ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ ಸಿನಿಮಾ 'ಪುಷ್ಪ 2: ದಿ ರೂಲ್' ಅಭಿಮಾನಿ ಬಳಗದಲ್ಲಿ ಸಾಕಷ್ಟು ಸದ್ದು ಮಾಡುತ್ತಿದೆ. ನಿನ್ನೆಯಷ್ಟೇ ಟ್ರೇಲರ್ ಅನಾವರಣಗೊಂಡಿದ್ದು, ಸಿನಿಮಾ ನೋಡುವ ಪ್ರೇಕ್ಷಕರ ಕುತೂಹಲ, ನಿರೀಕ್ಷೆಗಳನ್ನು ದುಪ್ಪಟ್ಟುಗೊಳಿಸಿದೆ. ರಾಷ್ಟ್ರಪ್ರಶಸ್ತಿ ವಿಜೇತ ನಟ ಅಲ್ಲು ಅರ್ಜುನ್, ಕನ್ನಡತಿ ರಶ್ಮಿಕಾ ಮಂದಣ್ಣ ಮತ್ತು ದಕ್ಷಿಣದ ಬಹುಬೇಡಿಕೆ ನಟ ಫಹಾದ್ ಫಾಸಿಲ್ ಅವರ ಅಮೋಘ ಅಭಿನಯವನ್ನು ಸವಿಯಲು ಸಿನಿಪ್ರಿಯರು ಸಜ್ಜಾಗಿದ್ದಾರೆ. ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ರಶ್ಮಿಕಾ ಮಂದಣ್ಣ ಅವರ 'ಪತ್ನಿ ಪಾತ್ರ'ದ ಕುರಿತು ಚರ್ಚೆಯಾಗುತ್ತಿದೆ.
ಪುಷ್ಪ: ದಿ ರೈಸ್ ಚಿತ್ರ 2021ರ ಡಿಸೆಂಬರ್ 17ರಂದು ತೆರೆಕಂಡು ಅಭೂತಪೂರ್ವ ಯಶ ಕಂಡಿತ್ತು. ಸೂಪರ್ ಹಿಟ್ ಸಿನಿಮಾದಲ್ಲಿನ ಅಲ್ಲು ಅರ್ಜುನ್ ಅವರ ಅಮೋಘ ಅಭಿನಯಕ್ಕೆ ಪ್ರತಿಷ್ಠಿತ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಕೂಡಾ ದಕ್ಕಿತ್ತು. ಅಲ್ಲು ಅರ್ಜುನ್ ಜೋಡಿಯಾಗಿ ಕಿರಿಕ್ ಪಾರ್ಟಿ ಮೂಲಕ ಸಿನಿವೃತ್ತಿಜೀವನ ಆರಂಭಿಸಿ ಸದ್ಯ ಬಹುಭಾಷೆಯ ಬಹುಬೇಡಿಕೆ ನಟಿಯಾಗಿರುವ ರಶ್ಮಿಕಾ ಮಂದಣ್ಣ ಅವರು ನಟಿಸಿದ್ದರು. ಸದ್ಯ ಬಿಡುಗಡೆ ಹೊಸ್ತಿಲಿನಲ್ಲಿರುವ ಪುಷ್ಪ: ದಿ ರೂಲ್ನಲ್ಲಿಯೂ ಶ್ರೀವಲ್ಲಿಯಾಗಿ ಮುಂದುವರಿಯಲಿದ್ದಾರೆ. ಅಲ್ಲು ಅರ್ಜುನ್ ಪತ್ನಿ ಪಾತ್ರವನ್ನು ಹೇಗೆ ನಿಭಾಯಿಸಬಹುದೆಂಬ ಕುತೂಹಲ ಪ್ರೇಕ್ಷಕರಲ್ಲಿದೆ.
ಕೆಲ ಪೋಸ್ಟ್, ಮೀಮ್ಸ್ ಸಿಕ್ಕಾಪಟ್ಟೆ ವೈರಲ್: ಅದರಲ್ಲೂ ನಿನ್ನೆಯಷ್ಟೇ ಬಿಡುಗಡೆ ಆಗಿರುವ ಟ್ರೇಲರ್ನ ಕೆಲ ದೃಶ್ಯಗಳು ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ ಹುಟ್ಟುಹಾಕಿದೆ. ಕೆಲ ಪೋಸ್ಟ್, ಮೀಮ್ಸ್ ಸಿಕ್ಕಾಪಟ್ಟೆ ವೈರಲ್ ಆಗಿವೆ. ಪತ್ನಿ ಪಾತ್ರದಲ್ಲಿ ರಶ್ಮಿಕಾ ಅವರ ಅಭಿನಯ ಕುರಿತು ಸೋಷಿಯಲ್ ಮೀಡಿಯಾ ಬಳಕೆದಾರರು ತಮ್ಮ ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದಾರೆ.
