರಿ ನೀಡಿತ್ತು. ಈ ಮೊತ್ತವನ್ನು ಬೆನ್ನಟ್ಟಿದ ಕೆಕೆಆರ್ 20 ಓವರ್ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 166 ರನ್ಗಳಿಸಲಷ್ಟೇ ಶಕ್ತವಾಗಿ 38 ರನ್ಗಳ ಸೋಲುಂಡಿತು.
-
That's that from Match No.10.@RCBTweets win by 38 runs to register their third win of the season so far. This is the first time in IPL that the #RCB have won their first 3 games.#VIVOIPL pic.twitter.com/Ei90mgn2iD
— IndianPremierLeague (@IPL) April 18, 2021 " class="align-text-top noRightClick twitterSection" data="
">That's that from Match No.10.@RCBTweets win by 38 runs to register their third win of the season so far. This is the first time in IPL that the #RCB have won their first 3 games.#VIVOIPL pic.twitter.com/Ei90mgn2iD
— IndianPremierLeague (@IPL) April 18, 2021That's that from Match No.10.@RCBTweets win by 38 runs to register their third win of the season so far. This is the first time in IPL that the #RCB have won their first 3 games.#VIVOIPL pic.twitter.com/Ei90mgn2iD
— IndianPremierLeague (@IPL) April 18, 2021
ಆರಂಭಿಕರಾಗಿ ಕಣಕ್ಕಿಳಿದ ಶುಬ್ಮನ್ ಗಿಲ್ 2ನೇ ಓವರ್ನಲ್ಲೇ ಜೇಮಿಸನ್ಗೆ ಎರಡು ಸಿಕ್ಸರ್ ಮತ್ತು ಬೌಂಡರಿ ಸಿಡಿಸಿ ಸ್ಫೋಟಕ ಆರಂಭ ಒದಗಿಸಿದರು. ಆದರೆ ಅದೇ ಓವರ್ನ 5ನೇ ಎಸೆತದಲ್ಲಿ ಕ್ರಿಸ್ಚಿಯನ್ ಪಡೆದ ಅದ್ಭುತ ಕ್ಯಾಚ್ಗೆ ಬಲಿಯಾದರು. ನಂತರ ಬಂದ ರಾಹುಲ್ ತ್ರಿಪಾಠಿ(25) ಮತ್ತು ರಾಣಾ(18) 2ನೇ ವಿಕೆಟ್ಗೆ 34 ರನ್ಗಳ ಜೊತೆಯಾಟ ನೀಡಿದರು. 20 ಎಸೆತಗಳಲ್ಲಿ 5 ಬೌಂಡರಿ ಸಹಿತ 25 ರನ್ಗಳಿಸಿದ್ದ ತ್ರಿಪಾಠಿ, ಸುಂದರ್ ಬೌಲಿಂಗ್ನಲ್ಲಿ ಔಟಾದರೆ, ನಂತರದ ಓವರ್ನಲ್ಲೇ ಚಹಾಲ್ ಬೌಲಿಂಗ್ನಲ್ಲಿ ರಾಣಾ ಕೂಡ ಪಡಿಕ್ಕಲ್ಗೆ ಕ್ಯಾಚ್ ನೀಡಿ ಔಟಾದರು.
ನಂತರ ಬಂದ ವಿಕೆಟ್ ಕೀಪರ್ ದಿನೇಶ್ ಕಾರ್ತಿಕ್ 2 ರನ್ಗಳಿಸಿ ಚಹಾಲ್ ಬೌಲಿಂಗ್ನಲ್ಲಿ ಎಲ್ಬಿ ಬಲೆಗೆ ಬಿದ್ದರು. ಟಾರ್ಗೆಟ್ ಹೆಚ್ಚಿದ್ದರಿಂದ ಬಂದ ಬ್ಯಾಟ್ಸ್ಮನ್ಗಳೆಲ್ಲಾ ದೊಡ್ಡ ಹೊಡೆತಕ್ಕೆ ಮುಂದಾಗಿ ವಿಕೆಟ್ ಕೈಚೆಲ್ಲಿದರು. ಇಯಾನ್ ಮಾರ್ಗನ್ 23 ಎಸೆತಗಳಲ್ಲಿ 29, ಶಕಿಬ್, 25 ಎಸೆತಗಳಲ್ಲಿ 26 , ರಸೆಲ್ 20 ಎಸೆತಗಳಲ್ಲಿ 32 ರನ್, ಕಮ್ಮಿನ್ಸ್ 6 ರನ್ಗಳಿಸಿ ಔಟಾದರು.
ಕೊನೆಯ 18 ಎಸೆತಗಳಲ್ಲಿ 59 ರನ್ಗಳ ಅಗತ್ಯವಿತ್ತು, 18ನೇ ಓವರ್ನಲ್ಲಿ ಜೆಮೀಸ್ನ 15 ರನ್ ನೀಡಿ 2 ವಿಕೆಟ್ ಪಡೆದರು. 19ನೇ ಓವರ್ನಲ್ಲಿ ಸಿರಾಜ್ ಕೇವಲ 1 ರನ್ ನೀಡಿದರೆ, 20ನೇ ಓವರ್ನಲ್ಲಿ ಹರ್ಷೆಲ್ ಪಟೇಲ್ 4 ರನ್ ನೀಡಿ ರಸೆಲ್ ವಿಕೆಟ್ ಪಡೆದರು.
ಆರ್ಸಿಬಿ ಪರ ಜೆಮೀಸನ್ 41 ರನ್ ನೀಡಿ ದುಬಾರಿಯಾದರು ಪ್ರಮುಖ 3 ವಿಕೆಟ್ ಪಡೆಯುವಲ್ಲಿ ಸಫಲರಾದರು. ಹರ್ಷೆಲ್ ಪಟೇಲ್ 17ಕ್ಕೆ 2, ಚಹಾಲ್ 34ಕ್ಕೆ 2 ಹಾಗೂ ಸುಂದರ್ 33ಕ್ಕೆ 1 ವಿಕೆಟ್ ಪಡೆದರು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.
