ಲೋಕಸಭೆ ಚುನಾವಣೆಯಲ್ಲಿ ಬ್ಯುಸಿಯಾಗಿದ್ದ ಸ್ಯಾಂಡಲ್ವುಡ್ ನಟ ಉಪೇಂದ್ರ ಇದೀಗ ಮತ್ತೆ ಚಿತ್ರರಂಗದತ್ತ ಹೊರಳಿದ್ದಾರೆ.
ರಿಯಲ್ ಸ್ಟಾರ್ ಉಪೇಂದ್ರ ಅಭಿನಯದ 'ಐ ಲವ್ ಯೂ' ಚಿತ್ರ ಜೂನ್ 14ಕ್ಕೆ ರಿಲೀಸ್ ಆಗ್ತಿದೆ. ಇದೀಗ ಮತ್ತೊಂದು ಚಿತ್ರಕ್ಕೆ ಉಪ್ಪಿ ರೆಡಿಯಾಗ್ತಿದ್ದಾರೆ. ಕ್ರಿಸ್ಟಲ್ ಪಾರ್ಕ್ ಸಿನಿಮಾಸ್ ಬ್ಯಾನರ್ಡಿ ಟಿ.ಆರ್.ಚಂದ್ರಶೇಖರ್ ನಿರ್ಮಾಣದ ಈ ಹೊಸ ಚಿತ್ರದಲ್ಲಿ ಉಪೇಂದ್ರ ದ್ವಿಪಾತ್ರದಲ್ಲಿ ಅಭಿನಯಿಸಲಿದ್ದಾರೆ. ಅವರು ಒಂದು ಪಾತ್ರದಲ್ಲಿ ತತ್ವಜ್ಞಾನಿಯಾಗಿ ಕಾಣಿಸಲಿದ್ದು, ಮತ್ತೊಂದು ಪಾತ್ರವನ್ನು ಇನ್ನೂ ರಿವೀಲ್ ಮಾಡಿಲ್ಲ. ಹೊಸಬ ಡಿ.ಎನ್.ಮೌರ್ಯ ನಿರ್ದೇಶನದ ಈ ಚಿತ್ರ ಇದೇ 24ರಂದು ಸೆಟ್ಟೇರಲಿದೆ.
ಈ ಸಿನಿಮಾಗೆ ಇನ್ನೂ ಹೆಸರಡಿದ ಚಿತ್ರತಂಡ ಪ್ರೇಕ್ಷಕರ ಮಿದುಳಿಗೆ ಕೆಲಸ ಕೊಟ್ಟಿದೆ. ಉಪೇಂದ್ರ ಅವರ ಮುಖ ಒಳಗೊಂಡ ಪ್ರಶ್ನಾರ್ಥಕ ಚಿಹ್ನೆ ರೀತಿಯಲ್ಲಿರುವ ಫಸ್ಟ್ ಲುಕ್ ರಿಲೀಸ್ ಮಾಡಿದ್ದು, ಈ ಚಿತ್ರದ ಟೈಟಲ್ ಏನಾಗಬಹುದು ಎಂದು ಊಹಿಸಿ ಎಂದು ಹೇಳಿದೆ.
ಈ ಚಿತ್ರಕ್ಕೆ ಮೊದಲು 'ಪಿತಾಮಹ' ಎಂದು ಹೆಸರಿಡಲು ಚಿತ್ರತಂಡ ಡಿಸೈಡ್ ಮಾಡಿತ್ತು. ಅದ್ರೆ ಈಗ ಚಿತ್ರತಂಡ 'ಬುದ್ಧಿವಂತ 2' ಶೀರ್ಷಿಕೆ ಫೈನಲ್ ಮಾಡುವ ಸಾಧ್ಯತೆಗಳಿವೆಯಂತೆ. ಈ ಚಿತ್ರದಲ್ಲಿ ಖಳನಾಯಕನಾಗಿ ಡೆಡ್ಲಿ ಸೋಮ ನಟಿಸುತ್ತಿರುವುದು ಮತ್ತೊಂದು ವಿಶೇಷ. ಈ ಚಿತ್ರಕ್ಕೆ ಗುರುಕಿರಣ್ ಸಂಗೀತ ನೀಡಲಿದ್ದಾರೆ.
