ಐಪಿಎಲ್ 13ನೇ ಆವೃತ್ತಿ ಶುರುವಾಗಿದೆ. 53 ದಿನಗಳ ಕಾಲ ಫ್ಯಾಮಿಲಿ ಜೊತೆ ಎಂಜಾಯ್ ಮಾಡುವ ಟೈಮ್ ಬಂದಿದೆ. ಅಬುಧಾಬಿಯ ಶೇಖ್ ಜಾಯೇದ್ ಸ್ಟೇಡಿಯಂನಲ್ಲಿ ನಡೆಯುವ ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಎದುರಾಗಲಿವೆ.
ಈ ಕೊರೊನಾದಿಂದಾಗಿ ಸ್ಟೇಡಿಯಂನಲ್ಲಿ ಜನರಿಲ್ಲದೆ, ಬರೀ ಕ್ರಿಕೆಟ್ ಆಟಗಾರರು ಮಾತ್ರ ಮುಂಜಾಗ್ರತೆಯಿಂದ ಆಟವಾಡಬೇಕಿದೆ. ಹೀಗಾಗಿ ಅಭಿಮಾನಿಗಳು ಇಲ್ಲದ ಸ್ಟೇಡಿಯಂನಲ್ಲಿ ಮತ್ತಷ್ಟು ಕಿಕ್ ಕೊಡಲು, ಸ್ಯಾಂಡಲ್ ವುಡ್ನ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಬರ್ತಾ ಇದ್ದಾರೆ.
ಐಪಿಎಲ್ಗೆ ಕನ್ನಡ ಕಾಮೆಂಟರಿ ಮಾಡಲಿರುವ 'ಹೆಬ್ಬುಲಿ'
ಈ ಕ್ರಿಕೆಟ್ ಪಂದ್ಯಾವಳಿಯ ಕನ್ನಡ ಲೈವ್ ಕಾರ್ಯಕ್ರಮದಲ್ಲಿ ಕಿಚ್ಚ ಸುದೀಪ್ ಬಂದು ಕ್ರಿಕೆಟ್ ಕಾಮೆಂಟರಿ ಜೊತೆಗೆ ತಮ್ಮ ಕ್ರಿಕೆಟ್ ಅನುಭವವನ್ನ ಹಂಚಿಕೊಳ್ಳಲಿದ್ದಾರಂತೆ. ಈ ಮಾತನ್ನ ಸ್ವತಃ ಕಿಚ್ಚ ಸುದೀಪ್ ಹೇಳಿದ್ದು ಇಂದು ನಡೆಯುವ ಕ್ರಿಕೆಟ್ ಮ್ಯಾಚ್ನಲ್ಲಿ ಹೆಬ್ಬುಲಿಯ ಉಪಸ್ಥಿತಿ ಮತ್ತಷ್ಟು ಕಿಕ್ ಕೊಡಲಿದೆ.
