ಚಿತ್ರರಂಗದಿಂದ ದೂರ ಉಳಿದಿದ್ದ ಗುರುರಾಜ್ ಜಗ್ಗೇಶ್ ಇದೀಗ ಡಾ. ವಿಷ್ಣುವರ್ಧನ್ ಅಭಿಮಾನಿಯಾಗಿ ಎರಡು ವರ್ಷಗಳ ಬಳಿಕ ಸ್ಯಾಂಡಲ್ವುಡ್ಗೆ ಕಮ್ ಬ್ಯಾಕ್ ಮಾಡ್ತಿದ್ದಾರೆ.
ಲಕ್ಕಿ ದಿನೇಶ್‌ ನಿರ್ದೇಶನ ಮಾಡುತ್ತಿರುವ ಈ ಸಿನಿಮಾದ ಹೆಸರೇ 'ವಿಷ್ಣು ಸರ್ಕಲ್'. ಬಹುತೇಕ ಶೂಟಿಂಗ್ ಮುಗಿಸಿರೋ 'ವಿಷ್ಣು ಸರ್ಕಲ್' ಚಿತ್ರದ ಧ್ವನಿ ಸುರಳಿ ಬಿಡುಗಡೆಯಾಗಿದೆ. ಮಗನ ಚಿತ್ರದ ಆಡಿಯೋವನ್ನ ಜಗ್ಗೇಶ್ ಹಾಗೂ ಪತ್ನಿ ಪರಿಮಳ ಜಗ್ಗೇಶ್ ಸೇರಿದಂತೆ ಇಡೀ ವಿಷ್ಣು ಸರ್ಕಲ್ ಚಿತ್ರತಂಡ ಸಮ್ಮುಖದಲ್ಲಿ ಲಾಂಚ್ ಮಾಡಲಾಯಿತು.
ಈ ಸಿನಿಮಾದಲ್ಲಿ ಗುರುರಾಜ್ ಜಗ್ಗೇಶ್, ವಿಷ್ಣುವರ್ಧನ್ ಅಭಿಮಾನಿಯ ಪಾತ್ರವನ್ನು ನಿರ್ವಹಿಸುತ್ತಿದ್ದು, ವಿಷ್ಣುವರ್ಧನ್ ಹೆಸರಲ್ಲಿ ಸಿನಿಮಾ ಮಾಡಿರುವ ಬಗ್ಗೆ ನಟ ಜಗ್ಗೇಶ್ ಚಿತ್ರತಂಡಕ್ಕೆ ಅಭಿನಂದನೆ ತಿಳಿಸಿದ್ದಾರೆ. ಜಗ್ಗೇಶ್ ಮಗನನ್ನ ಸಿನಿಮಾದಲ್ಲಿ ಸಕ್ಸಸ್ ಮಾಡಿಸೋಕೆ ಆಗಿಲ್ಲ ಎಂಬ ಮಾತುಗಳು ಪರಿಮಳ ಜಗ್ಗೇಶ್ಗೆ ಕೇಳಿ ಬರುವ ಮಾತಂತೆ. ಇದಕ್ಕೆ ಅವರು ನನ್ನ ಮಗ ಸಿನಿಮಾಗಿಂತ ಹೆಚ್ಚಾಗಿ ಜೀವನದಲ್ಲಿ ಸಕ್ಸಸ್ ಆಗಿದ್ದಾನೆ ಎಂದು ಗುರುರಾಜ್ ಬಗ್ಗೆ ಹೇಳಿಕೊಂಡಿದ್ದಾರೆ.
'ವಿಷ್ಣು ಸರ್ಕಲ್' ತ್ರಿಕೋನ ಪ್ರೇಮಕಥೆಯಾಧಾರಿತ ಚಿತ್ರವಾಗಿದ್ದು, ಸಂಹಿತಾ ವಿನ್ಯಾ, ಡಾ. ಜ್ಯೋತಿ ಜಾನ್ಹವಿ, ದಿವ್ಯ ಗೌಡ ಸೇರಿ ಮೂವರು ನಾಯಕಿಯರಿದ್ದಾರೆ. ಜೊತೆಗೆ ಅರುಣಾ ಬಾಲರಾಜ್‌, ದತ್ತಣ್ಣ, ಸುಚಿತ್ರಾ, ಹನುಮಂತೇಗೌಡ ಸೇರಿದಂತೆ ಅನೇಕ ಕಲಾವಿದರು ನಟಿಸಿದ್ದಾರೆ. ಆರ್.ಬಿ. ಎಂಬುವರು ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಶ್ರೀವತ್ಸ ಅವರ ಸಂಗೀತ ನಿರ್ದೇಶನ ಹಾಗೂ ಪ್ರದೀಪ್‌ ವರ್ಮಾ ಎಸ್‌. ಅವರ ಹಿನ್ನೆಲೆ ಸಂಗೀತ ಹಾಗೂ ಪಿ.ಎಲ್‌. ರವಿ ಅವರ ಛಾಯಾಗ್ರಹಣವಿದೆ.
