ಸ್ಯಾಂಡಲ್‌ವುಡ್‌ನ ಕ್ಯೂಟ್ ಕಪಲ್ ರಾಕಿಂಗ್ ಸ್ಟಾರ್ ಯಶ್ ಹಾಗೂ ರಾಧಿಕಾ ಪಂಡಿತ್. ಕನ್ನಡ ಚಿತ್ರರಂಗದ ಅದೃಷ್ಟಶಾಲಿ ಜೋಡಿಯಾಗಿರುವ ಈ ದಂಪತಿಯ ಮುದ್ದಿನ ಮಗಳು ಐರಾಗೆ ಇಂದು 2ನೇ ವರ್ಷದ ಬರ್ತ್‌ಡೇ ಸಂಭ್ರಮ.
2018ರ ಡಿಸೆಂಬರ್ 2 ರಂದು ಐರಾ ಜನಿಸಿದ್ದಳು. ಇವತ್ತು ಪುಟ್ಟ ಮಗಳಿಗೆ ಬರ್ತ್‌ಡೇ ಸಂಭ್ರಮ. ಈ ವಿಶೇಷ ದಿನದಂದು ರಾಧಿಕಾ ಪಂಡಿತ್ ಮಗಳಿಗೆ ಜನ್ಮದಿನದ ಶುಭಾಶಯ ಕೋರುವುದರ ಜೊತೆಗೆ ಕಿವಿಮಾತೊಂದನ್ನು ಹೇಳಿದ್ದಾರೆ. ಕಳೆದ ವರ್ಷ ಐರಾ ಜನ್ಮದಿನಾಚರಣೆಯನ್ನು ಅದ್ದೂರಿಯಾಗಿ ಆಚರಣೆ ಮಾಡಲಾಗಿತ್ತು. ಆದ್ರೆ ಈ ಬಾರಿ ಕೊರೊನಾ ಇರುವ ಕಾರಣ ಮನೆಯಲ್ಲೇ ಹುಟ್ಟುಹಬ್ಬಾಚರಣೆ ಮಾಡಿದ್ದಾರೆ.
'ನೀನು ನಮ್ಮ ಜೀವನದಲ್ಲಿ ಸಂತೋಷ ನೀಡಿದ್ದೀಯಾ, ನಮ್ಮ ಪುಟಾಣಿ ಏಂಜಲ್ಗೆ ಹುಟ್ಟುಹಬ್ಬದ ಶುಭಾಶಯಗಳು' ಎಂದು ರಾಧಿಕಾ ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ. 'ಬೇಗ ಬೆಳೆಯಬೇಡ, ಸಣ್ಣವಳಾಗಿಯೇ ಇರು' ಎನ್ನುವ ಕಿವಿಮಾತು ಕೂಡ ಹೇಳಿದ್ದಾರೆ.
ಐರಾಗೆ ಮ್ಯೂಸಿಕ್ ಅಂದ್ರೆ ಪಂಚಪ್ರಾಣ. ಗೆಳತಿ ಜೊತೆ ಐರಾ ಪುಟಾಣಿ ಕಾರಿನಲ್ಲಿ ಹಾಡಿಗೆ ಡ್ಯಾನ್ಸ್ ಮಾಡುತ್ತಿದ್ದಾಳೆ.
