ಸಿನಿಮಾ ರಂಗದಲ್ಲಿ ಸಕ್ರೀಯರಾಗಿ ತೊಡಗಿಸಿಕೊಂಡಿರುವ ಶಾರುಖ್ ಖಾನ್, ಕ್ರಿಕೆಟ್ ತಂಡಗಳನ್ನು ಮುನ್ನಡೆಸುವ ಹಾಗೂ ಮಾಲೀಕತ್ವ ವಹಿಸುವುದರಲ್ಲೂ ಹೆಸರು ಮಾಡಿದ್ದಾರೆ. ಭಾರತದಲ್ಲಿ ನಡೆಯುವ ಇಂಡಿಯನ್ ಪ್ರೀಮಿಯರ್ ಲೀಗ್(ಐಪಿಎಲ್)ನಲ್ಲಿ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡದ ಮಾಲೀಕತ್ವವನ್ನು ಅವರು ವಹಿಸಿಕೊಂಡಿದ್ದು, ಇದೀಗ ವಿದೇಶದ ಮತ್ತೊಂಡು ಕ್ರಿಕೆಟ್ ತಂಡವನ್ನು ಕೊಂಡುಕೊಂಡಿದ್ದಾರೆ.
ಐಪಿಎಲ್ ನಡೆಯುವ ರೀತಿಯಲ್ಲಿ ಅಮೆರಿಕಾದಲ್ಲೂ ಕ್ರಿಕೆಟ್ ಲೀಗ್ ನಡೆಯಲಿದೆ. ಈ ಲೀಗ್ನಲ್ಲಿ ಆಟವಾಡಲು ಲಾಸ್ ಏಂಜಲೀಸ್ ನೈಟ್ ರೈಡರ್ಸ್ ಎಂಬ ತಂಡವನ್ನು ಶಾರುಖ್ ಖರೀದಿಸಿದ್ದಾರೆ. ಅಮೆರಿಕಾದಲ್ಲಿ ನಡೆಯುವ ಟೂರ್ನಿಯಲ್ಲಿ ನ್ಯೂಯಾರ್ಕ್, ಸ್ಯಾನ್ ಫ್ರಾನ್ಸಿಸ್ಕೊ, ವಾಷಿಂಗ್ಟನ್ ಡಿಸಿ, ಡಲ್ಲಾಸ್, ಚಿಕಾಗೊ ಮತ್ತು ಲಾಸ್ ಏಂಜಲೀಸ್ ಎಂಬ ಆರು ತಂಡಗಳು ಭಾಗಿಯಾಗಲಿವೆಯಂತೆ.
ಇಷ್ಟೇ ಅಲ್ಲದೆ ನಟ ಶಾರುಖ್ ಖಾನ್, ವೆಸ್ಟ್ ಇಂಡಿಸ್‌ನಲ್ಲಿ ಕೆರಿಬಿಯನ್ ಲೀಗ್ ನಡೆಯುತ್ತದೆ. ಈ ಲೀಗ್‌ನಲ್ಲೂ ಶಾರೂಖ್ ಒಂದು ತಂಡದ ಮಾಲೀಕರಾಗಿದ್ದಾರೆ.
