ಬೆಂಗಳೂರು: ಸೀಸನ್ 7ರ ಬಿಗ್ಬಾಸ್ ಕನ್ನಡ ಅಧಿಕೃತ ಇನ್ಸ್ಟಾಗ್ರಾಂ ಪೇಜ್(biggbosskannadaofficial7)ನಲ್ಲಿ ವಿಡಿಯೋವೊಂದು ಅಪ್ಲೋಡ್ ಆಗಿದ್ದು, ಸ್ಯಾಂಡಲ್ವುಡ್ ಹಿರಿಯ ನಟ ಜೈಜಗದೀಶ್ ಅವರು ಬಿಗ್ ಮನೆಯನ್ನು ಪ್ರವೇಶಿಸುವ ಸುಳಿವು ನೀಡಿದೆ.
ವಿಡಿಯೋದಲ್ಲಿ ಕುಟುಂಬದವರೆಲ್ಲರೂ ಜೈಗದೀಶ್ ಅವರನ್ನು ಬೀಳ್ಕೊಡುತ್ತಿದ್ದು, ಹಿನ್ನೆಲೆಯಲ್ಲಿ ಬಿಗ್ಬಾಸ್ ಥೀಮ್ ಸಾಂಗ್ ಕೇಳುತ್ತದೆ. ಇದರಿಂದ ಜೈ ಜಗದೀಶ್ ಬಿಗ್ಬಾಸ್ ಮನೆ ಪ್ರವೇಶಿಸಬಹುದೆಂಬ ಸುಳಿವು ದೊರೆತರೂ ಇಂದು ಸಂಜೆ ನಡೆಯುವ ಕಾರ್ಯಕ್ರಮದಲ್ಲೇ ಖಚಿತವಾಗಲಿದೆ. ಏಕೆಂದರೆ, ಯಾವುದೇ ಸಂದರ್ಭದಲ್ಲಿ ಬಿಗ್ಬಾಸ್ ಟ್ವಿಸ್ಟ್ ನೀಡುವ ಸಾಧ್ಯತೆಯೂ ಇದೆ.
- " class="align-text-top noRightClick twitterSection" data="
">
ಏನೇ ಸುಳಿವು ಸಿಕ್ಕರೂ ಬಿಗ್ಬಾಸ್ ಗ್ರ್ಯಾಂಡ್ ಓಪನಿಂಗ್ ವೇದಿಕೆಯಲ್ಲಿ ಬದಲಾಗುವ ಸಾಧ್ಯತೆಯಿದೆ. ಹೀಗಾಗಿ ಇಂದು ನಡೆಯುವ ಕಾರ್ಯಕ್ರಮದಲ್ಲೇ ಸ್ಪರ್ಧಿಗಳ ಅಧಿಕೃತ ಪಟ್ಟಿ ಹೊರಬೀಳಲಿದೆ.
ಕುರಿಪ್ರತಾಪ್ ಬಿಗ್ಬಾಸ್ ಎಂಟ್ರಿಯನ್ನ ಸ್ಪಷ್ಟಪಡಿಸಿದ ಕಲರ್ಸ್ ಕನ್ನಡ:
ಸಾಕಷ್ಟು ಕುತೂಹಲ ಮೂಡಿಸಿರುವ ಬಿಗ್ ಬಾಸ್ ಸೀಸನ್ ಸವೆನ್ ಸ್ಪರ್ಧಿಯಾಗಿ ಬಿಗ್ಬಾಸ್ ಮನೆಗೆ ಕಾಮಿಡಿಯನ್ ಕುರಿ ಪ್ರತಾಪ್ ಪ್ರವೇಶಿಸಿದ್ದಾರೆ. ಮೂಲತಃ ಮೈಸೂರಿನವರಾದ ಇವರು ನಟನೆಗಾಗಿ ಬೆಂಗಳೂರು ಪ್ರವೇಶಿಸಿದ್ದಾರೆ. ತುಂಬು ಕುಟುಂಬದಲ್ಲಿ ನೆಲೆಸಿ ಹಲವು ಸಿನಿಮಾ ಹಾಗೂ ಸೃಜನ್ ಲೋಕೇಶ್ ನಡೆಸಿಕೊಡುತ್ತಿದ್ದ ಮಜಾ ಟಾಕೀಸ್ನಲ್ಲಿ ಪ್ರಮುಖ ಪಾತ್ರಧಾರಿಯಾಗಿ ಎಲ್ಲರನ್ನು ಆಕರ್ಷಿಸಿದ್ದಾರೆ.
ಇದೀಗ ಬಿಗ್ ಬಾಸ್ ಮನೆಗೆ ಪ್ರವೇಶಿಸುವ ಮೂಲಕ ಅಲ್ಲೂ ಕೂಡ ಜನರನ್ನು ಕುರಿ ಮಾಡುತ್ತಾರಾ ಅಥವಾ ಅಭಿಮಾನಿಗಳನ್ನು ಪಡೆಯುವ ಮೂಲಕ ಎಷ್ಟು ದಿನ ಆ ಮನೆಯಲ್ಲಿರಲಿದ್ದಾರೆ ಎಂಬುದನ್ನು ಕಾದು ನೋಡಬೇಕಿದೆ. 17 ಮಂದಿ ಸ್ಪರ್ಧಿಗಳಲ್ಲಿ ಕುರಿ ಪ್ರತಾಪ್ ಹೋಗುತ್ತಿರುವುದನ್ನು ಕಲರ್ಸ್ ಕನ್ನಡ ವಾಹಿನಿ ಸ್ಪಷ್ಟಪಡಿಸಿದ್ದು, ಇವರ ಪ್ರೋಮೋ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.