ಜನಪ್ರಿಯ ಆಗುತ್ತಿವೆ ಡಾ. ರಾಜ್​ ಫೋಟೋಗಳಿರುವ ಅಂಗಿ... ಧೀರೆನ್ ಧರಿಸಿದ್ರು ಅಣ್ಣಾವ್ರ ಶರ್ಟ್

ಮೆಚ್ಚಿನ ನಟರ ಹೆಸರು, ಸಿನಿಮಾ ಹೆಸರನ್ನು ಟ್ಯಾಟೂ ಹಾಕಿಸಿಕೊಳ್ಳುವುದು ಸಾಮಾನ್ಯ. ಆದರೆ, ಇದೀಗ ಡಾ. ರಾಜ್​​​ಕುಮಾರ್ ಫೋಟೋಗಳಿರುವ ಶರ್ಟ್ ಜನಪ್ರಿಯವಾಗುತ್ತಿದೆ. ಸ್ವತ: ಡಾ. ರಾಜ್ ಮೊಮ್ಮಗ ಧೀರೆನ್ ರಾಮ್​​ಕುಮಾರ್ ಈ ಶರ್ಟ್ ಧರಿಸಿ ಪೋಸ್ ನೀಡಿದ್ದಾರೆ.

ನಟಸಾರ್ವಭೌಮ ಡಾ. ರಾಜ್​​​​ಕುಮಾರ್, ಅಭಿಮಾನಿಗಳನ್ನು ದೇವರು ಎಂದು ಕರೆದಿದ್ದರು. ಈ ಮೇರು ವ್ಯಕ್ತಿಯ ಫೋಟೋಗಳಿರುವ ಶರ್ಟ್ ಇದೀಗ ಜನಪ್ರಿಯ ಆಗುತ್ತಿದೆ. ಸ್ವತ: ಧೀರೆನ್ ರಾಮ್​​ಕುಮಾರ್ ಈ ಶರ್ಟ್ ತೊಟ್ಟು ಪೋಸ್ ನೀಡಿರುವುದು ಗಮನ ಸೆಳೆಯುತ್ತಿದೆ.

ಧೀರೆನ್ ರಾಮ್​​​ಕುಮಾರ್

ಈಗಾಗಲೇ ಅಭಿಮಾನಿಗಳು ಕೂಡಾ ಈ ಶರ್ಟ್​ಗಳನ್ನು ಖರೀದಿಸುವ ಮೂಲಕ ಮಹಾನ್ ನಟನ ಮೇಲೆ ತಮಗೆಷ್ಟು ಗೌರವ ಹಾಗೂ ಪ್ರೀತಿ ಇದೆ ಎಂಬುದನ್ನು ತೋರಿಸುತ್ತಿದ್ದಾರೆ. ಅಭಿಮಾನಕ್ಕಾಗಿ ಮೈ ಮೇಲೆ ಹಚ್ಚೆ ಹಾಕಿಸಿಕೊಳ್ಳುವುದು, ಸಿನಿಮಾ ಹೆಸರುಗಳನ್ನು ಬರೆಸಿಕೊಳ್ಳುವುದು ಹಾಗೂ ಇನ್ನೂ ಅನೇಕ ರೀತಿಯ ಅಭಿಮಾನವನ್ನು ಕಂಡಿದ್ದೇವೆ. ಆದರೆ ಇದೇ ಮೊದಲ ಬಾರಿಗೆ ಅಣ್ಣಾವ್ರ ಫೋಟೊ ಇರುವ ಶರ್ಟ್ ಹೊರಬಂದಿದೆ.

ನಟಸಾರ್ವಭೌಮ ಡಾ. ರಾಜ್​​ಕುಮಾರ್

ಈ ಶರ್ಟ್​ನಲ್ಲಿ ಡಾ. ರಾಜ್​​​​​ ಅಭಿನಯದ ಆಪರೇಷನ್ ಡೈಮಂಡ್ ರಾಕೆಟ್, ಕಸ್ತೂರಿ ನಿವಾಸ, ಮೇಯರ್ ಮುತ್ತಣ್ಣ ಚಿತ್ರಗಳ ಫೋಟೊಗಳನ್ನು ಬಳಸಿಕೊಳ್ಳಲಾಗಿದೆ. ಧೀರೆನ್ ಹಿಂದೊಮ್ಮೆ ಅಮಿತಾಬ್ ಬಚ್ಚನ್ ಫೋಟೊಗಳಿರುವ ಶರ್ಟ್​ಗಳನ್ನು ನೋಡಿದ್ದರಂತೆ. ಆದ್ದರಿಂದ ತಮ್ಮ ತಾತನ ಫೋಟೊಗಳಿರುವ ಶರ್ಟ್​​ ಅವರು ಹೊರತಂದಿದ್ದಾರೆ. ಧೀರೆನ್ ಇದೀಗ ‘ದಾರಿ ತಪ್ಪಿದ ಮಗ’ ಚಿತ್ರದ ಮೂಲಕ ಸ್ಯಾಂಡಲ್​​ವುಡ್​​​ಗೆ ಕಾಲಿಟ್ಟಿದ್ದಾರೆ.

'ದಾರಿ ತಪ್ಪಿದ ಮಗ' ಚಿತ್ರದ ದೃಶ್ಯ