ಸೌತಾಂಪ್ಟನ್: ಆಸ್ಟ್ರೇಲಿಯಾದಲ್ಲಿ 2020-21ರ ಬಾರ್ಡರ್ ಗವಾಸ್ಕರ್ ಟ್ರೋಫಿಯನ್ನು ಗೆದ್ದಿರುವುದು ಟೀಮ್ ಇಂಡಿಯಾಗೆ ವಿಭಿನ್ನವಾದ ಆತ್ಮವಿಶ್ವಾಸವನ್ನು ತುಂಬಿದೆ ಎಂದು ವೇಗಿ ಇಶಾಂತ್ ಶರ್ಮಾ ಹೇಳಿದ್ದಾರೆ. ನ್ಯೂಜಿಲ್ಯಾಂಡ್ ವಿರುದ್ಧ ಇದೇ ತಿಂಗಳು ಇಂಗ್ಲೆಂಡ್ನಲ್ಲಿ ನಡೆಯುವ ವಿಶ್ವಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲೂ ಅದೇ ವಿಶ್ವಾಸದಿಂದ ಆಡುವುದಾಗಿ ಅವರು ತಿಳಿಸಿದ್ದಾರೆ.
ಜೂನ್ 18ರಂದು ಸೌತಾಂಪ್ಟನ್ನ ಏಜಿಯಸ್ ಬೌಲ್ನಲ್ಲಿ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ನಡೆಯಲಿದೆ. ಈ ವರ್ಷದ ಆರಂಭದಲ್ಲಿ ಗಾಯದಿಂದ ಪೆಟ್ಟು ತಿಂದಿದ್ದ ಭಾರತ ತಂಡ ಅನನುಭವಿಗಳ ನೆರವಿನಿಂದಲೇ ಬಲಿಷ್ಠ ಆಸ್ಟ್ರೇಲಿಯಾ ತಂಡದ ವಿರುದ್ಧ 2-1ರಲ್ಲಿ ಸರಣಿ ಜಯಿಸಿತ್ತು. ಅದರಲ್ಲೂ 32 ವರ್ಷಗಳಿಂದ ಸೋಲೇ ಕಾಣದ ಗಬ್ಬಾದಲ್ಲಿ ಆಸೀಸ್ ತಂಡಕ್ಕೆ ಭಾರತ ಸೋಲುಣಿಸಿತ್ತು.
ಇದೊಂದು ಪ್ರಯೋಗಾತ್ಮಕ ಮತ್ತು ಭಾವನಾತ್ಮಕ ಪಯಣ, ಈ ಐಸಿಸಿ ಟೂರ್ನಮೆಂಟ್ 50 ಓವರ್ಗಳ ಏಕದಿನ ವಿಶ್ವಕಪ್ಗೆ ಮಹತ್ವವನ್ನು ಹೊಂದಿದೆ. ಇದು ಕೇವಲ ಒಂದು ತಿಂಗಳ ಪರಿಶ್ರಮದ ಫಲಿತಾಂಶವಲ್ಲ. ಇದರಲ್ಲಿ ನಮ್ಮ ಎರಡು ವರ್ಷಗಳ ಬೆವರು ಮತ್ತು ಕಠಿಣ ಪರಿಶ್ರಮವಿದೆ ಎಂದು ವಿರಾಟ್ ಕೊಹ್ಲಿ ಈಗಾಗಲೆ ಹೇಳಿದ್ದಾರೆ.
ನಾವು ಕೋವಿಡ್ನಿಂದ ಹೆಚ್ಚು ಶ್ರಮಿಸಿದ್ದೇವೆ. ಇದರ ಜೊತೆಗೆ ಹೊಸ ನಿಯಮಗಳು ಮತ್ತು ಒತ್ತಡದಲ್ಲೂ ಆಸ್ಟ್ರೇಲಿಯಾದಲ್ಲಿ ಕಠಿಣ ಸರಣಿ ಜಯಿಸಿದ್ದೇವೆ. ಜೊತೆಗೆ ಇಂಗ್ಲೆಂಡ್ ವಿರುದ್ಧವೂ 3-1ರಲ್ಲಿ ಸರಣಿ ಜಯಿಸಿದ್ದೇವೆ ಎಂದು ಇಶಾಂತ್ ಬಿಸಿಸಿಐ ಟಿವಿಗೆ ಹೇಳಿದ್ದಾರೆ.
"ಈ ಸರಣಿಯ ನಂತರ ನಾವು ಎಂತಹ ಸ್ಥಿತಿಯಿದ್ದರೂ ಹಿಂತಿರುಗಬಹುದು ಎಂಬ ನಂಬಿಕೆ ದೊಡ್ಡದಾಗಿದೆ. ಇದು ಭಾರತೀಯ ಕ್ರಿಕೆಟ್ ಮುಂದಿನ ಹಂತಕ್ಕೆ ಪ್ರವೇಶಿಸಲು ಸಹಾಯ ಮಾಡಿದೆ.. ನಾನು ಆ ವಿಜಯದ ಭಾಗವಾಗಿರದಿದ್ದರೂ, ಬಾರ್ಡರ್ - ಗವಾಸ್ಕರ್ ಟ್ರೋಫಿ ಜಯ ನಮ್ಮ ತಂಡಕ್ಕೆ ವಿಭಿನ್ನ ರೀತಿಯ ಆತ್ಮ ನಂಬಿಕೆಯನ್ನು ನೀಡಿದೆ." ಎಂದು ಅವರು ಹೇಳಿದರು.
ಇದನ್ನು ಓದಿ: WTC ಫೈನಲ್.. ಬೌಲ್ಟ್ vs ರೋಹಿತ್ ನಡುವಿನ ರೋಚಕ ಕಾಳಗ ನೋಡಲು ಕಾತುರದಿಂದ್ದೇನೆ: ಸೆಹ್ವಾಗ್
