ಆರ್ಯಾಂಬ ಆಗಿ ಹಿರಿತೆರೆಯಲ್ಲಿ ಮೋಡಿ ಮಾಡಲಿದ್ದಾರೆ ಬ್ರಹ್ಮಗಂಟುವಿನ ಪುಟ್ಟತ್ತೆ

ಕಿರುತೆರೆ ಲೋಕದಲ್ಲಿ ಮನೆ ಮಾತಾಗಿರುವ ಪ್ರಥಮಾ ಪ್ರಸಾದ್ ಅವರು, ಹಿರಿತೆರೆಯಲ್ಲಿ ಸೆಕೆಂಡ್ ಇನ್ನಿಂಗ್ಸ್ ಆರಂಭಿಸಿದ್ದಾರೆ. ಇದೀಗ ಇವರು ಆಚಾರ್ಯ ಶ್ರೀಶಂಕರ ಸಿನಿಮಾದಲ್ಲಿ ಶಂಕರಾಚಾರ್ಯರ ತಾಯಿ ಆರ್ಯಾಂಬಾ ಆಗಿ ನಟಿಸುತ್ತಿದ್ದಾರೆ.

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಬ್ರಹ್ಮಗಂಟು ಧಾರಾವಾಹಿಯಲ್ಲಿ ನಾಯಕ ಲಕ್ಕಿಯ ಸೋದರತ್ತೆ ಪುಟ್ಟತ್ತೆ ಆಗಿ ಅಭಿನಯಿಸಿ ಕಿರುತೆರೆ ಲೋಕದಲ್ಲಿ ಮನೆ ಮಾತಾಗಿರುವ ಪ್ರಥಮಾ ಪ್ರಸಾದ್ ಹಿರಿತೆರೆಯಲ್ಲಿ ಸೆಕೆಂಡ್ ಇನ್ನಿಂಗ್ಸ್ ಆರಂಭಿಸಿದ್ದಾರೆ. ಈ ಸಂತಸದ ವಿಚಾರವನ್ನು ಸ್ವತಃ ಪ್ರಥಮಾ ಪ್ರಸಾದ್ ಅವರೇ ಹಂಚಿಕೊಂಡಿದ್ದಾರೆ.

ರಾಜಾ ರವಿ ನಿರ್ದೇಶನದ ಆಚಾರ್ಯ ಶ್ರೀಶಂಕರ ಸಿನಿಮಾದಲ್ಲಿ ಶಂಕರಾಚಾರ್ಯರ ತಾಯಿ ಆರ್ಯಾಂಬಾ ಆಗಿ ಪ್ರಥಮಾ ಪ್ರಸಾದ್ ನಟಿಸುತ್ತಿದ್ದು, ತಮ್ಮ ಪಾತ್ರದ ಫೋಟೋವೊಂದನ್ನು ಇನ್ ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಪ್ರಥಮಾ ಪ್ರಸಾದ್, ಆರ್ಯಾಂಬಾ ಆಗಿ ಹಿರಿತೆರೆಯಲ್ಲಿ ಕಾಣಿಸಿಕೊಳ್ಳುತ್ತಿರುವುದು ನನ್ನ ಪಾಲಿಗೆ ಸೌಭಾಗ್ಯವೇ. ಜಿ.ವಿ.ಅಯ್ಯರ್ ಅವರ ಸಿನಿಮಾದಲ್ಲಿ ಎಲ್.ವಿ.ಶಾರದಾ ಅವರು ಆರ್ಯಾಂಬಾ ಆಗಿ ಅಭಿನಯಿಸಿದ್ದರು. ಇದೀಗ ಆ ಸುವರ್ಣಾವಕಾಶ ನನ್ನ ಪಾಲಾಗಿದೆ. ಇದು ನಿಜಕ್ಕೂ ತುಂಬಾ ಸವಾಲಿನ ಪಾತ್ರ ಎಂದು ಬರೆದುಕೊಂಡಿದ್ದಾರೆ.

https://www.instagram.com/p/CHwlOJOHD2J/?igshid=164ame9ydj5k2

ಅತೀ ಸಣ್ಣ ಪ್ರಾಯದಲ್ಲಿಯೇ ಗಂಡನನ್ನು ಕಳೆದುಕೊಳ್ಳುವ ಆರ್ಯಾಂಬಾ, ತನ್ನ ಮಗನನ್ನು ಯಾವ ರೀತಿ ಸಲಹುತ್ತಾಳೆ? ವಿಧವೆಯಾಗಿರುವ ಆಕೆಯ ಬಾಳಿನಲ್ಲಿ ಎದುರಾಗುವ ಕಷ್ಟಗಳು ಹೇಗೆ ನಿಭಾಯಿಸುತ್ತಾಳೆ ಎಂಬುದೆಲ್ಲಾ ಸಿನಿಮಾದಲ್ಲಿ ತೋರಿಸಲಾಗಿದೆ.

ಬೊಂಬೆಯಾಟವಯ್ಯಾ ಧಾರಾವಾಹಿಯ ಮೂಲಕ ಕಿರುತೆರೆಗೆ ಕಾಣಿಟ್ಟ ಪ್ರಥಮಾ ಪ್ರಸಾದ್, ದೇವಿ ಹಾಗೂ ಅಮ್ನೋರು ಧಾರಾವಾಹಿಯಲ್ಲಿ ದೇವಿಯಾಗಿ ಕಾಣಿಸಿಕೊಂಡಿದ್ದರು. ಬ್ರಹ್ಮಗಂಟು ವಿನ ಪುಟ್ಟತ್ತೆ ಆಗಿಯೂ ಮೋಡಿ ಮಾಡಿದ್ದ ಪ್ರಥಮಾ ಪ್ರಸಾದ್ ಈಗಾಗಲೇ ಹಿರಿತೆರೆಯಲ್ಲೂ ನಟಿಸಿರುವ ಪ್ರತಿಭೆ. ಎಂಎಂಸಿಹೆಚ್, ಲಕ್ಷ್ಮಿ ನಾರಾಯಣರ ಪ್ರಪಂಚಾನೇ ಬೇರೆ, ಚೌಕಾಬಾರ ಸಿನಿಮಾಗಳಲ್ಲಿ ನಟಿಸಿರುವ ಈಕೆ ಇದೀಗ ಆರ್ಯಾಂಬಾ ಆಗಿ ಮೋಡಿ ಮಾಡಲಿದ್ದಾರೆ.