ರಾಬರ್ಟ್ ಚಿತ್ರದಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಜೊತೆ ನಟಿಸಿ ಮನೆ ಮಾತಾಗಿರುವ ನಟಿ ಆಶಾ ಭಟ್ ಸದ್ಯ ಸಾಲು ಸಾಲು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಆದರೆ ಈಗ ಅವರು ಸುದ್ದಿಯಾಗಿರೋದು ಸಿನಿಮಾದಿಂದಲ್ಲ, ಬದಲಿಗೆ ಚಿನ್ನಿದಾಂಡು ಆಟದಿಂದ.
ಹುಟ್ಟೂರು ಭದ್ರಾವತಿಯಲ್ಲಿ ತಮ್ಮ ಬಿಡುವಿನ ವೇಳೆ ಎಂಜಾಯ್ ಮಾಡುತ್ತಿರುವ ಸಿಂಪಲ್ ನಟಿ, ಈಗ ಸ್ನೇಹಿತರು ತಮ್ಮ ಸಂಬಂಧಿಕರ ಮಕ್ಕಳ ಜೊತೆಗೂಡಿ ಚಿನ್ನಿದಾಂಡು ಆಡುವಲ್ಲಿ ಬ್ಯುಸಿಯಾಗಿದ್ದಾರೆ. ಇತ್ತೀಚಿಗೆ ಮಲೆನಾಡ ಅಡಕೆ ಸುಲಿದು ನಾನೂ ಸಹ ಈ ಕೆಲಸ ಮಾಡಬಲ್ಲೇ ಅಂತ ಕ್ಯಾಮರಾ ಮುಂದೆ ಪೋಸ್ ಕೊಟ್ಟಿದ್ರು. ಈಗ ಚಿನ್ನಿದಾಂಡು ಆಡಿ ಗಮನ ಸೆಳೆದಿದ್ದಾರೆ.
ಇದಿಷ್ಟೇ ಅಲ್ಲ ಬಡುವಿದ್ದಾಗಲೆಲ್ಲ ಬೈಕ್ ರೈಡಿಂಗ್, ಕ್ಲಾಸಿಕಲ್ ಡ್ಯಾನ್ಸ್ ಅಂತ ಸದಾ ಒಂದಿಲೊಂದು ಕೆಲಸದಲ್ಲಿ ತೊಡಗಿರ್ತಾರಂತೆ. ಮಕ್ಕಳಂತೆ ಚಿನ್ನಿದಾಂಡು ಆಡಿರುವ ವಿಡಿಯೋವನ್ನ ಆಶಾಭಟ್ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಸದ್ಯ ಕನ್ನಡ ಸಾಲು ಸಾಲು ಸಿನಿಮಾಗಳು ಈಕೆಯನ್ನ ಹುಡುಕಿಕೊಂಡು ಬರ್ತಾ ಇವೆ. ಅದರಲ್ಲೂ ಆಶಾ ಭಟ್ ಮಲ್ಟಿ ಸ್ಟಾರ್ಸ್ ಜೊತೆ ಪ್ಯಾನ್ ಇಂಡಿಯಾ ಸಿನಿಮಾದಲ್ಲಿ ಮಿಂಚಲಿದ್ದಾರಂತೆ. ಮೂಲಗಳ ಪ್ರಕಾರ ನಿರ್ದೇಶಕ ಆರ್. ಚಂದ್ರು ನಿರ್ದೇಶನದ ಕಬ್ಜ ಸಿನಿಮಾದಲ್ಲಿ ಆಶಾಭಟ್ ನಟಿಸುತ್ತಾರೆ ಎಂಬ ಮಾತುಗಳು ಕೇಳಿ ಬರುತ್ತಿದೆ.
