ಶಿವರಾಜ್ಕುಮಾರ್ ಅಭಿನಯದ 'ರುಸ್ತುಂ' ಸಿನಿಮಾ ಇಂದು ರಾಜ್ಯಾದ್ಯಂತ ಬಿಡುಗಡೆಯಾಗಿದೆ. ಸಾಹಸ ನಿರ್ದೇಶಕ ರವಿವರ್ಮ ಮೊದಲ ಬಾರಿಗೆ ಸಿನಿಮಾವನ್ನು ನಿರ್ದೇಶಿಸುವ ಮೂಲಕ ಸ್ಯಾಂಡಲ್ವುಡ್ಗೆ ಮತ್ತೊಬ್ಬ ಭರವಸೆ ನಿರ್ದೇಶಕನ ಸ್ಥಾನ ಅಲಂಕರಿಸಿದ್ದಾರೆ.
ಸಿನಿಮಾ ನೋಡಿದ ಸಿನಿಪ್ರಿಯರು ಸಲಾಂ ಹೊಡೆದಿದ್ದಾರೆ. ಬೆಂಗಳೂರಿನ ಬಹುತೇಕ ಥಿಯೇಟರ್ಗಳ ಮುಂದೆ ಶಿವಣ್ಣನ ಕಟೌಟ್ಗೆ ಹಾಲಿನ ಅಭಿಷೇಕ ಮಾಡುವ ಮೂಲಕ ಅಭಿಮಾನಿಗಳು 'ರುಸ್ತುಂ' ಚಿತ್ರಕ್ಕೆ ಸ್ವಾಗತ ಕೋರಿದ್ದಾರೆ. ಥಿಯೇಟರ್ ಒಳಗೆ ಕೇಕ್ ಕಟ್ ಮಾಡಿ ತಿಂದು ಸಂಭ್ರಮಪಟ್ಟಿದ್ದಾರೆ. ತೆರೆ ಮೇಲೆ ಶಿವಣ್ಣನ ಎನರ್ಜಿ ಕಂಡು ಶಿಳ್ಳೆ ಹೊಡೆದು ಹರ್ಷ ವ್ಯಕ್ತಪಡಿಸಿದ್ದಾರೆ.
ಅಭಿಮಾನಿಗಳ ಜೊತೆ ಥಿಯೇಟರ್ನಲ್ಲಿ ಸಿನಿಮಾ ನೋಡಿದ ನಿರ್ದೇಶಕ ರವಿವರ್ಮ ಚಿತ್ರಕ್ಕೆ ಸಿಕ್ಕಿರುವ ರೆಸ್ಪಾನ್ಸ್ಗೆ ಪುಲ್ ಖುಷ್ ಆಗಿದ್ರು. 'ನಾನು ಎಕ್ಸಾಂ ಕಟ್ಟಿ ರ್ಯಾಂಕ್ ಪಡೆದು ಪಾಸಾಗಿರುವಷ್ಟು ಖುಷಿಯಾಗುತ್ತಿದೆ. ಇದೇ ಪ್ರೋತ್ಸಾಹ ನನ್ನ ಮೇಲಿದ್ದರೆ ಇನ್ನೂ ಉತ್ತಮ ಚಿತ್ರಗಳನ್ನು ಮಾಡುತ್ತೇನೆ ಎಂದು ಭರವಸೆ ನೀಡಿದರು. ಇನ್ನು ಶಿವರಾಜ್ಕುಮಾರ್ ಮೈಸೂರಿನಲ್ಲಿ ಫ್ಯಾಮಿಲಿ ಫಂಕ್ಷನ್ನಲ್ಲಿ ಇದ್ದ ಕಾರಣ ಇಂದು ಥಿಯೇಟರ್ಗೆ ಭೇಟಿ ನೀಡಿರಲಿಲ್ಲ.
