ಅಂದು ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಜೊತೆ ‘ರಾಜಕುಮಾರ’ ಚಿತ್ರದಲ್ಲಿ ಮಿಂಚಿದ ಚೆಲುವೆ ಪ್ರಿಯಾ ಆನಂದ್, ಆಮೇಲೆ ಗೋಲ್ಡನ್ ಸ್ಟಾರ್ ಗಣೇಶ್ ಜೊತೆ ‘ಆರೆಂಜ್’ ಸಿನಿಮಾದಲ್ಲಿ ನಾಯಕಿಯಾದರು. ಈಗ ಡಾ. ಶಿವರಾಜ್ಕುಮಾರ್ ಮುಂದಿನ ಚಿತ್ರಕ್ಕೆ ನಾಯಕಿಯಾಗಿದ್ದಾರೆ.
ತಮ್ಮನಿಗೆ ನಾಯಕಿಯಾದ ನಂತ್ರ ಅಣ್ಣನಿಗೂ ನಾಯಕಿ ಆಗಿರುವುದು ಹಲವು ಉದಾಹರಣೆಗಳಿವೆ. ಮೋಹಕ ತಾರೆ ರಮ್ಯಾ (ಅಭಿ ಚಿತ್ರ) ಹಾಗೂ ರಕ್ಷಿತಾ (ಅಪ್ಪು ಚಿತ್ರ) ಮೊದಲು ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಸಿನಿಮಾದಲ್ಲಿ ಅಭಿನಯಿಸಿ ನಂತ್ರ ಶಿವರಾಜ್ಕುಮಾರ್ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ.
ಈಗ ಪ್ರಿಯಾ ಆನಂದ್ ಸರದಿ. ಪ್ರಿಯ ಆನಂದ್ 2009ರಿಂದ ತಮಿಳು, ತೆಲುಗು ಹಾಗೂ ಹಿಂದಿ ಸಿನಿಮಾಗಳಲ್ಲಿ ಅಭಿನಯಿಸಿರುವ ಅನುಭವ ಹೊಂದಿದ್ದಾರೆ. ಇದಕ್ಕೂ ಮುಂಚೆ ಮಾಡೆಲ್ ಆಗಿ ಮಿಂಚಿದ್ದರು.
ಡಾ. ಶಿವರಾಜ್ಕುಮಾರ್ ಜೊತೆ ಪ್ರಿಯಾ ಆನಂದ್ ಆಯ್ಕೆ ಆಗಿರುವ ಚಿತ್ರಕ್ಕೆ ಶೀರ್ಷಿಕೆ ಇನ್ನೂ ಪಕ್ಕಾ ಆಗಿಲ್ಲ. ಆದರೆ ಸತ್ಯಜ್ಯೋತಿ ಎಂಬ ಬ್ಯಾನ್ನರ್ನಡಿ ನಿರ್ಮಾಣವಾಗುತ್ತಿರುವ ಈ ಚಿತ್ರದಲ್ಲಿ ಡಾ. ಶಿವರಾಜ್ಕುಮಾರ್ ಖಾಕಿ ತೊಡಲಿದ್ದಾರೆ. ಈ ಚಿತ್ರವನ್ನು ರವಿ ಅರಸು ನಿರ್ದೇಶನ ಮಾಡಲಿದ್ದಾರೆ ಎನ್ನಲಾಗುತ್ತಿದೆ.
