ಪುನೀತ್ ರಾಜ್ ಕುಮಾರ್ ಒಡೆತನದ ಪಿ.ಆರ್.ಕೆ ಬ್ಯಾನರ್ ಅಡಿ ಮೂಡಿ ಬರುತ್ತಿರುವ ಕನ್ನಡ ಸಿನಿಮಾ ಫ್ರೆಂಚ್ ಬಿರಿಯಾನಿ ಟ್ರೈಲರ್ ಸಿನಿ ರಸಿಕರ ಮೆಚ್ಚುಗೆಗೆ ಪಾತ್ರವಾಗಿದೆ. ಗುರುವಾರ ಸಿನಿಮಾ ಟ್ರೈಲರ್ ಬಿಡುಗಡೆಯಾಗಿತ್ತು.
ಬೊಂಬಾಟ್ ಕಾಮಿಡಿ, ಥ್ರಿಲ್ಲರ್ನಿಂದ ಕೂಡಿರುವ ಫ್ರೆಂಚ್ ಬಿರಿಯಾನಿ ಚಿತ್ರದ ಟ್ರೈಲರ್ ಸಖತ್ ಸದ್ದು ಮಾಡುತ್ತಿದೆ. ಇದೀಗ ತಮ್ಮದೇ ಬ್ಯಾನರ್ನಲ್ಲಿ ಬರುತ್ತಿರುವ ಚಿತ್ರಕ್ಕೆ ಪವರ್ ಸ್ಟಾರ್ ಕಿಕ್ ಕೊಡುವ ಹಾಡುವೊಂದನ್ನ ಹಾಡಿದ್ದಾರೆ. ಇದೊಂದು ಪಾರ್ಟಿ ಸಾಂಗ್ ಆಗಿದ್ದು, ಎಣ್ಣೆ ಪ್ರಿಯರಿಗೆ ಕಿಕ್ ಕೊಡುವ ಹಾಗಿದೆ.
‘ನರಕಕ್ಕೆ ಇಳಿಸಿ, ನಾಲಿಗೆ ಹೊರಳಿಸಿದ್ರು.. ಮೂಗುನಲ್ಲಿ ಹಾಡುತ್ತಿನಿ ಕನ್ನಡ’ ಎಂಬ ಹಾಡನ್ನ ಅಪ್ಪು ಸಖತ್ ಜೋಶ್ನಿಂದ ಹಾಡಿದ್ದಾರೆ. ವಾಸುಕಿ ವೈಭವ್ ಸಂಗೀತ ನೀಡಿರುವ ಈ ಚಿತ್ರಕ್ಕೆ ವಾಸುಕಿ ವೈಭವ್ ಹಾಗು ಗೋಕುಲ್ ಅಭಿಷೇಕ್ ಸಾಹಿತ್ಯ ಬರೆದಿರುವ ಎಣ್ಣೆ ಸಾಂಗ್ಪವರ್ ಸ್ಟಾರ್ ಕಂಠ ಸಿರಿಯಲ್ಲಿ ಮೂಡಿಬಂದಿದೆ.
ಈ ಹಾಡಿಗೆ ‘ಹಂಬಲ್ ಪಾಲಿಟಿಷಿಯನ್’ ಖ್ಯಾತಿಯ ಡ್ಯಾನಿಶ್ ಸೇಠ್ ಹಾಗೂ ಚಿತ್ರದ ನಿರ್ದೇಶಕ ಪನ್ನಾಗಭರಣ ಡ್ಯಾನ್ಸ್ ಮಾಡಿದ್ದಾರೆ. ಬೆಂಗಳೂರಿನ ಓರ್ವ ಆಟೋ ಡ್ರೈವರ್ ಹಾಗೂ ಫ್ರೆಂಚ್ ವ್ಯಕ್ತಿಯ ಕಥೆ ಹೇಳಲು ಇದೇ ಜುಲೈ 24 ರಂದು ಒಟಿಟಿ ಪ್ಲಾಟ್ ಫಾರ್ಮ್ನಲ್ಲಿ ತೆರೆ ಕಾಣಲಿದೆ.