ಬಾಸೆಲ್ [ಸ್ವಿಟ್ಜರ್ಲೆಂಡ್]: ಅಂತಾರಾಷ್ಟ್ರೀಯ ಖ್ಯಾತಿಯ ಭಾರತದ ಬ್ಯಾಡ್ಮಿಂಟನ್ ಆಟಗಾರ್ತಿ ಪಿವಿ ಸಿಂಧು ಸ್ವಿಸ್ ಓಪನ್ ಪಂದ್ಯಾವಳಿಯಲ್ಲಿ ಟರ್ಕಿಯ ನೆಸ್ಲಿಹಾನ್ ಯಿಗಿಟ್ ಅವರನ್ನು ಸೋಲಿಸುವ ಮೂಲಕ ಗೆಲುವಿನ ನಗೆ ಬೀರಿದರು.
ಯಿಗಿಟ್ ವಿರುದ್ಧ 21-16, 21-19 ಅಂತರದಿಂದ ಸಿಂಧು ಗೆಲುವು ಸಾಧಿಸಿ ಎರಡನೇ ಸುತ್ತಿಗೆ ಮುನ್ನಡೆ ಪಡೆದರು. ಮೊದಲ ಸುತ್ತಿನಲ್ಲಿ ಉತ್ತಮ ಪ್ರದರ್ಶನ ನೀಡಿದ ಸಿಂಧು, 10-5 ಮುನ್ನಡೆ ಸಾಧಿಸಿದರು. ಆದರೆ ಪ್ರತಿಸ್ಫರ್ಧಿ ಆಟಗಾರ್ತಿ ಯಿಗಿಟ್ ಕೊನೆಯಲ್ಲಿ 11-11 ಅಂಕಗಳ ಸಮ ಬಲ ಪಡೆದರು.
ಮತ್ತೆ ಅದೇ ಜೋಶ್ನಿಂದ ಆಟವಾಡಿದ ಸಿಂಧೂ ಮನ್ನಡೆ ಕಾಯ್ದುಕೊಂಡು ಮೊದಲ ಪಂದ್ಯದಲ್ಲಿ 21-16 ಸೆಟ್ಗಳಿಂದ ಮೇಲುಗೈ ಸಾಧಿಸಿದರು. ಎರಡನೇ ಸುತ್ತಿನಲ್ಲಿ ಸಿಂಧುಗೆ ಯಿಗಿಟ್ ಕಠಿಣ ಸ್ಪರ್ಧೆ ನೀಡಿದರಾದರೂ ಅಂತಿಮವಾಗಿ ಸಿಂಧು ಗೆಲುವಿನ ನಗೆ ಬೀರುವಲ್ಲಿ ಯಶಸ್ವಿಯಾದರು.
ಓದಿ: ಐಪಿಎಲ್ ತಯಾರಿ ನಡೆಸಲು ಚೆನ್ನೈಗೆ ಬಂದಿಳಿದ 'ಮಾಹಿ'
ಇದಕ್ಕೂ ಹಿಂದಿನ ದಿನ ಪುರುಷರ ಡಬಲ್ಸ್ನಲ್ಲಿ ಭಾತರದ ಜೋಡಿ ಸತ್ವಿಕ್ ಸೈರಾಜ್ ರಾಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಅವರು ಸ್ವಿಸ್ ಓಪನ್ನ ಮೊದಲ ಸುತ್ತಿನಲ್ಲಿ ಸ್ಕಾಟಿಷ್ ಜೋಡಿ ಕ್ರಿಸ್ಟೋಫರ್ ಗ್ರಿಮ್ಲಿ ಮತ್ತು ಮ್ಯಾಥ್ಯೂ ಗ್ರಿಮ್ಲಿಯನ್ನು 21-18, 19-21, 21-16 ಸೆಟ್ಗಳ ಅಂತರದಲ್ಲಿ ಸೋಲಿಸಿ ಗೆಲುವು ಸಾಧಿಸಿದ್ದರು.
ಸ್ವಿಸ್ ಓಪನ್ನ ಮೊದಲ ಸುತ್ತಿನಲ್ಲಿ ಭಾರತದ ಬ್ಯಾಡ್ಮಿಂಟನ್ ಆಟಗಾರ ಕಿಡಂಬಿ ಶ್ರೀಕಾಂತ್ ಸಮೀರ್ ವರ್ಮಾ ಅವರನ್ನು ಸೋಲಿಸಿದರು. ಶ್ರೀಕಾಂತ್ ವರ್ಮಾ ವಿರುದ್ಧ 18-21, 21-18, 21-11ರಿಂದ ಜಯ ಸಾಧಿಸಿ ಪಂದ್ಯಾವಳಿಯ ಮುಂದಿನ ಸುತ್ತಿಗೆ ಮುನ್ನಡೆ ಪಡೆದರು.