ಸೋಷಿಯಲ್ ಮೀಡಿಯಾ ಪ್ಲ್ಯಾಟ್ಫಾರ್ಮ್ ರೆಡ್ಡಿಟ್ನಲ್ಲಿ ಆನ್ಸ್ಕ್ರೀನ್ನಲ್ಲಿ ಪತ್ನಿಯಾಗಿ ರಶ್ಮಿಕಾರ ಬದುಕು ಹೇಗಿದೆ ಎಂದು ಬಳಕೆದಾರರು ಚರ್ಚಿಸುತ್ತಿದ್ದಾರೆ. ಒಂದೆಡೆ ಪುಷ್ಪ ಸಿನಿಮಾ ಸೀನ್ ಇದ್ದರೆ, ಮತ್ತೊಂದೆಡೆ ಅನಿಮಲ್ ಚಿತ್ರದ ಕ್ಷಣಗಳಿವೆ. ಸಮಾಜದಲ್ಲಿ ಡೇರ್ ಪಾತ್ರ ನಿರ್ವಹಿಸುವ ಮಾಸ್, ಆ್ಯಕ್ಷನ್ ಸ್ಟಾರ್ಗಳಾದ ರಣ್ಬೀರ್ ಕಪೂರ್, ಅಲ್ಲು ಅರ್ಜುನ್ ಪತ್ನಿಯೆದುರು ತಲೆಬಾಗುವ ಸೀನ್ ಅನ್ನು ಹೈಲೆಟ್ ಮಾಡಿದ್ದಾರೆ. ಎರಡರಲ್ಲೂ, ರಶ್ಮಿಕಾ ಅವರ ಕಾಲನ್ನು ಈ ಸೂಪರ್ ಸ್ಟಾರ್ಸ್ ಹಿಡಿದಿದ್ದಾರೆ. "ರಶ್ಮಿಕಾ ಇಬ್ಬರು ಶ್ರೇಷ್ಠ ನಟರನ್ನು ತಲೆಬಾಗುವಂತೆ ಮಾಡಿ, ತಮ್ಮ ಪಾದ ಹಿಡಿಯುವಂತೆ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ" ಎಂದು ಸಾಮಾಜಿಕ ಜಾಲತಾಣ ಬಳಕೆದಾರರೋರ್ವರು ತಿಳಿಸಿದ್ದಾರೆ.
ಇದನ್ನೂ ಓದಿ: ಪುತ್ರನಿಗೆ 'ಬೇಬಿ ರೆಬೆಲ್' ಎಂದ ಅಭಿಷೇಕ್: ಅಂಬರೀಶ್ ಫೋಟೋವುಳ್ಳ ಪೋಸ್ಟ್ ಕಂಡು ಫ್ಯಾನ್ಸ್ ಖುಷ್
ರಶ್ಮಿಕಾ ಬಹಳ ಅದೃಷ್ಟವಂತರು. ಅತಿ ಕಡಿಮೆ ಅವಧಿಯಲ್ಲಿ ಸೂಪರ್ ಸ್ಟಾರ್ಗಳೊಂದಿಗೆ ನಟಿಸುವ ಅವಕಾಶ ಪಡೆದಿದ್ದಾರೆ ಎಂದು ಓರ್ವರು ತಿಳಿಸಿದ್ದಾರೆ. ಉಳಿದಂತೆ ಸೆಲ್ಫ್ ಮೇಡ್ ಸ್ಟಾರ್, ಉತ್ತಮ ಅವಕಾಶ ಪಡೆಯುತ್ತಿದ್ದಾರೆ, ಅವರ ಸಿನಿ ಕರಿಯರ್ ಉತ್ತಮವಾಗಿ ಸಾಗಿದೆ, ಉತ್ತಮ ಪ್ರಾಜೆಕ್ಟ್ಗಳನ್ನು ಹೊಂದಿದ್ದು, ಅವರ ಅಭಿನಯವೂ ಅತ್ಯುತ್ತಮ ಎಂಬರ್ಥದಲ್ಲಿ ಹಲವರು ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: 'ಟೈಗರ್ ಶ್ರಾಫ್ ಕಾಣುವುದಕ್ಕಿಂತಲೂ ಹೆಚ್ಚು ಅದ್ಭುತ': 'ಬಾಘಿ 4' ನಿರ್ದೇಶಕ ಹರ್ಷ ಹೇಳಿದ್ದಿಷ್ಟು
ಕಳೆದ ವರ್ಷ ತೆರೆಕಂಡ ಅನಿಮಲ್ ಸಿನಿಮಾದಲ್ಲಿ ಬಾಲಿವುಡ್ ಸೂಪರ್ ಸ್ಟಾರ್ ರಣ್ಬೀರ್ ಕಪೂರ್ ಜೊತೆ ತೆರೆಹಂಚಿಕೊಂಡಿದ್ದರು. ಕಂಪ್ಲೀಟ್ ಆ್ಯಕ್ಷನ್ ಸಿನಿಮಾಗೆ ರಶ್ಮಿಕಾ ರೊಮ್ಯಾನ್ಸ್ ಅಂಶಗಳನ್ನು ಪೂರೈಸಿದ್ದರು. ರಶ್ಮಿಕಾ ರಣ್ಬೀರ್ ಜೋಡಿಯ ಹಲವು ಬೋಲ್ಡ್ ಸೀನ್ಗಳು ಸಾಕಷ್ಟು ಸದ್ದು ಮಾಡಿದ್ದವು. ರಣ್ಬೀರ್ ನಟಿಯ ಕಾಲು ಹಿಡಿದಿದ್ದ ದೃಶ್ಯವಂತೂ ಸಿಕ್ಕಾಪಟ್ಟೆ ಸೌಂಡ್ ಮಾಡಿತ್ತು. ಸದ್ಯ ಬಿಡುಗಡೆಯಾಗಿರುವ ಪುಷ್ಪ ಸೀಕ್ವೆಲ್ನ ಟ್ರೇಲರ್ನಲ್ಲೂ ಅಲ್ಲು ಅರ್ಜುನ್ ರಶ್ಮಿಕಾ ಅವರ ಕಾಲು ಹಿಡಿದು ರೊಮ್ಯಾನ್ಸ್ ಮಾಡಿದಂತೆ ತೋರಿದೆ. ತಗ್ಗೆದೆಲೇ ಡೈಲಾಗ್ ಅನ್ನು ಇಲ್ಲಿ ವಿಭಿನ್ನವಾಗಿ ಹೊಡೆದಿದ್ದಾರೆ.
