ಸೂಪರ್ ಹಿಟ್ 'ಪೆಟ್ಟಾ' ಚಿತ್ರದ ನಂತ್ರ ತಲೈವಾ ರಜನಿ ಕಾಂತ್ 'ದರ್ಬಾರ್' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ತಮಿಳು ಚಿತ್ರರಂಗದ ಸ್ಟಾರ್ ನಿರ್ದೇಶಕ ಎ.ಆರ್.ಮುರುಗದಾಸ್ ರಜನಿ ಹೊಸ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ.
ಮೊನ್ನೆಯಷ್ಟೆ 'ದರ್ಬಾರ್' ಟೈಟಲ್ ಹಾಗೂ ಫಸ್ಟ್ ಲುಕ್ಅನ್ನು ಚಿತ್ರತಂಡ ರಿಲೀಸ್ ಮಾಡಿದೆ. ಫುಲ್ ಆ್ಯಕ್ಷನ್ ಪ್ಯಾಕ್ಡ್ನ ಲುಕ್ ರಜನಿ ಫ್ಯಾನ್ಸ್ಗೆ ಕಿಕ್ ನೀಡಿದೆ. ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಮೆಚ್ಚುಗೆ ಪಡೆದು, ದರ್ಬಾರ್ ಮೇನಿಯಾ ಕ್ರಿಯೇಟ್ ಮಾಡಿದೆ. ಆದರೆ, ಕೆಲವು ನೆಟ್ಟಿಗರು ಮಾತ್ರ 'ದರ್ಬಾರ್' ಪೋಸ್ಟರ್ ಬಗ್ಗೆ ಟೀಕೆ ಮಾಡಿದ್ದಾರೆ. ದರ್ಬಾರ್ ಪೋಸ್ಟರ್ 'ಕಾಪಿ ಕಾಪಿ' ಎಂದು ಕಾಮೆಂಟ್ ಮಾಡಿದ್ದಾರೆ.
ನೆಟ್ಟಿಗರು ಹೇಳುವಂತೆ ಹಾಲಿವುಡ್ನ 'Killing Gunther' ಸಿನಿಮಾ ಪೋಸ್ಟರ್ ದರ್ಬಾರ್ ಚಿತ್ರತಂಡ ಕಾಪಿ ಮಾಡಿದೆ. ಈ ಲುಕ್ನಲ್ಲಿ ಸ್ವಲ್ಪವು ಸ್ವಂತಿಕೆ ಕಾಣುತ್ತಿಲ್ಲ ಎಂದು ಆರೋಪಿಸುತ್ತಿದ್ದಾರೆ. 'Killing Gunther' ಹಾಗೂ ದರ್ಬಾರ್ ಪೋಸ್ಟರ್ಗಳನ್ನು ಕಂಪೇರ್ ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಹರಿಬಿಡುತ್ತಿದ್ದಾರೆ.
ಇನ್ನು ದರ್ಬಾರ್ ಚಿತ್ರದಲ್ಲಿ ರಜನಿಕಾಂತ್ ಜತೆ ನಯನತಾರಾ ನಟಿಸುತ್ತಿದ್ದಾರೆ. ರಜನಿ ಮಗಳ ಪಾತ್ರದಲ್ಲಿ ನಿವೇದಿತಾ ಥಾಮಸ್ ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ.
