ವಿವಾದಾತ್ಮಕ ನಿರ್ದೇಶಕ ಎಂದೇ ಹೆಸರಾದ ರಾಮ್ಗೋಪಾಲ್ ವರ್ಮಾ ಲಾಕ್ಡೌನ್ ಇದ್ದರೂ 3-4 ಸಿನಿಮಾಗಳನ್ನು ಮಾಡಿ ತಮ್ಮದೇ ಒಟಿಟಿ ವೇದಿಕೆಯಲ್ಲಿ ಬಿಡುಗಡೆ ಮಾಡಿದ್ದರು. ಈಗ ಅವರು ಮತ್ತಷ್ಟು ಸಿನಿಮಾ, ವೆಬ್ ಸೀರೀಸ್ಗಳಲ್ಲಿ ಬ್ಯುಸಿಯಾಗಿದ್ದಾರೆ. ಇದೀಗ ಅವರು 'ಇದಿ ಮಹಾಭಾರತಂ ಕಾದು' ಎಂಬ ವೆಬ್ ಸೀರೀಸ್ವೊಂದನ್ನು ಮಾಡುತ್ತಿದ್ದಾರೆ.
- " class="align-text-top noRightClick twitterSection" data="">
ಈ ಸೀರೀಸ್ಗೆ ಸಂಬಂಧಿಸಿದಂತೆ ಆರ್ಜಿವಿ ತಮ್ಮದೇ ಧ್ವನಿ ಇರುವ ವಿಡಿಯೋವೊಂದನ್ನು ಬಿಡುಗಡೆ ಮಾಡಿದ್ದಾರೆ. "ಈ ಪ್ರಪಂಚದಲ್ಲಿ ಮಹಾಭಾರತದ ಪಾತ್ರವರ್ಗದಂತೆ ಅನೇಕ ಮನುಷ್ಯರಿದ್ದಾರೆ, ಮಹಾಭಾರತದ ಘಟನೆಯಂತೆ ಅನೇಕ ಘಟನೆಗಳು ಒಂದಲ್ಲಾ ಒಂದು ಕಡೆ ಜರುಗುತ್ತಲೇ ಇರುವುದು ಎಲ್ಲರಿಗೂ ತಿಳಿದ ವಿಚಾರ. ಆಸ್ತಿ ಗಲಾಟೆ, ಭೂಮಿ ವಿವಾದ, ಮೋಸ ಮಾಡುವುದು, ಕೆಟ್ಟ ಚಟಗಳು, ಅತ್ಯಾಚಾರ, ಕೊಲೆ ಮಾಡುವುದು, ಮಾಡಿಸುವುದು, ಅಪಹರಿಸುವುದು..ಈ ಎಲ್ಲವೂ ಮಹಾಭಾರತ ಬರೆಯುವ ಮುಂಚಿನಿಂದ ನಡೆಯುತ್ತಲೇ ಇದೆ. ಮನುಷ್ಯರು ಈ ಭೂಮಿ ಮೇಲೆ ಇರುವವರೆಗೂ ಇದು ನಡೆಯುತ್ತಲೇ ಇರುತ್ತದೆ. ಇದೇ ರೀತಿಯ ಕಥೆಯನ್ನು ಆಧಾರವಾಗಿಟ್ಟುಕೊಂಡು ನಾನು ಸ್ಪಾರ್ಕ್ ಬ್ಯಾನರ್ ಜೊತೆ ಸೇರಿ ಇದಿ ಮಹಾಭಾರತಂ ಕಾದು ಎಂಬ ವೆಬ್ ಸೀರೀಸ್ ಮಾಡುತ್ತಿದ್ದೇನೆ".
ಇದನ್ನೂ ಓದಿ: 'ಮಿ.ಲೆಲೆ' ಚಿತ್ರದಲ್ಲಿ ವರುಣ್ ಧವನ್ ಬದಲಿಗೆ ವಿಕ್ಕಿ ಕೌಶಲ್...?
"ತೆಲಂಗಾಣದ ಊರೊಂದರಲ್ಲಿ ಕೆಲವು ನಿವಾಸಿಗಳಿಗೆ ಮಹಾಭಾರತದಂತೆ ಕಷ್ಟದ ಪರಿಸ್ಥಿತಿ ಬಂದೊದಗಿದಾಗ ಅವರು ಆ ಕಷ್ಟಗಳನ್ನು ಹೇಗೆ ಎದುರಿಸಿದರು,ಅದರಿಂದ ಅವರಿಗೆ ಉಂಟಾದ ಸಮಸ್ಯೆಗಳೇನು ಎಂಬುದನ್ನು ಈ ಸೀರೀಸ್ನಲ್ಲಿ ತೋರಿಸಲಾಗಿದೆ. ನಮ್ಮ ಸೀರೀಸ್ ಹೆಸರನ್ನು ಮತ್ತೆ ಕಿವಿಕೊಟ್ಟು ಕೇಳಿ, 'ಇದಿ ಮಹಾಭಾರತಂ ಕಾದು' (ಇದು ಮಹಾಭಾರತ ಅಲ್ಲ)" ಎಂದು ರಾಮ್ಗೋಪಾಲ್ ವರ್ಮಾ ಏರು ಧ್ವನಿಯಲ್ಲಿ ಮಾತನಾಡಿದ್ದಾರೆ. ಈ ಸೀರೀಸ್ ಹೇಗಿರಲಿದೆ ಎಂಬುದನ್ನು ನೋಡಲು ಸಿನಿಪ್ರಿಯರು ಕಾಯುತ್ತಿದ್ದಾರೆ.
