ಮುಂಬೈ: ಸುಪ್ರಸಿದ್ಧ ಹಿಂದಿ ರಿಯಾಲಿಟಿ ಶೋ ಬಿಗ್ಬಾಸ್ನ 14ನೇ ಆವೃತ್ತಿ ಅಕ್ಟೋಬರ್ 3ರಿಂದ ಆರಂಭವಾಗಲಿದೆ ಎಂದು ಘೋಷಣೆಯಾಗಿದೆ. ಈ ವಿಚಾರವನ್ನು ಕಲರ್ಸ್ ಟಿವಿ ಟ್ವಿಟರ್ ಹಾಗೂ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡಿದೆ.
2020ರ ಎಲ್ಲಾ ಸಮಸ್ಯೆಗಳನ್ನು ನಿವಾರಿಸಲು ಬಿಗ್ಬಾಸ್ ಬಂದಿದ್ದಾರೆ, ಅಕ್ಟೋಬರ್ 3ರಿಂದ ರಾತ್ರಿ 9 ಗಂಟೆಗೆ ಪ್ರಸಾರವಾಗಲಿದೆ ಎಂದು ಕಲರ್ಸ್ ಟಿವಿ ಪೋಸ್ಟ್ ಮಾಡಿದೆ.
- " class="align-text-top noRightClick twitterSection" data="
">
ಪೋಸ್ಟ್ನ ಜೊತೆಗೆ ವಿಡಿಯೋವನ್ನು ಕೂಡ ಹಂಚಿಕೊಳ್ಳಲಾಗಿದ್ದು, ಸಲ್ಮಾನ್ ಖಾನ್ 2010ರಿಂದ ನಾಲ್ಕನೇ ಬಾರಿಗೆ ಈ ರಿಯಾಲಿಟಿ ಶೋ ನಡೆಸಿಕೊಡಲಿದ್ದಾರೆ ಎಂದು ತಿಳಿದ ಬಂದಿದೆ.
ಬಿಗ್ಬಾಸ್ನ ಮೊದಲ ಪ್ರೋಮೋ ಹಿಂದಿನ ತಿಂಗಳು ಬಿಡುಗಡೆಯಾಗಿದ್ದು, ಸಲ್ಮಾನ್ ಖಾನ್ ಅವರ ಪಾನ್ವೆಲ್ ಫಾರ್ಮ್ ಹೌಸ್ನಲ್ಲಿ ಚಿತ್ರೀಕರಣಗೊಂಡಿತ್ತು. ಲಾಕ್ಡೌನ್ ವೇಳೆ ಈ ಪ್ರೋಮೋ ಚಿತ್ರೀಕರಣ ನಡೆದ ಕಾರಣದಿಂದ ಸಾಕಷ್ಟು ವಿವಾದಗಳಿಗೆ ಕಾರಣವಾಗಿತ್ತು.
ಹಿಂದಿನ ಬಿಗ್ಬಾಸ್ ರಿಯಾಲಿಟಿ ಶೋ 2019ರ ಸೆಪ್ಟೆಂಬರ್ನಿಂದ ಆರಂಭವಾಗಿ ಫೆಬ್ರವರಿ 2020ರವರೆಗೆ ಪ್ರಸಾರವಾಗಿತ್ತು. ಈ ಆವೃತ್ತಿಯಲ್ಲಿ ನಟ ಸಿದ್ಧಾರ್ಥ್ ಶುಕ್ಲಾ ಎಂಬುವರು ಜಯಗಳಿಸಿದ್ದರು.
