ಪೂರಿ ಜಗನ್ನಾಥ್​​ಗೆ ಸಿನಿಮಾಗಳಿಂದ ವಿಶ್ರಾಂತಿ ಬೇಕಂತೆ!

'ಇಸ್ಮಾರ್ಟ್​ ಶಂಕರ್​​​' ಸಿನಿಮಾ ಸಕ್ಸಸ್​ ಖುಷಿಯಲ್ಲಿರುವ ನಿರ್ದೇಶಕ ಪುರಿ ಜಗನ್ನಾಥ್​​​​​​​​​ ಸ್ವಲ್ಪ ದಿನಗಳ ಕಾಲ ಸಿನಿಮಾಗಳಿಂದ ದೂರವಿರುತ್ತಾರಂತೆ. ಫ್ಯಾಮಿಲಿಯೊಂದಿಗೆ ಸ್ವಲ್ಪ ದಿನಗಳ ಕಾಲ ಎಂಜಾಯ್ ಮಾಡಿದ ಬಳಿಕ ಮುಂದಿನ ಸಿನಿಮಾ ಬಗ್ಗೆ ಗಮನ ಕೊಡುವುದಾಗಿ ಹೇಳಿದ್ದಾರೆ.

ನಿರ್ದೇಶಕ ಪೂರಿ ಜಗನ್ನಾಥ್​​ಗೆ ಸಿನಿಮಾಗಳಿಂದ ವಿಶ್ರಾಂತಿ ಬೇಕಂತೆ. ಹಾಗೆಂದು ಅವರೇ ಹೇಳಿಕೊಂಡಿದ್ದಾರೆ. ರಾಮ್​ ಪೋತಿನೇನಿ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿರುವ 'ಇಸ್ಮಾರ್ಟ್​ ಶಂಕರ್​​​' ಸಿನಿಮಾ ಸಕ್ಸಸ್ ಖುಷಿಯಲ್ಲಿದ್ದಾರೆ ನಿರ್ದೇಶಕ ಪೂರಿ ಜಗನ್ನಾಥ್​​.

ಅಯ್ಯೋ, ಇದೇನಿದು ಇಷ್ಟು ಬೇಗ ಸಿನಿಮಾದಿಂದ ದೂರ ಉಳಿಯುತ್ತಾರಾ ಪೂರಿ ಜಗನ್ನಾಥ್? ಎಂದುಕೊಳ್ಳಬೇಡಿ. ಪೂರಿ ಸ್ವಲ್ಪ ದಿನಗಳ ಕಾಲ ಫ್ಯಾಮಿಲಿಯೊಂದಿಗೆ ಟ್ರಿಪ್ ಎಂಜಾಯ್ ಮಾಡಿ ನಂತರ ಮತ್ತೊಂದು ಸಿನಿಮಾ ಆರಂಭಿಸಲಿದ್ದಾರಂತೆ. ಕಳೆದ ವಾರ ರಾಮ್​​​ ಪೋತಿನೇನಿ, ನಭಾ ನಟೇಶ್ ಹಾಗೂ ನಿಧಿ ಅಗರ್​​ವಾಲ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಸಿನಿಮಾಗೆ ಮಿಶ್ರ ಪ್ರತಿಕ್ರಿಯೆ ದೊರೆತರೂ ಸಿನಿಮಾ ಮಾತ್ರ ಭಾರೀ ಲಾಭ ಮಾಡಿದೆ. ಈ ನೇಪಥ್ಯದಲ್ಲಿ 2 ತಿಂಗಳ ಕಾಲ ಪೂರಿ ಜಗನ್ನಾಥ್ ಸಿನಿಮಾಗಳಿಂದ ದೂರವಿದ್ದು ಮುಂದಿನ ಪ್ರಾಜೆಕ್ಟ್ ಬಗ್ಗೆ ಗಮನ ಹರಿಸುತ್ತಾರಂತೆ.