ರುಚಿಯಾದ ತಿಂಡಿತಿನಿಸುಗಳನ್ನು ತಯಾರಿಸುವ 'ಒಗಾರ' ಸಂಸ್ಥೆಗೆ ರಾಯಭಾರಿಯಾಗಿ ಹಿರಿಯ ನಟ ಅನಂತ್ ನಾಗ್ ಆಯ್ಕೆಯಾಗಿದ್ದಾರೆ. ಈ ಆಹಾರ ಸಂಸ್ಥೆಯ ರಘುನಾಥ್ ಅವರ ಆಹ್ವಾನವನ್ನು ಮನ್ನಿಸಿ ಈ ಉತ್ಪನ್ನದ ರಾಯಭಾರಿಯಾಗಿದ್ದಾರೆ.
ಆಕ್ಸಿಡೆಂಟ್, ಜಿಗರ್ ತಂಡ, ಹೆಬ್ಬುಲಿ ಚಿತ್ರಗಳ ನಿರ್ಮಾಪಕ ರಘುನಾಥ್ ಈ ಆಹಾರ ಉತ್ಪನ್ನಗಳ ಸಂಸ್ಥೆಯನ್ನು ಆರಂಭಿಸಿದ್ದಾರೆ. ಇಂದು ಅನಂತ್ ನಾಗ್ ಅವರ ಹುಟ್ಟುಹಬ್ಬವಾಗಿದ್ದು ಇಂದು ಸಂಜೆ ನಡೆಯಲಿರುವ ಸಮಾರಂಭದಲ್ಲಿ 'ಒಗಾರ' ಸಂಸ್ಥೆಯ ಕೆಲವು ಹೊಸ ಉತ್ಪನ್ನಗಳಿಗೆ ಚಾಲನೆ ನೀಡಲಿದ್ದಾರೆ. ಎಸ್ಆರ್ವಿ ಸಭಾಂಗಣದಲ್ಲಿ ಇಂದು ಸಂಜೆ ನಡೆಯಲಿರುವ ಸಮಾರಂಭದಲ್ಲಿ ಪತ್ನಿ ಅನಂತ್ ನಾಗ್ ಹುಟ್ಟುಹಬ್ಬವನ್ನು ಕೂಡಾ ಸಂಸ್ಥೆ ಆಚರಿಸಲಿದೆ. ಇವರೊಂದಿಗೆ ಪತ್ನಿ ಗಾಯತ್ರಿ ಕೂಡಾ ಇರಲಿದ್ದಾರೆ. ಜೊತೆಗೆ 'ಒಗಾರ' ಮಾಲೀಕ ರಘುನಾಥ್ ಹಾಗೂ ಪತ್ನಿ ವಾಣಿ ಹಾಜರಿರಲಿದ್ದಾರೆ.
ಈ ಮುನ್ನ ಅನಂತ್ ನಾಗ್ ಎರಡು ಕಂಪನಿಗಳಿಗೆ ರಾಯಭಾರಿ ಆಗಿದ್ದರು. ಆದರೆ ಕೆಲವು ದಿನಗಳ ನಂತರ ಆ ಕೆಲಸದಿಂದ ಹಿಂದೆ ಸರಿದಿದ್ದರು. ಅನಂತ್ ನಾಗ್ ಸದ್ಯಕ್ಕೆ ದ್ವಾರಕೀಶ್ ಅವರ ‘ಆಯುಶ್ಮಾನ್ ಭವ’ ಶಿವರಾಜ್ ಕುಮಾರ್ ಜೊತೆ ’ಮೇಡ್ ಇನ್ ಬೆಂಗಳೂರು’, ’ಗಾಳಿಪಟ 2’, ’ರುದ್ರ ಪ್ರಯಾಗ’, ’ಕೆಜಿಎಫ್ ಚಾಪ್ಟರ್ 2’, ’ಇಂಡಿಯಾ ವರ್ಸಸ್ ಇಂಗ್ಲೆಂಡ್’ ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ.
